KABANATA 80

Gaya ng gusto niya ay ni-unfriend ko si Rico. Kinalkal niya pa ang luma niyang account at ni-add ako. Pinapalitan ang status naming dalawa, from single to married. Pina-post niya pa sa newsfeed ko, naka-tag pa sa kanya.

Ang dami tuloy komento sa post. Bukod sa Congratulations ay may iilan na nagtatanong at nagulat. Pinusuan ko na lang at hindi na binigyan ng reply.

Isang buwan ata kaming nagpipicture para lang sa hiling niyang mga post. Pinapuno niya ang timeline niya. Hindi ko alam kung matatawa ako o maiinis na ayaw niyang tumigil sa picture-picture na 'yan!

Imbis na tuluyang mainis ay sinakyan ko na lang ang trip niya at ginandahan na lang ang mga kuha. Sa bawat post ay may tanong ngunit hindi ko sinasagot. Ang iilan lang na galing kay Celeste ang sinasagot ko.

Maging sa account niya ay ganoon. Iilang kakilala ang nagkokomento.

"Alam mo na ang gender?" tanong ko kay Celeste na nasa video call.

Nasa lilim ito ng puno at doon nakatayo. May