CHAPTER 31: STEPSIBLING

Gusto ng magpahinga ni Yelena. Epektibo ang maghapong pagpapagod at pang-aaliw niya sa sarili. Idagdag pang ramdam niya pa rin ang pananakit ng katawan. Kaya matapos maglinis ng katawan ay diretso na siyang natulog.

Ngunit naalimpungatan siya nang maramdaman niya ang paglubog ng gilid ng kama niya.

Ilang beses niyang pinikit-dinilat ang mga mata. Sa tulong ng tanglaw ng lampshade sa tabi ng kama niya ay nakita niya ang nakaupo sa tabi niyang si Angelo.

Napabalikwas siya ng bangon. Itinukod niya ang magkabilang siko sa kama.

"Ano ang ginagawa mo rito?" tanong niya sa naiiritang tinig.

"Kaibigan ko pa ang napili mo para akitin?"

"Ano?" nalilitong balik-tanong niya.

Tumingin siya sa labas ng bintana. Ano'ng oras na ba at narito ito sa silid niya? Bakit suot pa rin nito ang damit nito ng umalis ng umaga? At bakit magulo ang buhok nito? Nakainom ba ito?

Umiling ang binata. "Don't mind what I said," anito. Pagkatapos ay tinitigan ang dalaga. Magulo ang mahabang buhok nito na ang ilang hibla