Isang lalaki ang dumating, matangkad, at siguro nasa mid-thirties ang edad. Mapungay ang mga mata, matangos ang ilong, may bigote at balbas pero hindi naman kakapalan. Parang bida sa mga Mexican telenovela na sinusubaybayan ni Mama noong bata pa ako.
Pero ang nakatawag ng pansin sa akin ay ang buhok niya - ash grey. Hindi ko alam kung uban ba iyon pero parang ang bata pa ni Sir para magka-uban na ganoon karami, saka lahat ng parte ng buhok niya, ganoon. Parang nagpa-kulay lang yata siya, pero in fairness, bagay naman sa kanya. Hindi siya nagmukhang matanda sa ganoong kulay ng buhok.
"Good morning, Sir," sabay-sabay naming pagbati pero halata sa mga boses namin na nananatiya kami sa aming bagong boss.
Ngumiti siya sa amin. "Chill. Ang stiff niyo masyado. Ganyan ba ka-terror si Dad?"
Hindi namin alam kung tatawa ba kami sa biro niya. May isang naglakas-loob na sumagot, si Miss Celine.
"No, Sir. We just want to be formal and courteous at all times."
"Fuck formalities." Humila siya ng isang upuan, sa desk yata iyon ni Kathryn. Umupo siya doon at nag-de-kuwatro. "Basta gawin niyo ang trabaho niyo, iyon ang importante."
Medyo nagulat ako sa paraan ng pagsasalita niya. Iyong tatay niya kasi, na dating VP, ay pormal at kagalang-galang. Hindi namin iyon naringgan ng masamang salita kahit kailan.
"Humila kayo ng kahit anong upuan diyan, mag-usap tayong lahat," utos niya sa amin.
Iyong iba ay sumunod na pero nagsalita si Miss Celine, "Sir, we could use the conference room if you want."
"'Wag na." Umiling si Sir Frank. "Ang laki-laki ng conference room na 'yon. Sige na, magsi-upo kayo diyan."
Ganoon na nga ang ginawa namin. Humila kami ng kahit anong swivel chair na malapit sa kinatatayuan namin at naupo kaming lahat paharap sa kanya.
"Okay," panimula niya. "Palagay ko naman iyong iba sa inyo kilala na ako dahil minsan nag-aattend na rin ako ng Board Meeting."
Nagpakilala siya, "Pero sige, for the benefit of everybody, ako si Franco Luis Miguel Ledesma. Ang haba, 'di ba? Kaya Frank na lang. Bahala na kayo kung tatawagin niyo 'kong Boss Frank o Sir Frank o VP Frank. Hindi importante sa 'kin ang mga titulo o salutation na ikinakabit sa pangalan."
"Kayo naman." Tumingin siya sa gawi ni Kathryn. "Simulan mo, Ma'am."
"Sir, good morning. I'm Kathryn Bernal," pakilala niya. "I'm currently holding the position of Administrative Assistant and I've been in this company for three years already."
"May balak ka mag-ten years?" Ngumisi si Sir. Hindi ko tuloy alam kung biro iyon o hindi.
"I see myself working in this company for a long time, Sir," sagot niya. "I enjoy the working environment here and the tasks could be challenging, but it gives me room to grow."
Lakas maka-final interview ng sagot. Lalo tuloy akong kinabahan. Isa ito sa mga bagay na nakakapagpa-kaba sa akin nang matindi - ang magsalita sa harapan ng isang crowd, gaano man kalaki o kaliit iyon.
Sa mga pagkakataon na kailangan kong pakiharapan ang iba't ibang mga tao, lalo na kung trabaho na tulad ng mga raket ko noon, napipilitan na lang talaga akong lakasan ang loob ko.
Isa rin sa mga dahilan kaya tumagal ako sa Accounting Dept. ay dahil hindi ko kailangang humarap sa mga tao sa araw-araw.
"Thank you, Kathryn," sabi ni Sir Frank pagkatapos ng palitan nila ng mga tanong at sagot.
Pagkatapos ay tumingin siya sa akin. "Your turn, please."
Tumikhim pa ako bago nagsimulang magsalita, "Ahmm... I'm Florence Catacutan po. Apelyido ko lang po 'yon pero 'wag niyo po ako katakutan."
Sinubukan kong mag-biro pampa-bawas ng kaba. Natawa naman itong mga kasama ko.
"No one will be scared of you." Ngumisi si Sir Frank. "Mukha kang banal. Parang mapapa-sign-of-the-cross nga ako ngayon."
Mas lalong natawa ang mga bago kong ka-opisina.
"Admin Assistant ka din?" tanong niya, "Katulad nitong si Kathryn?"
Umiling ako. "Ahh h-hindi po. Executive Assistant po."
Kumunot ang noo niya. "Hindi ikaw 'yong nakikita kong kasama ni Dad sa mga board meeting noon."
"B-bago lang po kasi ako, Sir," paliwanag ko. "Galing po ako sa Accounting Department. Three years po ako doon bago po ako nalipat dito, at unang araw ko po sa opisinang ito ngayon."
Tumangu-tango siya bago humalukipkip, at tumingin sa akin habang bahgyang naka-paling ang ulo niya sa kanan na para bang napapa-isip siya. "Interesting why Dad hired you as my EA."
Hindi ko naintindihan kung bakit niya nasabi iyon.
"But anyway, we'll be working a lot together." Napansin kong may diin iyong pagkakasabi niya ng "a lot". "So, welcome to the both of us, Florence."
"Welcome, Sir." Nginitian ko siya.
Ngumiti siya pabalik sa akin. Hindi ngisi kundi totoong ngiti. Lumitaw ang mapuputi at pantay-pantay niyang mga ngipin.
Nang matapos magpakilala ng lahat kabilang na ang messenger na si Kuya Jonel at Clerk na si Kimverly, nagsalita ulit si Sir Frank sa aming lahat.
"Since I'm new here, technically speaking, expect that I'll be asking a lot of questions from you guys. I'll also be needing your assistance on some matters," sinabi niya iyon sa ma-awtoridad na paraan kaya hindi halata na humihingi talaga siya ng tulong.
"Yes, Sir," si Miss Celine ang sumagot.
"Do you have any questions for me?" tanong niya, "Before we start working our asses off."
Tumayo siya mula sa kinauupuan niya nang walang sumagot mula sa amin. "Okay, since you don't have anything to ask, then let's start the day rolling."
Hindi niya na pinagka-abalahan pang ibalik kung saan niya kinuha iyong hinatak niyang swivel chair. Basta naglakad na siya papunta sa opisina niya. Nakalagpas na siya sa aming lahat nang bigla siyang huminto at lumingon.
"Florence, follow me."
"Okay, Sir." Nagmamadaling sumunod ako sa kanya. Ako sana ang magbubukas ng pinto ng opisina pero naunahan niya ako.
Dire-diretsong naglakad siya papunta sa desk niya at naupo sa swivel chair. Ako, naiwang nakatayo malapit sa pinto.
"Lock the door," utos niya.
Napatingin ako sa kanya, at hindi ako nakapagsalita.
"Lock the door and come here," ulit niya nang mapansin sigurong hindi ako kumikilos sa kinatatayuan ko.
Bigla akong kinabahan.
"Umupo ka, Florence." Itinuro niya iyong upuan sa tapat niya. Sinunod ko siya kahit kinakabahan ako.
"Are you scared of me?" tanong niya. Nahalata niya na yata na kabado ako.
Hindi ako nakasagot.
"Tinatanong kita." Medyo lumakas ang boses niya kaya mabilis akong napa-sagot ng "hindi po".
Umiling ako. "Kinakabahan lang po siguro ako."
"Bakit?" Parang natawa pa siya sa pag-amin ko.
"F-first time ko po," nabubulol pang tugon ko.
Ngumisi siya nang makahulugan. "Sabagay, nakaka-kaba nga 'pag first time."
"First time ko po sa ganitong klaseng trabaho," paglilinaw ko.
"Ilang taon ka na ba?" tanong niya. "Well, if you don't mind."
"Twenty-six po," sagot ko habang napapa-isip kung bakit kailangan pa niyang itanong.
"Talaga? Hindi ka mukhang twenty-six," sabi naman niya. "I thought you were younger."
Magpapasalamat sana ako dahil compliment naman iyon na maituturing, pero naunahan niya akong magsalita.
"May boyfriend ka?" tanong niya.
"Po?" Nagkamali yata ako ng dinig.
"Boyfriend," ulit niya.
"B-bakit niyo po gustong malaman?" Nagtaka ako kaya ako naman ang nagtanong.
Natawa siya. "Baka kasi may mga pagkakataon na kailangan nating mag-overtime. So, kung may susundong boyfriend sa 'yo, kailangan niyang maghintay. Ngayon pa lang sabihan mo na siya."
Ah, okay. Akala ko gusto niyang malaman kung single ba ako.
Ano namang paki niya kung single ka o hindi? Assumera! sabi ng isang bahagi ng isip ko.
"Wala po akong boyfriend." Inamin ko na, at mas lalo siyang natawa. Hindi ko alam kung bakit.
"’Yon naman pala." Ngumiti siya. "Gusto kong malaman kung bakit ka lumipat dito. Sabi mo kanina ay galing ka sa Accounting."
"Ahh... eh, 'yung totoo po, Sir, una pong dahilan talaga ay salary." Naisip ko na kailangang maging honest.
"Okay lang 'yan." Aniya nang siguro ay mapaghalataan niyang nahihiya akong aminin ang totoo. "May pinag-aaral ka bang mga kapatid?"
"Wala naman po. Solong anak lang po ako," wika ko. "Pero may hinuhulugan po akong bahay na ni-loan ko po sa Pag-IBIG. K-kaya kailangan ko po."
"I see." Tumangu-tango siya. "Anyway, in the next days we'll get to know each other better. You see, were both new here, so I expect you to go out of your way to familiarize yourself with the work-around, since I'll be relying on you most of the time."
"I understand, Sir," determinado kong sagot. Iyon naman talaga ang balak kong gawin.
"Second, I expect you to come earlier than I do." Tumitig siya sa akin. "Ikaw ang una kong gustong makita sa pagsisimula ng araw ko."
Natigilan ako.
Umiwas ako ng tingin, para kasing hindi ko kayang salubungin ang mga mata niya. Alam kong wala namang ibang ibig sabihin iyong huling pangungusap niya. Natural naman iyon dahil baka may kailanganin siya sa akin, tapos wala pa ako sa opisina. Pero sa hindi ko malamang dahilan, biglang sumikdo ang d****b ko dahil doon.
"Okay po," sagot ko na lang.
"Okay, so I hope we'll have a smooth working relationship, Florence," pahayag niya. "At sa pangalan na lang kita tatawagin, ha. Masyadong pormal ang Ms. Catacutan. Isa pa, hindi bagay sa 'yo ang apelyido mo."
Bumalik ang tingin ko sa kanya pero wala akong nasabi. Nagulat kasi ako sa komento niyang iyon. Pero siguro, kailangan ko nang masanay dahil mukhang walang pasintabi kung magsalita itong bago kong boss.
"'Yon lang naman muna," nagsalita ulit siya. "Ikaw, may tanong ka ba?"
"W-wala naman na po." Sinabayan ko iyon ng pag-iling.
"Alright, you may go,” aniya. Pakitawag si Celine paglabas mo at papuntahin mo rin dito."
"Okay po." Tumango ako.
Naglalakad na ako papunta sa pinto nang tawagin niya ako. Huminto ako at humarap sa kanya.
"Also, when I say lock the door, you just do it. Ayoko lang kasi na may maka-abala sa usapan natin. Expect that I'll be doing that also in my other meetings to come," pahayag niya. "Or when I'm doing something that requires my full concentration. So just call me up from the outside before letting someone in. Is that clear, Florence?"
Nahiya tuloy ako na naisip ko kanina na baka manyakin niya ako, kaya niya ipinasasara iyong pintuan.
At ito na naman ang kontrabidang bahagi ng aking isipan, Wow, ganda ka?
Tumango ako. "Yes, Sir."
Tara, Florence, were going out for lunch." Niyaya ako ni Kathryn. "Naku, sorry, may baon ako," tugon ko. "Lalabas kayong lahat?" "Yup. Wala na kasing nakakapag-baon sa 'min," si Nadine ang sumagot sa akin. "You know, in a hurry every morning." "Ah, sige, sa pantry na lang ako." Ngumiti ako para iparating sa kanila na okay lang naman ako. "Okay, see you later na lang," paalam ni Kathryn at lumabas na nga sila. Naiwan akong mag-isa sa office. Napatingin ako sa saradong pinto ni Sir Frank. Wala kayang balak mag-lunch 'yon? Katukin ko ba at yayain? Kaso baka naman nagpapahinga, mapagalitan pa ako.
"Luh. Totoo?" Nagulat ako. "Paano mo nalaman?" "Eh kaya nga sila nagkagalit ni Sir Maui!" pag-iinsist niya. "Magkasama lang sa sasakyan, may relasyon na?" Pagtataka ko. "Malamang! Anong ginagawa nila at ba't sila magkasama, aber?" Sure na sure naman itong si Kimverly. "Ano, naki-hitch lang? Galing pa nga sila sa isang five-star hotel bago nangyari 'yon, 'no." "Nandoon ka?" tanong ko. "Gaga! Siyempre, wala!" Natawa siya nang malakas at hindi ko alam kung bakit, nagtanong lang naman ako. "Pero 'yan ang kumakalat na usap-usapan sa opisina noon pa." "Ah, akala ko nandoon ka mismo sa hotel na pinanggalingan nila," sabi ko naman. "Tange, hindi." Tumatawa-tawa pa rin siya bago siya sumeryoso. "Kaya nga 'di agad naka-upo 'yan si Sir Frank as VP ng External Affairs, kasi iniiwasan niya talaga si Sir Maui." "Hindi ba dahil nasa puwesto pa rin naman kasi 'yong tatay niya, si Sir Freddie?" tanong ko. "Ano ka ba, dapat nga matagal nang nag-retire 'yon. Eh, kaso nga wala
"May sakit? Nagkita pa kami noong isang araw at mukhang maayos naman ang pakiramdam niya." Halata ang pagtataka sa boses ni Mr. Chan nang tawagan ko siya para sabihin na postponed ang meeting nila ngayong araw ni Sir Frank. "A-ang totoo po Sir, bago po siya umuwi kahapon ay nabanggit niya po iyon sa akin." Gumawa na lang ako ng kuwento. Sana lang hindi halatado dahil dito talaga ako mahina - sa pagsisinungaling. "Sinabi niya rin po kahapon na susubukan niya pa rin daw pong pumasok ngayon," sabi ko pa. "Kaya lang po, nag-advice siya ngayong umaga na hindi na nga po siya makakarating." Ang ending, ni-reschedule ko na lang ang meeting sa ibang date. Ganoon din ang ginawa ko sa nauna kong naka-usap na si Mr. Cordero na dapat ay ka-meeting din ni Sir Frank ngayong araw na ito. Tinuruan ako ni Miss Celine kanina kung paano makipag-usap professionally sa mga ka-deal ni Sir Frank. Dapat daw assertive ako at confident, pero alam ko, paminsan-minsan ay bumabalik ako sa shy at tim
Nauna nang umuwi ang mga kasama ko sa opisina. Ako na lang ang naiwan dahil hindi pa lumalabas si Sir at iyong bisita niya. Sa paraan ng pag-uusap nila, para namang friends sila ni Sir. Sana nag-set na lang sila ng weekend, hindi iyong ganitong office hours. Pasado alas sais na ng hapon.Wala na rin naman akong ginagawa dahil natapos ko na lahat ng tasks ko for today. Nakaligpit na nga lahat ng gamit ko at uwing-uwi na rin ako talaga. "O, Florence, nandito ka pa?" Nag-angat ako ng tingin nang magsalita si Sir Frank. May inilagay kasi akong file sa ilalim ng table ko. "Hatid na kita pauwi," sabi ni Mr. Sanchez sa akin. Ito na naman 'yong ngisi niyang nakakaloko. Medyo nakakainis na. "Hindi. Sa akin siya sasabay." Napatitig ako kay Sir Frank nang sabihin niya iyon. *** Nag-commute ako pauwi. Mas okay na ito kaysa sumabay sa kahit sinuman kina Mr. Sanchez o Sir Frank. Hindi naman sa pagmamaganda pero hinding-hindi ako magpapahatid sa Mr. Sanchez na iyon. Sobrang pr
"Kunin mo na, bilis." Nagmadali tuloy ako sa pagkuha. Ang tagal na kasing naka-extend ng kamay niya na hawak iyong credit card. "Sige po," sabi ko. "Puwede naman po i-reimburse ito." "Bahala ka na rin diyan." Aniya na para bang balewala ang pera. Ibinaba niya na iyong screen ng laptop niya. "Wala naman na 'kong meeting 'di ba?" Umiling ako. "Wala na po." "Alright. I'm going." Tumayo na siya mula sa kinauupuan niya. "Bye, Florence." "Bye po." Lumabas na siya ng opisina. *** "Don't you have a nickname?" tanong sa akin ni Sir Frank pagkatapos ng lunch meeting with the Sales Department. Isa-isa nang nag-aalisan ang mga inimbitahan namin at katatapos ko lang din tumawag sa maintenance personnel para makapagligpit at linis na dito sa conference room. "Po?" Napalingon ako sa kanya at inulit ang sinabi niya, "Nickname?" "Oo. Ang haba kaya ng Florence." Petiks na petiks lang siyang naka-upo sa swivel chair. Ako, nag-iimis na ng mga kalat sa mahabang
Bumaling na sa kanya sila Luna at Patti, pero ako, parang nanigas sa kinauupuan ko. "Hi, Florence. I know it's you." Narinig ko ulit ang baritonong tinig na iyon. Nai-imagine ko iyong hitsura niya habang sinasabi iyon kaya lalong hindi ako makalingon. "Hi daw, baks!" Siniko ako ni Patti. Napilitan akong ipa-ikot ang kinauupuan kong high swivel chair para harapin siya. Wala na akong magagawa. At tama nga ako, isang pang-asar na ngiti ang nasa mga labi niya ng mga oras na iyon. "Sir Frank..." Iyon lang ang tanging nasabi ko. Kung puwede lang akong kunin ng mga alien ngayon, sasama na talaga ako. Sobrang nakakahiya! Kailan pa kaya siya nakatayo sa likuran namin? Anu-ano pa kaya iyong mga narinig niya? Pakiramdam ko, ang init ng mga pisngi ko, at kahit hindi ko nakikita ang sarili ko, alam kong namumula ang mga iyon. Napansin kong may dalang cup of coffee si Sir Frank, at ang suot niya ay iyong coat and slacks na suot niya rin kanina sa opisina. "Don't worry, I won'
Tumalikod na siya sa akin pero parang hindi ako makagalaw. Nang tignan ko ang mga staff niya na nakatayo lang malapit sa amin, sila mismo ay may tanong din sa kanilang mga mata na para bang first time ginawa iyon ng boss nila. Tinanguan ko na lang sila bago ako lumabas ng pintuan. Pagkasarang-pagkasara ko noon ay kinagat ko ang ibabang labi ko para 'di ako mapa-tili. Mukhang tama si Luna - malala na itong tama ko. Kaso habang naglalakad ako pabalik sa opisina namin ay biglang sumilip sa diwa ko si Sir Frank. Ang nakakaloko niyang ngiti at nang-aasar niyang mga banat. Pero mas okay kung ikaw magbigay sa kanya para magka-moment naman kayo. Napa-iling na lang ako. Thank you na rin po, Sir Frank.*** "Is Frank inside?" Isang magandang babae ang lumapit sa mesa ko at nagtanong. Sa ilang linggo kong pagta-trabaho dito sa OVPEA ay nasanay na akong iba-ibang babae ang dumadalaw kay Sir Frank - na hindi naka-schedule o walang appointment. Buti nga hindi sila nagkakasabay
"Oo." Tumango siya. "Free diving ba ibig mo sabihin?" "Opo," sabi ko naman. "Or scuba po, mga underwater activities." "Yeah, I do those." Naroon pa rin sa labi niya iyong mapaglarong ngiti na para bang may nais ipakahulugan. Tumangu-tango na lang ako. Hindi ko na alam kung ano ang isasagot, saka iyong pagkakangiti niya sa akin, hindi ko maintindihan kung bakit ganoon. Tinanong ko lang naman siya kung sumisisid siya. So, baby take me home Come on and take me home Don't take me baby for a one night stand Just love me baby Love me all you can... Ibang kanta na iyong tumutugtog, hindi ko rin alam kung anong kanta iyon. Pero parang iisa lang ang tema mula doon sa una. Tumanaw ulit ako sa labas ng bintana nang magsalita na naman si Sir Frank, "Nandoon na raw si Maui." Napilitan tuloy akong lumingon sa kanya. "Sa airport po?" "Oo." Ibinalik niya ang hawak na cellphone sa bulsa niya. "Ang aga niya." Tinanaw ko mula sa bintana kung nasaang lugar na kami. "