DISTRACTION

PAGKAGALING sa opisina ng kanyang Papa ay kaagad na dumiretso si Adrielle sa basement kung saan naroon at tiyak niyang naghihintay sa kanya si Crimson.

Pagkababa niya sa basement ay natuon ang pansin ni Adrielle sa pet bed na nakalagay sa paanan ni Crimson. Abalang-abala ito sa kung ano mang tinitingnan sa kaharap na monitor habang si Pixie naman ay tulog na tulog. Muntik nang matawa si Adrielle nang makita niya ang kapirasong hiwa ng mansanas na nakasubo pa rin sa nahihimbing na biik.

"Crim," tawag-pansin niya sa kapatid bago lumapit sa nakasaradong refrigerator. Binuksan niya iyon at kumuha ng mansanas.

Mabilis namang lumingon si Crimson at napakunot ang noo nang makita ang hawak ni Adrielle.

"Ibalik mo 'yan!" nakasimangot na aniya sa bunsong kapatid.

Umirap naman si Adrielle bago tila walang anumang kinagat ang hawak na prutas pagkatapos niya iyong punasan gamit ang laylayan ng suot niyang sando.

"Masamang magdamot sa kapatid." Sabi ni Adrielle habang ngumunguya.

Umismid si