CHAPTER 78

HMH-78

Ipinarada ni Xander ang kanyang sasakyan na may ilang metro ang layo mula sa natanggap niyang address. Pinagmasdan muna niya ng maigi ang paligid bago nagtungo roon at dumaan sa pinakalikod ng gusali. Isa itong abandonadong lugar at maging ang mga kalapit na establishment ay walang kahit na sinong tao.

Humanap siya nang maaring madaanan mula sa likuran papasok sa loob. Nahirapan siya sa paghahanap, dahil naka podlock ang mga pinto sa likuran.

Umakyat siya sa may kababaang pader at pinilit abutin ang isang maliit na siwang ng bintana. May sarado ito na yari sa kahoy at dahil may kalumaan na ay madali niya itong nasira at nabuksan. Sinubukan niyang pagkasyahin ang sarili dito papasok at nagtagumpay naman siya.

Isa itong comfort room na abandonado. Matapos pakiramdaman ang paligid ay maingat siyang pumasok. Isang pasilyo ang nadaanan niya at dalawang pintuan na walang kahit na sino. Hanggang sa bumungad sa kanya ang isang napakalawak na espasyo. Nakatambak ang mga sirang gamit