Chapter 17

DRIVING LESSON

Ilang araw na hindi nagparamdam sa kanya si Vincent na ipinagpasalamat niya. Ginugol niya ang lahat ng oras niya sa pagbabantay at pag-aalaga kay Kreios. Nang sumapit ang Sabado ay maaga siyang naghanda sa kanyang sarili. Ayaw niyang malate at baka magalit na naman si Vincent sa kanya at sermonan pa siya nito.

Mula sa tinutuluyan niyang condo, pumara siya ng taxi patungong Starline Galore. Ang sabi ni Vincent ay racetrack iyon ng isa sa mga kaibigan niya. Doon na lang daw sila magkikita para sa driving lesson niya. Pagkarating niya sa lugar, agad siyang nagbayad at bumaba na patungong entrance. May dalawang malalaking lalaki ang nakabantay doon.

"Identification, Miss?" Ani ng isa.

Hinugot niya mula sa kanyang bag ang kanyang ID at ibinigay sa lalaki. Tiningnan nitong maigi ang kanyang mukha bago tumango sa kasama.

"Pasok kayo Ma'am. Naghihintay na si Sir sayo sa loob," anito at binuksan ang maliit na gate.

Napangnga siya nang makarating na sa loob. Ngayon lang siya naka