Kabanata 32

Nilingon ni Zack ang kanyang likuran sakaling nagkamali lang siya ng akala, ngunit pagbalik niya ng tingin sa dalaga nasa harapan na niya ito at binigyan siya ng halik. Hindi lang si Cynah ang nagulat pati mismo ang lalaki, hindi niya lubos akalain na ganito ang mga kababaihan sa klab, naghahalikan kahit walang relasyon.

      Hindi alam ni Zack kung ano ang gagawin lumalalim na ang kanilang halikan at nangangamba siya sa mga taong patuloy na dumadaan. Labis ang pagkagulat ng binata nang lahat ng mga taong dumadaan ay hindi sila pinapansin sa halip sa hindi kalayuan may nakita din siyang naghahalikan.

"GRABE!" hindi mapigilan ni Cynah na magulat sa ginagawa ng kapatid. Hindi niya mapigilang magalit sa gumawa ng sumpa, paano na ang dignidad ng kapatid. Ilang minuto na din ang lumipas bago natigil ang malaswang palabas. Nakita ng dalawang mata ni Cynah na hinila ng kapatid niya ang binata papalayo sa klab kaya agad niya itong sinundan.<