Chapter 28

Ms. Gomez

Isang napakaputing kapaligiran ang aking unang nagisnan. Nasisilaw ako kaya napapikit muli ako saka ko muling ibinuka nang paunti-unti ang mga mata ko. Napahawak ako sa aking ulo dahil sa biglang sumigid ang sakit niyon. Naramdaman ko rin ang pamamanhid ng aking kamay. Nagtaka pa ako dahil may nakasabit pa lang dextrose sa kaliwang kamay ko. Naibuka ko kaagad ng malaki ang aking mga mata at tumingin sa puti na kisame.

Nalaman ko kaagad na nasa hospital ako ng mga oras na iyon. Uupo at gagalaw na sana ako ngunit bigla akong napadaing dahil sa sumigid ang kirot sa aking kaibuturan.

"Honey, please don't move." May isang kamay ang bahagyang pumigil sa aking paggalaw.

Napabuntonghininga ako nang malalim at inalala ko ang huling kaganapan bago pa ako nawalan ng malay.

Lumingon ako sa nagsalita, and I see my husband. Kitang-kita ko sa hitsura nito ang kanyang pag-alala sa akin.

Napalunok ako at napapikit ng maalala ko na ang nangyari. Yung dugo na umaagos sa pagitan ng aking hita a