KABANATA 16

Gising na gising na nga si Audrey pero parang dumilat lang din. Nakatunganga lang kasi ito lagi kung hindi man umiiyak.

Sinubukan niyang kausapin kanina pa ang pinsan pero parang wala itong naririnig. Nakatitig lang ito sa kawalan.

Tanging ang mga mata lang din nito ang nakikita niya dahil may benda pa rin ang buong mukha ng pinsan. Bukas daw ay aalisin na iyon sabi ng doktor.

Tumahimik na lang din siya nang wala talagang planong makipag-usap ang pinsan niya. Naiintindihan niya naman ang kalagayan nito.

Ang mga magulang niya ay laging abala mula nang maaksidente ang pamilya ni Audrey. Ang dami ng pina-process nila dahil napagdesiyunan ng ina niya na sa kanila na tutuloy ang pinsan niya.

Wala naman kasi itong malalapit na kamag-anak sa side ng ama nito sa Australia. Hindi niya alam kung paanong ang mga naiwan ng parents ng pinsan sa Australia ay maibenta para mailagay na sa account ni Audrey.

Nakausap na ng Mommy niya si Audrey tungkol doon. Pumayag si Audrey na manatili na nga lang