Chapter 92

RIZ

ARAW-ARAW akong nagpupunta sa ospital kasama si Justin. He adjusted his schedule at hindi humihiwalay sa akin. Umaalis lang siya kapag kailangan niyang um-attend ng meeting but we mostly spend our time in the hospital with my father. Nasanay na rin yata si Dad sa presensiya ng asawa ko kaya nang isang beses na hindi ko siya kasama nang umaga ay nagtanong ito.

“May meeting po siya Dad nang alas-otso pero pupunta rito ’yon pagkatapos. He said he’s bringing us lunch.”

“Baka healthy na naman ’yon. Ang tabang-tabang,” reklamo ng aking ama. “Kailan daw ba ’ko palalabasin ng doktor? Naiinip na ’ko rito. Puwede namang bumalik na ’ko sa opisina dahil kasama na kita.”

Napatawa ako. “Dad, kailangan talagang matabang ang pagkain mo dahil masama sa ’yo ang maalat at mamantika, remember? At kung pagtatrabaho naman, Justin and I are working on it. Sabay naming pinag-aaralan ang takbo ng company. Actually, may meeting nga kami sa makalawa sa finance. Are you aware that there’s money missing? I me