KABANATA 75

"Hindi ko po pala kayang ipagawa ang sinasabi ninyo, Mam." Nakayukong sabi ni Manang Guada sa kanya.

"Kadali-dali lang ng pinapagawa ko sa'yo! Ihalo mo lang sa ipapainom mo sa kanya iyong gamot!" Inis na inis siya habang kinakausap ang katiwalang kinuha para makasama ni Braille sa bahay niya sa Tagaytay.

Inutusan niya itong ihalo ang gamot sa pagkain or inumin ng babae. Ang akala niya ay sinunod ng katiwala ang ibinilin niya pero hindi pala.

"H-hindi ko po kaya. Maghanap na lang po kayo ng iba." Nanatiling nakayuko ang matanda.

Napahinga siya nang malalim. Pilit niyang pinapakalma ang sarili. Ang gamot na ibinigay niya sa matanda ay pampalaglag.

Hindi pwedeng siya ang gumawa no'n dahil ang gusto niya ay ang matanda ang madidiin kung sakaling mapurnada at mabistong dahil sa gamot kaya nakunan si Braille.

"Sige, ganito na lang. Hilutin mo ang tiyan niya. Sabihin mo na makakabuti iyon sa posisyon ng bata pero ang gagawin mo ay hihilutin mo para malaglag iyon. I'm sure alam mo iyan since