Kabanata Sixty-Five

“HAYOP KA!” malakas na sigaw ni Nina at mabilis na sinugod si Don Emilio. “Napakawalang puso mo! Paano mo nagawang traydurin si Ama? Paano mo nagawang ipagkanulo ang iyong kaibigan para lang sa posisyon na ‘to? Paano mo naatim ang lahat ng kawalang-hiyaan na ito? Paano?” umiiyak at nagsusumigaw na tanong ni Nina habang hinihila ang damit ni Don Emilio.

Kitang-kita ko ang galit sa kanyang mga mata nang sandaling iyon, alam kong labis na nahihirapan si Nina sa kanilang sitwasyon ngunit hindi ito ang lugar kung saan maaari niyang pairalin ang kanyang emosyon. Lalopa’t nagkalat ang mga Guardia Civil sa buong paligid anong maling kilos na gawin namin dito sigurado ako na anumang oras ay nakahandusay na kami sa lupa. Hindi ko maaaring hayaan na mamatay si Nina kaya kahit na maaaring makagulo ang aking kilos ay kailangan ko siyang awatin. Habang gulat pa ang lahat sa ginawa ni Nina ay sinamantala ko na ang pagkakataon at mabilis na tumakbo papalap