Chapter 24

"Boss, narito si Mr. Ferrer."

Napaaangat ang mukha ko sa kakapasok lang na si Randy, hanggang sa pumasok si Mr. Ferrer kasama ang anak nitong babae.

"Javier, tama nga ako pagkakaalam na na narito ka na ulit. Masaya akong makita kang muli."

Tumayo naman ako at nagbigay galang kay Mr. Ferrer, dahil marami rin itong naitulong sa akin at itong resort nakuha ko dahil sa tulong niya. Inabot ko ang kamay niya at ngumiti lang saglit sa anak niyang si Claudia.

"Kamusta ka na Javier, ang tagal rin kitang hindi nakita."

Hindi inaasahan ang biglang pagyakap sa akin ni Claudia at sinunda ng halik sa pisngi ko.

"May bisita ka pala, pasensya na at hindi ka namin napansin."

Naalala ko naman bigla si Elisa, umurong ako at lumapit sa tabi ni Elisa.

"Si Elisa pala, espesyal na bisita ko. Elisa, siya si Mr. Ferrer at ang anak niya na si, Claudia." Pagpapakilala ko kay Elisa sa bisita ko.

"Magandang umaga sa inyo." Nakangiting bati niya.

"Siya nga pala, kaya kami nandito dahil may party na magagana