KABANATA 43

Itinigil niya nang tuluyan ang pag-inom ng pills sa takot na baka mapaano pa ang baby kung sakaling nakabuo nga sila ni Sky.

Hindi niya alam pero parang iniisip na niya agad na may laman na ang sinapupunan niya. Ang pakiramdam na iyon ang nagbibigay ng saya sa kanya lately.

Malapit nang matapos ang sem. Malapit na ang graduation ni Sky. Ni hindi na nga nasundan ang mainit nilang gabi dahil lagi itong umaalis ng maaga at gabi na kung umuwi.

No'ng una ay iniintindi niya kahit naiisip niya si Audrey na laging nakikita ni Sky sa opisina. Pero lately ay parang naiirita na siya na ewan. Laging mainit ang ulo niya kahit pinapaalam naman lagi ni Sky na hindi ito makakauwi agad.

Hindi na nga siya gumigising nang maaga para magluto. Para ano pa? Eh, lagi siyang nagigising na wala na ang lalaki sa tabi niya. Sa gabi naman ay hindi na rin siya naghahanda ng dinner. Kapag ginugutom siya ay umoorder na lang siya.

Naghalo ang sama ng loob niya at galit. Hindi niya naman iyon masabi kay Sky dahil par