CHAPTER 83

“Bakit parang naririnig ko ang boses ni Loisa sa katauhan ng kaibigan ni Miguel?” Nagtatakang tanong ni Steve sa sarili.

“Hay naku nababaliw na yata ako?” Ipinilig na lamang ni Steve ang kanyang ulo.

Pilit niyang iwinaksi sa isipan ang duda na si Loisa nga ang kausap ni Miguel.

Kasalukuyan siyang nasa silid ng kanyang mama ngayon, inatake na naman kasi ito ng alta presyon nito.

“Sino kausap mo son,” tanong naman ng kanyang ama ng maabutang tila may kausap ang anak.

“Nothing papa,”sabi naman ni Steve.

“I see, akala ko nababaliw ka na diyan at kinakausap mo ang iyong sarili,”biro pa ng ama nito.

Natawa lamang si Steve, mabuti nga naman at okay na silang mag-ama. Makalipas din naman ang ilang buwan ay unti-unti na siyang napatawad ng kanyang Papa.

Ngunit kabaligtaran pa rin sa kanyang ina na maging hanggang ngayon ay hindi pa rin siya pinapansin.

“Pasensiya ka na at ipinatawag ulit kita dito,” sabi ng kanyang Papa.

“Alama mo kasi sobrang kaba ko noong inatake ulit ang Mama