KABANATA 22

Inihulog niya sa labas ng bintana ang mahabang kumot na pinagdugtong-dugtong niya.

Tahimik na masyado ang paligid kaya't malakas na ang loob niyang pumuslit palabas ng bahay.

Bumili ng bahay ang mga magulang niya sa Maynila na malapit sa paaralan nila ni Audrey. Kahit hindi naman magkapareho ang pinapasukan nila ng pinsan ay parehong malapit lang ang mga iyon sa nabiling bahay ng mga magulang niya.

Ang Daddy niya ay laging may business trips sa iba't-ibang lugar. Ang Mommy niya ay hindi maiwan ang hacienda dahil nga wala ang Daddy niya lagi.

Sila lang ni Audrey ang nakatira sa bahay na iyon kasama ng isang matandang katiwala na hindi taga-Tarlac.

Sinadya yata iyon ng ina para huwag nilang masulsulan na huwag magsumbong sa mga ito kapag may ginagawa silang kabulastugan.

Hindi niya naman talaga gustong makasama si Audrey sa Maynila. Gusto niyang mag-request sana sa mga magulang na mag-dorm or kunan na lang siya ng condo unit pero alam niyang hindi papayag ang mga ito.

Wala kasing nahihi