Kabanata 007

ANNE POV

Gulat na gulat ako sa bilis ng pangyayari. Sa isang iglap tila nagbago ang aking kapalaran . Kahapon lang ay nag-aalala ako kung saan ako titira pagkatapos ng lahat ng kaguluhang ito, wala na akong balak na bumalik pa sa unit ng mga magulang ko, pero ngayon?..., kapit ko sa kamay ko ang titulo ng unit at lupa na nakapangalan sa akin. Kaya naman nakahinga na ako ng maluwag. Hindi ko inaasahang ang tiyuhin pa ni Vince ang makakapagbigay sa akin ng ganitong klaseng pakiramdam na ligtas ako. Naiinis ako dahil dun , bilang pasasalamat ay malumanay kong sinabi “Huwag kang mag-alala Hector, aalagan kita ng maayos.”

“Okay” gumuhit ang nakakabighaning ngiti sa labi ni Hector. Itinulak ko ang wheelchair ni Hector papasok sa loob ng munisipyo. At sa tulong ni Renz mabilis naming nakuha ang aming marriage certificate. Medyo nahihilo pa ako kaya hindi ko na pinansin ang kakaibang pag ngiti ng lalaking kumukuha ng picture namin ni Hector bilang katibayan sa aming kasal. Pagkakuha namin ng Marriage certificate ay agad itong hinablot ni Hector sa kamay ko, hindi ko man lang niya nakita ang anumang detalye tungkol sa aming kasal.

“Si Renz na ang bahalang magtabi ng Certificate natin, kakailanganin din iyan para sa pag-papabago ng mga dokumento mo. Kailangan ma update ang status mo sa system. Sasamahan na muna kitang bumalik sa unit niyo para kuhain ang mga importanteng gamit na kailangan mo.” Seryosong sabi ni Hector, pero alam ni Hector sa puso niya na hindi totoo ang sinasabi niya. Pinatabi niya lang  kay Renz ang dokumento dahil ayaw niyang maisipan ni Anne ang magpa-annul sa kaniya. Sa isip niya ay hindi siya papayag na mangyari yun.

Tumango lang ako sa kaniya “okay”.

Mabilis lang kaming nakarating sa unit nila Mama. Pagdating namin sa tapat ng pintuan ay hindi ko na pinasama ni Anne si Hector sa akin.

“Babalik din ako kagaad, saglit lang ako.” sabi ko sa kaniya

“Okay walang problema.” sagot ni Hectir sa akin ng buong galang.

Pagkapasok ko sa loob ay nakita ko sila Mama na nakaupo sa sofa at naghihintay sakin. “Ma, Pa. Kukuhain ko lang po ang ilang gamit ko.” Pagkasabi ko ay agad akong tumalikod.

“Huminto ka Anne!” malakas na sigaw ni Papa. Mabilis itong tumayo at pinigilan ako sa pag-akyat. Huminto naman ako kaagad ngunit bago ako nakapag react ay walang habas na sumugod si Mama sa akin at malakas niya akong sinampal. Sa isang iglap umalingawngaw ang malakas na pagsigaw nito sa buong unit “Napakalandi mo! Talagang ginapang mo ang tiyuhin ni Vince? Napawalanghiya mo! Ngayon pano pa makakasal si Elaine kay Vince?”

“Pakshit” bulong ko sa sarili ko. All this time. Hindi ako makapaniwalang gusto nilang sirain ang buhay na mayroon ako para sa interes ng kapatid ko. Kahit na alam kong gustong ipakasal nila Mama si Elaine kay Vince ay di ko pa rin maiwasang hindi masaktan. Habang iniisip ko iyon , lalo kong nararamdaman ang pagka-argabyado ko sa mga nangyari kaya alam kong kailangan kong ipagtanggol ang sarili ko.

“Hindi ko ginapang ang tiyuhin ni Vince. Ma, Pa…biktima din ako sa nangyari!”

“Biktima? Anong biktima?”

Galit na galit sa akin si Mama “kahit ang manok pag ang palay na ang lumapit, hindi maaring hindi tutuka. Hindi pa nga kayo kasal ni Hector pero titira ka na sa unit niya? Pano ka igagalang ng iba kung ang sarili mo hindi mo kayang igalang?”

“Hanggang ngayon hindi niyo pa rin alam ang totoong dahilan kung bakit ako titira sa ibang unit?” tumingin ako kay Mama ng mas matalim, nararamdaman ko na ang pagbagsak ng aking luha, ang tono ko ay mas matatag. Pilit kong tinignan ang mukha ni Mama dahil gusto kong makita kung kahit papano ay na-gu-guilty sila sa pagiging unfair nila pero sa kasamaang palad ay mukhang wala silang pakielam sa akin. Sa puntong ito ay umabot na ako ng hangganan! Tapos na ang oras ng walang katapusang pagpapahiya sa nila sa akin! Wala na ang dating Anne na anak nila na basta na lang hahayaan ang kung anong gusto nilang sabihin , subalita ang matatalim kong tingin ang lalong nakapag painit ng ulo ni Mama.

“Ano yang tingin mong yan? Bakit sa tingin mo ba tama ang ginawa mo? Nagmamayabang ka? Sinira mo ang magandang samahan ng pamilya natin sa pamilya Valderama at ngayon kailangan namin linisin ang kalat na ginawa mo!”

Muling itinaas ni Mama ang kaniyang kamay pero sa pagkakataong ito ay agad kong hinawakan ang kamay ni Mama at matapang kong sinabi “Nandiyan si Hector sa labas, sigurado ka bang gusto mo kong sampalin ulit ng hindi napapansin ang bakat nito sa mukha ko?” Nang marinig ni Mama ang pangalan ni Hector ay galit niyang binawi ang kaniyang kamay sa akin, hindi na ako nag-aksaya pa ng oras. Agad na akong umakyat sa aking kwarto at kinuha ang mangilan ngilang kong gamit. Walang lingon akong nag-impake sa aking maleta. Iniwan ko ang lahat ng mga pinaglumaang gamit na binigay sakin ni Elain. Tanging mga importanteng dokumento at mga prioriting gamit lang ang aking kinuha.

Pagkababang-pagkababa ko ay narinig ko ang galit na sigaw ni Papa

“P*****a kang bata ka! Sige sabihin na nating nagpakasal ka. Pero napakatanga mo talaga at nagpakasal ka sa isang imbalid. Anong silbi niyan sa buhay mo? Tatanungin kita. Nasaan na ang niregalo sayo ng lalaking iyon?”

Sa pagkakasabing iyon ni Papa ay biglang pumasok sa loob ng unit si Hector habang tulak tulak ni Renz.