Kabanata Tatlumpo’t Dalawa

Wala silang naging imikan ni Rafael habang buhat sya nito sa likod. Mabuti na lamang at tumila na rin ang ulan. Isang traysikel ang pinaswitan ng binata na agad namang lumapit sa kanila. Maingat siyang ibinaba ni Rafael at iginiya pasakay sa nakahintong trike. Buong akala niya ay isasakay lamang sya nito roon pero laking gulat ni Rada nang sumunod ang lalaki at tinabihan sya sa loob. Jusmiyo ito na naman ang puso niyang ayaw paawat sa pagkabog. Nanatili siyang tahimik na animo nalulon ang dila.

Tila ngayon lang nag sink in sa utak niya ang katatapos lang na palabas. Hiyang-hiya tuloy sya kay Pael. Hindi nya sukat akalain na naroroon lang pala ang binata sa akademya ng mga oras na iyon.

Panggabi kasi ang klase ng lalaki kaya naman buo ang paniniwala niyang walang Pael na lilitaw na ala prince charming. Isa pa naroon pa rin ang kanyang pag-aalinlangan na baka hindi rin siya pagbigyan ng binata kahit na umabot pa sa kaalaman nito ang pangyayari. Hindi nga ba at ayaw na nitong magkaroon