CHAPTER 10

"I'm sorry, Hexy," pagpapaumanhin ng isa sa kaniyang kaharap.

Pinunasan niya ang kaniyang luha at tumingin sa kanila.

"K-Kanino galing 'yan?" Tanong niya sabay turo sa cellphone kung saan nakita niya ang isang picture na nakahiga siya sa kama habang natutulog at may kasamang lalake na walang suot at tanging kumot lang ang takip nito sa katawan, habang siya ay may suot na damit.

"S-Sabi ni Sasha, pinasa lang daw sa kaniya. Isinend niya sa group chat natin," sagot ng isa.

Kumuyom ang kaniyang mga palad dahil sa galit.

"Nasaan siya?" Kalmadong tanong nito.

"Day off niya ngayon," sagot naman ng kaharap niya.

 Hindi pa man siya nakakapagsalita ulit ay umalis na ang dalawa sa harap niya. 

Muli na namang tumulo ang kaniyang mga luha at naupo sa isang upuan saka ilang beses na huminga nang malalim upang pakalmahin ang sarili.

"Why are you still—"

Hindi natapos ni Maverick ang kaniyang sasabihin nang tumingin si Hexy sa kaniya habang umiiyak.

Lumapit siya kay Hexy at umupo sa kaniyang harapan.

"Is it about the picture?" Mahinang tanong ni Maverick. Napakunot-noo naman si Hexy.

"Nakita mo?"

"Oo, kanina. Ipinakita nila sa'kin," sagot naman ni Maverick.

"Hindi totoo 'yon, Mavs. Hindi ako 'yon," naiiyak niyang sambit. Tumango-tango naman si Maverick.

"Edited lang 'yon. At hindi ako sumasama sa ibang lalake," dagdag pa niya saka pinunasan ang kaniyang mga luha ngunit patuloy pa rin ito sa pagpatak.

Hinayaan lang siyang umiyak ni Maverick at hindi siya nito iniwan.

Umalis saglit si Maverick at pagdating niya ay may dala siyang tubig.

"Go change your clothes kapag kumalma ka na," wika nito saka iniabot ang bottled water kay Hexy. Tumango naman si Hexy at napatingin sa likod ni Maverick habang paalis ito sa kaniyang harapan.

Nang kumalma siya ay agad siyang nagtungo sa storage room sa office upang kumuha ng pamalit niyang uniform.

Pagkabalik niya sa dining area ay hindi makatingin sa kaniya ang babaeng guest na namahiya sa kaniya kaya nagtaka siya.

"Saan tayo pupunta?" Tanong ni Hexy nang ibang direksyon ang tinatahak ni Maverick habang nagmamaneho.

Hindi naman sumagot si Maverick at seryoso lang ito.

Ilang minuto lang ang nakalipas ay nakarating sila sa isang restaurant malapit sa dagat.

"Mag-take out tayo," sambit ni Maverick nang makapasok sila sa loob. 

Napasulyap naman si Hexy sa dagat mula sa bintana ng restaurant at naalala ang mga pangyayaring kasama niya si Brix.

"Hexy, kanina pa kita tinatanong," wika ni Maverick kaya napatingin ito sa kaniya.

"S-Sorry."

"Ano'ng gusto mo?" Tanong ni Maverick.

"Kahit ano," tipid na sagot niya.

Bumuntong-hininga naman si Maverick bago umorder ng kanilang kakainin.

Nang makuha nila ang pagkain ay agad silang lumabas doon.

"Saan mo gustong kumain? Gusto mo ba kumain sa tabing-dagat?" Tanong ni Maverick habang isinusuot ang kaniyang gloves.

"Puwedeng sa apartment ko na lang?" Sambit ni Hexy. Hindi naman nagsalita si Maverick saka hinintay na maisuot ni Hexy ang helmet.

Dumiretso sila sa apartment ni Hexy at doon kumain.

"Ano na naman kaya ang mangyayari bukas?" Mahinang sambit ni Hexy saka niyakap ang unan sa sofa.

"Because of what happened, asahan mong may mangyayari sa'yo. Mataas ang tingin ng mga tao kay Brix, and hindi mo alam kung ano'ng gagawin ng fiancee niya sa'yo if alam na niya ang tungkol sa'yo," wika naman ni Maverick habang nakapikit at nakayakap sa unan.

"Kung alam ko lang na ganito ang mangyayari, hindi na sana ako nakipag-usap sa kaniya dati. Nilimot ko na lang sana ang nangyari," saad ni Hexy saka umayos sa pagkakaupo.

"You can't bring back the past. There's no point in regretting what happened," sagot naman ni Maverick. Napabuntong-hininga na lang si Hexy at pinagmasdan siya habang nakapikit ito.

"Ikaw na lang sana," sabi niya.

Tumalikod naman si Maverick sa kaniya habang nakapikit pa rin.

"You need to be strong. Someone's out there destroying your image," saad niya.

"Bakit ako? Hindi ba dapat si Brix dahil niloko niya ang fiancee niya? Eh, wala naman akong alam sa kanilang dalawa."

Humarap naman si Maverick sa kaniya kaya napalunok siya.

"I'm just curious about one thing," sambit ni Maverick.

Naghintay naman si Hexy sa susunod na sasabihin nito saka umayos sa pagkakaupo.

"How did you end up to his room? Kahit lasing ka, alam mo ang ginagawa mo," pagpapatuloy nito.

"Ilang beses na akong nalasing, pero 'yon lang 'yong time na wala akong maalala," sagot naman ni Hexy.

Umayos si Maverick sa pagkakaupo at ibinalik ang unan sa sofa.

"Hindi kaya kinuha ka ni Brix from the bar?" Tanong nito. 

"Bakit naman niya gagawin 'yon?" Kunot-noong sambit ni Hexy.

"I don't know. There's just something weird about what happened to you, and it's hard to believe na pareho kayong walang maalala."

"Eh, sabi niya na wala rin siyang maalala dahil lasing din siya," sagot naman ni Hexy.

"I don't believe him. Something's off, I can feel it. At kung totoo ang naiisip kong kinuha ka niya, maaari siyang makasuhan," saad ni Maverick.

Bigla namang bumilis ang tibok ng puso ni Hexy.

"B-Bakit naman niya gagawin 'yon?" 

"He's a man, Hexy," sagot ni Maverick.

Hindi naman nakapagsalita si Hexy at mas lalo siyang kinabahan.

"When you woke up, what did you do next to him? May napansin ka ba?" Tanong nito sa kaniya.

Napalunok si Hexy nang maalalang naghalikan sila.

"A-Ano...nagising akong naghahalikan kami," mahinang sagot niya saka umiwas ng tingin.

"Come to think of it, if you're asleep, kaya mo bang hanapin ang bibig ng isang tao? So it's unbelievable that he doesn't remember anything either. You can't just kiss a stranger for no apparent reason," pagpapaliwanag ni Maverick. Napatingin si Hexy sa kaniya at napaisip.

"Bakit ang haba ng mga sinasabi mo ngayon?" Tanong ni Hexy.

"Nagsasalita lang ako kapag may sense ang sasabihin ko. Unlike you, sometimes you're nonsense," sagot nito. Lumabi naman si Hexy.

"Hexy, come here! Huwag ka munang pumunta ro'n," aya sa kaniya ng isa nilang kasamang server habang inilalagay niya ang kaniyang gamit sa locker.

"B-Bakit?" Nagtatakang tanong niya. Lumapit ito sa kaniya saka ipinakita ang kaniyang cellphone.

"Is this you?" Tanong nito.

Pinagmasdan naman ni Hexy ang litratong ipinapakita nito sa kaniya.

Napalunok siya at biglang bumilis ang tibok ng puso nang makitang silang dalawa ni Brix ang nandoon. Iyon 'yong time na binigyan siya ni Brix ng mamahaling bag ngunit hindi niya tinanggap. Naka-blur ang mukha niya roon ngunit halatang siya iyon dahil sa sira niyang bag.

"Ano, Hexy? Ikaw ba 'to?" Pag-uulit ng babae.

"H-Huh? H-Hindi. Hindi naman ako sumasama kay Brix lagi," pagsisinungaling niya.

"Hindi ba minsan ay nag-uusap kayo sa parking lot ni Sir Brix? Pinagkakalat kasi nila na binabayaran ka niya," sabi ng kaharap niya.

Nanlaki naman ang mga mata niya.

"A-Ano? Hindi totoo 'yan. Never akong humingi sa kaniya," depensa naman niya.

"Pasensya na. Kalat na kasi sa social media ang isang pasaring tungkol sa isang babae na naging dahilan daw kung bakit nakunan si Miss Joyce. And may naglabas ng picture na 'to. Everyone talks about it now," saad nito.

"H-Hindi," tanging sagot ni Hexy dahil nakaramdam siya ng panghihina dahil sa nalaman.

Matapos siyang kausapin ng kasama ay umalis na ito at naiwan siya sa harapan ng kaniyang locker.

Napasandal siya ro'n at paulit-ulit na hinilot ang kaniyang noo at pinipigilang maiyak.

"I guess, Joyce made her first move."

Napatingala siya at nakita si Maverick sa kaniyang harap.

"Kumpirmado. Ako nga ang dahilan, Mavs. Isang linggo lang kaming nagkasama, pero may nadamay na," wika ni Hexy saka naupo dahil hindi na niya kinaya ang panginginig ng kaniyang mga tuhod.

"That's just a 'tsismis'. Wala namang confirmation galing kina Brix," sagot naman ni Maverick sa kaniya.

"Paano kung totoo? Ang ibig sabihin ay dahil sa'kin, may namatay. Ilang babae ang humihiling na magkaanak sila, tapos dahil sa'kin...dahil sa'kin nawalan sila ng anak," sabi ni Hexy at hindi na niya napigilang maiyak.

"It's not your fault. Hindi ka naman naging babae ni Brix," saad naman ni Maverick habang nakatayo sa harap niya.

"O-Oo nga, pero ilang beses kaming lumabas. In-entertain ko siya. May kasalanan pa rin ako," sagot naman niya.

Hindi naman nakasagot si Maverick at tinitigan lang siya habang umiiyak.

"P-Pero sino ang may gawa nito? Alam kong hindi ko kinuha ang bag. Iyon 'yong time na nasira ang bag ko dahil nag-away tayo, at gusto niya akong bigyan ng bag. Hindi ko 'yon kinuha," wika ni Hexy saka nagpunas ng kaniyang luha.

"Someone followed you kaya nakunan kayo ng picture," sagot naman ni Maverick.

Napakunot-noo naman si Hexy at inalala kung may napansin siya noong magkasama sila ni Brix. Napakagat siya sa kaniyang labi nang wala man lang siyang maalala.

"H-Hindi kaya alam na ng fiancee ni Brix na may kasama siyang lumalabas kaya pinasundan niya kami?" Sabi niya.

"Maybe. At hindi mo alam, baka pati ngayon ay pinapasundan ka nila," wika naman ni Maverick. Napabuntong-hininga naman siya.

"Pagod na ako. Sunod-sunod na ang mga nangyayaring hindi maganda dahil kay Brix."

"Wala kang magagawa kung hindi ang harapin lahat ng mga mangyayari. You liked him, so endure it," sambit ni Maverick.

Nakaramdam naman ng kirot si Hexy sa kaniyang puso dahil tama ang sinabi nito sa kaniya.

"So, nakakaya mo pang kumain kahit nadadawit ka sa issue?" Tanong ni Sasha habang kumakain sina Maverick at Hexy kinabukasan.

Hindi naman siya pinansin ni Hexy at nagpatuloy lang sa pagkain.

"I told you before na kilalanin mo kung sino ang mga nilalandi mo. You didn't listen to me," dagdag pa nito.

"Kaya, Maverick, mag-ingat ka. Dahil kahit matagal na kayong friends nito, peperahan ka lang niyan. She's poor," natatawang wika ni Sasha saka itinuro pa si Hexy.

Natigil naman si Hexy sa kaniyang pagkain saka tumingala kay Sasha na nakatayo sa tabi ni Maverick.

"Okay lang na mahirap ako. Kaysa naman sa iba diyan, na may pera na nga, ibinabalandra pa ang katawan para mas lalong dumami ang pera," walang-ganang sambit ni Hexy.

Nanlaki naman ang mga mata ni Sasha.

"What did you say? Ulitin mo—"

"Sasha, go away. Tumatalsik ang laway mo sa pagkain ko. Gross," sabi naman ni Maverick.

Sinamaan naman siya ng tingin ni Sasha bago inirapan si Hexy saka umalis.

"Late raw sina Shantal mamaya. Pupunta ka pa rin ba sa tambayan?" Tanong ni Maverick saka uminom.

"Ewan ko lang. Baka may mangyaring masama sa'kin kapag mag-isa ako doon," sagot naman ni Hexy.

Tumango-tango naman si Maverick.

"Hindi pa ako kinakausap ni Brix, at baka manggulo na naman."

"You missed him?" Biglang tanong ni Maverick.

"H-Hindi," nauutal na sagot ni Hexy saka umiwas ng tingin.

"Stop it, Hexy," wika ni Maverick kaya napatingin ulit siya.

"Hindi na nga, eh. Natuto na ako sa pagkakamali ko."

Sumandal siya sa kaniyang upuan saka napaisip sa mga nangyayari.

"Hintayin mo ako sa parking lot," saad ni Maverick habang inaayos ang gamit niya sa locker.

Isinakbit naman ni Hexy ang kaniyang bag sa kaniyang balikat bago isinara ang kaniyang locker.

"Ikaw, pinopormahan mo ba ako?" Tanong niya kay Maverick. Napatigil naman ito sama tumingin sa kaniya.

"No. I know you still have feelings for me," deretsahang sagot nito. Napaawang naman ng bibig si Hexy.

"A-Ang kapal ng mukha mo," sagot niya.

Hindi naman sumagot si Maverick habang abala sa pagsasalansan sa kaniyang mga gamit.

Kinuha naman ni Hexy ang ipinahiram ni Maverick sa kaniyang helmet saka nauna na sa parking lot.

Sumandal siya sa motor ni Maverick at napapikit saka hinilot ang gilid ng kaniyang noo.

"Masaya ba'ng maging kabit, Hexy Avory Ocampo?"

Napaayos siya ng tayo nang biglang may nagsalitang babae sa harap niya.

Bumilis ang tibok ng puso niya at bigla siyang nanghina nang pagmulat niya ay nasa harap niya ang hindi pamilyar na mukha.