CHAPTER 3

Tumakbo si Hexy palapit kina Brix at agad na itinulak si Maverick. Tumilapon naman ang hawak nitong yosi at agad namang tinanggal ni Brix ang coat niya. 

"Ano ba'ng problema mo, Maverick?" Sigaw ni Hexy saka sinamaan ito ng tingin. Galit ding nakatingin sa kaniya ito na parang hindi nagustuhan ang tanong niya. 

"Hexy, do you really know your friend?" Umiigting ang pangang tanong ni Brix. Napalingon naman si Hexy kay Brix.

"S-Sorry, Sir. Mainit lang po talaga ang ulo niya minsan," pagpapaumanhin ni Hexy. Pumagitna siya upang pigilan ang maaari pang sumunod mangyari.

"Ano'ng pinagsasabi mo, Hexy? Alam mo ba kung ano'ng nangyari?" Sambit ni Maverick saka niya pinaharap si Hexy sa kaniya.

"Bakit? Ano ba'ng nangyari at binastos mo pa si Sir Brix? Alam mo namang kakakilala lang natin sa kaniya at hindi lang siya basta kung sino lang dito," inis na wika naman niya habang magkasalubong ang mga kilay.

"He asked me what you taste like. Sinabi ko we just kissed. I answered him because I thought he's concerned about you," sagot ni Brix sa kaniya. Napalingon ulit si Hexy sa kaniya.

Napaawang ang bibig ni Hexy at biglang bumilis ang tibok ng puso niya.

Ibinalik niya ang kaniyang tingin kay Maverick at unti-unting namuo ang kaniyang luha sa gilid ng kaniyang mga mata dahil sa pagkadismaya.

"Sir, puwede po ba tayong mag-usap next time? Ako na po ang humihingi ng tawad. Papalitan ko na lang po 'yong coat niyo," wika niya at napatingin kay Brix.

"No, it's okay. You don't have to do that. Let's just talk next time," saad ni Brix, at napansin ni Hexy na mukha itong na-disappoint sa kaniya.

Tumingin pa muna saglit si Brix kay Maverick bago ito tumalikod at umalis.

Napapunas muna ng luha si Hexy bago humarap ulit kay Maverick.

"B-Bakit mo ginawa 'yon?" Pumiyok pa si Hexy nang tanungin niya iyon, saka nagpigil ng iyak.

"Kasi—"

"Bakit mo tinanong 'yon sa kaniya? P-Para mo akong binastos," nanghihinayang na sambit ni Hexy.

"Marami na siyang nasabi bago ko tinanong 'yon. And I just asked it out of anger. Hexy, hindi mo siya kilala," pigil-galit na sagot ni Maverick. 

"At ikaw, kilala mo siya?" Inis na sambit ni Hexy.

Hindi naman nakasagot si Maverick at nakatingin lamang ito sa kaniya.

"Hindi mo rin siya kilala. Inuuna mo kasi 'yang pagiging siga mo. Businessman 'yong kaharap mo, respetadong tao. Nakakahiya."

Napakagat si Hexy sa kaniyang ibabang labi at nagpigil ng inis sa harap ni Maverick.

"Ngayon na lang ulit kita nakitang nagalit. Na pati suot ng ibang tao, sisirain mo. Napaka—"

"Oo nga. Akala ko ba kilala mo ako? Alam mong hindi ako basta-basta nagagalit," pamumutol ni Maverick sa kaniya. Napatingala naman si Hexy sa kaniya.

"Eh bakit mo nga ginawa 'yon? Ilang minuto na tayong magkaharap, wala ka namang eksplanasyon sa nangyari!" Halos pasigaw na sambit niya. 

"Dahil bastos din siya! Kung anu-anong sinabi niyang hindi ko nagustuhan! At sino'ng matinong lalake ang makikipaghalikan sa taong naligaw lang sa kuwarto niya? Respetado nga siya 'di ba?" Sarkastikong sagot ni Maverick. Doon lang napansin ni Hexy na mahaba na iyong litanya niya kumpara sa normal niyang pakikipag-usap sa kaniya.

"Lasing din siya, Maverick! Wala rin siyang maalala sa nangyari!" Galit na saad ni Hexy.

Napalunok siya nang ilang beses habang nakatingin kay Maverick.

"Wala kaming maalala sa nangyari sa amin. Gusto ko na rin 'yon kalimutan," dagdag pa niya habang nanginginig ang kaniyang mga kamao.

"Akala ko ba matino ka? Ginusto mo ba 'yong nangyari sa inyo? The way you act, it's like you're longing for it—"

Kusa siyang napatigil nang mapansing tumutulo na ang luha ni Hexy.

"Hindi mo na dapat siya lapitan kasi—"

"Umalis ka na sa harap ko at baka makalimutan kong kaibigan kita," mahinang sambit ni Hexy.

Bumuntong-hininga naman si Maverick saka umalis sa harap niya.

Napayuko naman si Hexy nang maiwan siya at hindi na napigilang maiyak.

Pinakalma muna niya ang kaniyang sarili saka nagpunas ng luha habang humihikbi. 

Huminga pa siya nang malalim bago maglakad pabalik sa loob dahil naiwan niya ang mga gamit niya.

Pagkarating niya sa tapat ng locker niya ay doon niya na-realize na naiwan niya itong bukas.

"Hexy, totoo ba?" Tanong ni Sasha, kasama nilang server.

Isinara muna niya ang kaniyang locker, at isinakbit ang kaniyang bag bago humarap sa kaniya.

"Na?"

"Nakasama niyo kahapon si Sir Brix na nanuod sa sinehan?" Tanong nito. Mas matangkad si Sasha kumpara sa kaniya, malinis ang balat, at unat ang buhok dahil nakatanggal ang pagkakatali.

"O-Oo, pero coincidence lang 'yon," sagot ni Hexy. Kinabahan naman siya na baka alam ni Sasha ang nangyari sa kanila ni Brix.

"Nakita kayo ng isang ka-work natin. Nag-usap din daw kayo ni Sir Brix na kayong dalawa lang."

Nainis si Hexy dahil hindi iyon tanong, kundi parang nang-aasar.

"Alam mo, Hexy, ang tagal mo nang nilalandi si Maverick pero hindi ka niya pinapatulan. Si Sir Brix pa kaya?" Natatawang dagdag ni Sasha. 

Napaawang naman ang bibig ni Hexy sa gulat.

"A-Ano'ng sinabi mo?"

"Ang daming nagsasabing maganda ka, at cute kapag nagpapapansin ka kay Maverick, pero nakakairita. Kung pagod ka na sa kaniya, sige, go ka na kay Sir Brix. Hindi ka naman bet ni Maverick eh," wika nito.

"At ikaw ang gusto niya?" Inis namang sambit ni Hexy.

Natawa naman ito sa kaniya.

"Hexy, kilalanin mo kasi kung sino ang mga nilalandi mo. Gold digger, b*tch," taas-kilay na wika ni Sasha habang nakakrus ang mga braso.

Hindi naman nakapagtimpi si Hexy at nagmadali na lang siyang umalis habang nakakunot ang noo.

Kinabukasan ay hindi makapaghintay si Hexy na matapos ang kaniyang duty kahit nagdadagsaan pa lamang ang mga customers.

Hindi rin niya maiwasang mairita sa mga katrabaho nilang napapatingin sa kaniya, lalo na ang mga kasama ni Sasha.

‘Malamang, kung anu-ano na ang pinagkalat niya.’

Ibinigay na lang niya ang kaniyang atensyon sa kanilang guests, at saka ngumiti sa kanila.

Nagpunta siya agad nang magtaas ng kamay ang isang guest. 

"Your order will be ready after 15 to 20 minutes, Ma'am," nakangiting sambit niya. Tumango naman ang guest.

Agad naman siyang nagpunta sa kitchen nang ma-print ang order. 

Muntik pa silang magbanggaan ni Maverick dahil dino-double check niya ang kaniyang hawak. Magsasalita pa sana si Maverick ngunit nilagpasan niya lang ito.

Nang makabalik siya sa dining area ay sinadya niyang lumayo sa puwesto ni Maverick, ngunit dahan-dahang lumapit ito sa kaniya.

"Mag-usap tayo mamaya," mahinang sambit ni Maverick habang nakatingin pa rin sa mga guests.

"Huwag mo akong utusan," bulong naman ni Hexy. Napalingon naman sa kaniya si Maverick dahil sa sinabi niya.

"Ano 'yong sinasabi ni Sasha?" Tanong niya. Nagsalubong naman ang mga kilay ni Hexy.

"Naka-duty pa tayo," wika ni Hexy saka lumingon saglit kay Maverick at iniwasang magtaray.

Nang matapos ang kanilang duty ay nagmadaling lumabas si Hexy upang hindi niya makausap si Maverick.

Napatigil lang siya sa paglalakad nang maramdaman niyang nag-vibrate ang kaniyang cellphone mula sa kaniyang bulsa.

Napakunot-noo siya nang makitang hindi naka-save na number ang nag-text sa kaniya.

Ngunit nanlaki ang kaniyang mga mata nang mabasang inaaya siyang mag-dinner ni Brix at para makapag-usap na rin.

"Sh*ta! Saan niya nakuha ang number ko?" Sambit niya at napasapo sa kaniyang noo.

Pumayag siya agad upang makahingi na rin ng tawad sa ginawa ni Maverick.

"Kung kailan gusto kong umiwas, doon naman gagawa ng problema si Maverick," mahinang bulong niya habang nakakunot ang noo. 

"Hexy."

Napatigil siya nang marinig ang boses ni Maverick at nagmumula ito sa kaniyang likuran. 

Aalis na sana siya ngunit nagmadali namang humarang si Maverick sa kaniyang lalakaran.

"Do you remember kung ano'ng araw ngayon? Ngayon ang—"

"Oo, bibisita ako kay tita," pamumutol niya.

Tumango-tango naman si Maverick.

"Sasha told me na pinagyabang mo raw na nanuod kayo ng sine ni Brix," sambit ni Maverick. Kumunot naman ang kaniyang noo.

"Alam mong hindi ako mayabang. Tsaka, bakit ko naman sasabihin sa iba na kasama ko si Sir Brix?" Inis na saad ni Hexy saka napaiwas ng tingin dahil sa titig ni Maverick.

"Bakit ka nga pala ganiyan magsalita? Kung anu-ano lang ang sinabi nila sa'kin, ganiyan ka na," dagdag pa niya.

"Nakilala mo lang din si Brix, ganiyan ka na rin magsalita," wika ni Maverick. Napatingin ulit sa kaniya si Hexy at biglang nag-init ang kaniyang tainga.

"Binabaliktad mo ba ako? Ikaw 'yong masakit magsalita, tapos parang ako 'yong may kasalanan? Huwag mo ngang isali sa usapan si Sir Brix," pigil-galit niyang sabi.

"See? Ayaw mo siyang isali sa usapan. Ilang araw palang kayong magkakilala, nag-iiba ka na. Siguro nga totoo—"

"Na ano? Tulad ng sinabi ni Sasha? Na gold digger ako?"

Hindi naman nakasagot si Maverick.

Bigla namang kumirot ang dibdib ni Hexy at nalungkot sa sariling tanong.

"Para sa'yo ba, ganoon ako? Ilang taon mo na akong kilala, pero ganoon ba ang tingin mo sa'kin?" Tanong niya ulit. 

Hindi ulit nagsalita si Maverick. Bigla namang ngumiti si Hexy nang pilit at saka tumango-tango.

"So, ganiyan pala ang tingin mo sa'kin. Alam mo, minsan na nga lang tayong mag-usap nang matagal, ganito pa," nanlulumong wika niya. 

Bumuntong-hininga si Hexy at nilagpasan na si Maverick habang tumutulo ang luha.

Napatigil siya nang hawakan ni Maverick ang kaniyang backpack.

"Bitawan mo, at huwag mo muna akong kausapin," wika niya habang nakatalikod pa rin kay Maverick. Nang hindi bumitaw si Maverick ay tinanggal niya ito sa kaniyang mga balikat, at hinatak niya ito nang malakas.

Mas lalo siyang nakaramdam ng inis nang mapigtas ang isang strap nito.

"I didn't mean to—"

"Lagi mo namang hindi sinasadya."

Nagmadaling umalis si Hexy at napatigil siya nang may humintong sasakyan sa harap niya.

"Hexy, hop in."

Nanlaki ang kaniyang mga mata nang makitang si Brix ang nakasakay at nakasuot lang ito ng simple.

Napahinto saglit si Hexy dahil alam niyang nandoon pa rin si Maverick. Ngunit bumuntong-hininga siya saka binuksan ang pinto ng sasakyan at sumakay doon.

Nakangiti agad si Brix sa kaniya at napansin nitong ibang-iba ang hitsura niya kapag nakasuot lang ito ng t-shirt at maong shorts na hanggang tuhod ang haba. At amoy na amoy pa rin ni Hexy ang dati nitong pabango.

"How's your work?" Tanong nito habang nagmamaneho.

"O-Okay lang po, Sir. Ikaw?"

"Maayos lang din. Madaming meetings and seminars," sagot nito.

"Can you stop calling me 'Sir'? You can call me by my name," natatawang dagdag ni Brix. Napakamot naman ng batok si Hexy.

Hindi na nagsalita si Hexy at hinintay na lang niyang huminto ang sasakyan kung saan man siya dalhin ni Brix.

"How's your family pala?" Tanong ni Brix. Napalingon naman si Hexy sa kaniya dahil nasa labas ang paningin niya.

"Okay naman sila. Medyo mahirap lang umuwi ngayon kasi sira 'yong daan papunta sa'min," sagot naman ni Hexy. Tumango-tango naman si Brix.

"You wanna go home?"

"Oo naman," nakangiting sagot ni Hexy.

"You can visit them. Kung mahihirapan kang umuwi, I can lend you our private helicopter," suhestiyon ni Brix.

Nanlaki naman ang mga mata ni Hexy at umiling-iling.

"H-Hindi na. Nakakahiya. Tsaka ano na lang ang sasabihin nila," nahihiyang sambit niya.

"We're friends, so it's okay."

"Hindi po siya okay tignan," nakangiting wika ni Hexy. Tumango-tango naman si Brix.

Ilang minuto lang ay nag-parking sila sa building na pagmamay-ari ng pamilya ni Brix.

Nang makababa sila ay napansin ni Hexy na may dalang paper bag si Brix habang naglalakad sila. 

Pumunta sila sa restaurant sa first floor, at hindi maiwasang kabahan si Hexy.

Nang maupo sila ay agad inilapag ni Brix ang paper bag sa harap ni Hexy, habang siya ay pinaglalaruan ang sirang strap ng kaniyang bag.

"It's for you," wika ni Brix saka iniusog ang paper bag sa kaniyang harap.

"P-Po?" Gulat na tanong ni Hexy.

"Tignan mo," nakangiting wika naman ni Brix.

Napalunok si Hexy at dahan-dahang binuksan ang paper bag.

Inilabas niya ang laman nu'n at nakitang shoulder bag iyon galing sa mamahaling brand.

"Sakto nga eh, I saw your bag na sira ang strap kanina," saad ni Brix.

Agad na ibinalik ni Hexy ang bag sa loob ng paper bag.

"Hindi ko matatanggap 'yan, B-Brix," alangananing wika ni Hexy. Nawala naman ang ngiti ni Brix nang sabihin niya iyon.

"It's a peace offering dahil sa nangyari sa'tin noon. I just wanna say sorry," sambit naman ni Brix.

"Okay lang naman po sa'kin kahit wala kang ibigay. Okay na po ako. Gusto ko lang ding mag-sorry sa ginawa ni M-Maverick kahapon," sinserong sabi ni Hexy.

Nagbago naman ang ekspresyon sa mukha ni Brix.

"I'm okay now. Nagulat lang ako kahapon dahil sa ginawa ng friend mo. Maybe may nasabi akong masama kaya gano'n ang naging reaksyon niya. Straightforward kasi ako," wika niya.

"Sigurado ka bang okay ka? Puwede ko siyang kausapin," sabi ni Hexy at parang nangungusap ang kaniyang mga mata.

Napangiti naman ito sa kaniya.

"I'm okay. Atleast you look comfortable with me now," saad nito. Napangiti naman si Hexy.

"May gagawin ka pa ba?" Tanong ni Brix.

"May bibisitahin ako mamaya," sagot naman ni Hexy saka umayos ng pagkakaupo.

"Let's have a drink first then. You want coffee?"

"Hindi po ako mahilig sa mapait," sagot naman niya. 

Tumango-tango naman si Brix.

"That's nice. May nalaman ako tungkol sa'yo. I should take down notes," natatawang wika nito. Natawa rin si Hexy sa sinabi niya.

Matapos nilang magkuwentuhan habang umiinom ng milktea ay inaya ni Brix si Hexy na umakyat sa kaniyang unit.

"So, do you remember kung paano ka nakapunta rito?" Tanong ni Brix habang binubuksan niya ang unit niya.

Nagpalinga-linga naman si Hexy ngunit wala pa rin siyang maalala.

"Hindi pa rin, eh. Ay! May CCTV pala rito!" Sambit ni Hexy sabay turo sa CCTV sa dulo ng hallway.

"Kakapakabit ko lang kahapon. Matagal na kasing sira ang CCTV dito, and kaka-renovate lang ng floor na 'to. I don't usually stay here," wika naman ni Brix saka pumasok sa loob. Sumunod naman sa kaniya si Hexy.

Naalala naman niya kung paano siya nagmadaling lumabas noon sa kuwarto ni Brix at mabuti na lang ay nahanap niya agad ang pintuan palabas.

"Maganda ang view dito," sabi ni Brix saka nagtungo sa malaking bintana sa gitna ng sala. Sumunod naman si Hexy sa kaniya at naupo sila sa sofa sa harap ng bintana.

"Lalo na kapag gabi. You wanna see—"

Napatigil sa pagsasalita si Brix nang lumingon siya ay magkalapit na ang mukha nilang dalawa ni Hexy.

Nagkatinginan sila at dahan-dahang bumaba ang paningin ni Brix sa mga labi ni Hexy.

Uminit ang pakiramdam ni Hexy at naalala ang halikan nila noon.

Hindi niya naiwasang mapalunok at napansin naman iyon ni Brix.

Mas lalong inilapit ni Brix ang kaniyang mukha kay Hexy at halos tumigil naman siya sa paghinga.