Chapter 5: A Dangerous Kind of Comfort

Nagising nalang ako nang tumama ang liwanag sa aking muka. Agad kong kinuha ang yakap kong unan at itinabon iyon sa ulo ko.

Inaantok pa ako. Malapit na sana akong madala ng antok nang sunod-sunod na tumunog ang cellphone ko.

Napabuntong hininga nalang ako at kinapa ang cellphone sa ilalim ng aking unan. Napapikit pa ako ng tumama ang liwanag ng screen sa aking mata.

Grabehan na talaga ito.

‘Galvestio M1 (99+ messages)’

Napakunot nalang ang noo ko sa aking nakita.

‘Lala, mga bampira ba ‘tong mga ito o sadyang baliw lang talaga?’

Ibinaba ko ulit ang cellphone bago lumabas ng kwarto. Unang una, nauuhaw ako. Pangalawa nagugutom na rin ako. Pangatlo… wala, bawal naman lumabas.

“Kumain kana dyan,” bungad ni mama paglabas ko ng kwarto.

“Thank you po, love you,” sambit ko at dumiretso sa banyo para maghilamos at toothbrush.

‘Another day, another house tour.’

Akala mo talaga grounded ka dahil hindi ka makalabas ng bahay eh.

After ko kumain at maligo, agad kong kinuhang muli ang cellphone ko. Syempre ano pa ba ang gagawin? Edi mag-online to the highest level.

Nagbackread muna ako sa gc ng Galvestio, ang lala naman kasi ng 99+ messages nila.

Malalaman mo talaga sino mga batak magpuyat eh.

“Hahahaha pwede naman.”

“Damay niyo pa ako, pag ‘yan nahulog.”

“Andyan naman si Clout.”

“Marupok ‘yon, pero chismosa.”

‘Pinag-uusapan ng mga ito?’

“Good morning sa mga walang tulog,” chat ko sa gc. Hindi na rin ako nag abalang basahin lahat ng messages nila. 

Hindi ko rin naman maintindihan yung iba nilang usapan dahil nakabisaya.

“Wow gising na ang bata,” saad ni Hukom.

“Na para bang?” Reply ko.

“Himala, maagang nagising.” Nick

“Akala ko hapon pa ‘yan magigising eh.” Kie

Over naman ang mga taong ito.

“Wala lang kayong tulog eh,” chat ko. “Pag inggit, pikit,” dugtong ko pa.

“Pauwi palang kasi ako,” chat ni Clout.

Ayy night shift nga pala ang vampire na ito, “Ingat ka,” ani ko.

“Ayon oh, mag-ingat ka daw Clout.” Pang-aasar ni Aether.

Ayan nanaman sila, jusko…

“Dyan nagsisimula lahat eh, yung pinag-iingat kana,” sabi naman ni Drakent.

“Ang lala niyo, bawal ba sabihan na mag-ingat sa pag-uwi ang taong ‘yan?” tanong ko.

Napahampas nalang ako sa noo ko nang mamalayan kong nakangiti ako.

Parang delikado na ito.

“Oo nga naman, ayaw lang niya ako mapahamak.” Reply ni Clout sa gc.

“Diba? Ang oa nila, grabe.” 

“Hahahaha.” Tawa ni Nick. 

“Sabi kasi sa inyo, matulog din kayo eh.” Saad ko at nag scroll sandali.

“Kumpleto ba tulog mo?” tanong ni Clout.

“Ahem, curious ‘yan siya oh.” Pag-uumpisa ni Cider. Lakas talaga mang-asar ng mga taong ito.

Hina-haha react ko nalang ang message ni Cider.

“Kumpleto ‘yan, pinatulog mo nga kagabi eh,” sagot ni Hukom.

“Kumpleto,” sagot ko.

“Bakit yung height mo hindi?” tanong ni Clout. 

Walanghiya talaga itong taong ito, nakakagigil. Ang aga-aga nang-aasar nanaman!!

Itong mga taong ito naman, nagtawanan sa chat ni Clout. Talaga lang ha! Kapag ako talaga nakaganti, sinasabi ko sa inyo.

“Matangkad ako!” Inis kong chat.

“Weh?” hindi naniniwalang reply niya. Napasimangot nalang ako sa chat niya.

Ang hirap kasi sa chat, di mo masapak.

“Nakakagigil ka Clout, sarap mong kagatin.” Kung kanina nakangiti ako, ngayon nakakunot na ang noo ko at napipikon na talaga ako.

“Bakit may kagatan ng nagaganap?” tanong ni ate Seika. 

Si ate Seika ang girlfriend ni kuya Kieran na katulad niya rin ay bigla-biglang sumusulpot.

“Nanggigigil daw sa akin si Abo eh,” chat ni Clout. “Gwapo ko kasi,” dugtong pa niya.

“Ah talaga lang ha? Kung gwapo ka bakit wala kang girlfriend??” tanong ko with matching taas ng kilay kahit di naman niya ako nakikita.

“Bakit Abo? Mag-apply ka ba?” tanong ni Nick.

Ako? Mag-aapply? May sahod ba ‘yan?

Tingin niyo sa akin? Marupok? Totoo naman pero ‘di naman ako agad nahuhulog noh.

“Ikaw Abo ha, alam ba ‘yan ng kuya mo?” tanong ni ate Seika.

“Hindi naman ako mag-apply.” Sagot ko, “Si Clout kaya naunang mang-asar.” 

Tingnan mo ‘yung taong iyon. Biglang nawala, hindi mo malaman kung may lahing kabute ang Galvestio eh.

“Asan na ba si Clout?” tanong ko.

“Bakit hinahanap mo? Namiss mo na agad?” tanong ni kuya Kieran.

“Eh kasi naman kuya, bigla akong iniwan dito. Inaasar na tuloy nila ako,” sagot ko, napakagat nalang ako sa aking labi.

Feeling ko para na akong kamatis sa pula.

Ang pangit pala ng pagkakasabi ko ng bigla akong iniwan ni Clout, wala naman kaming relasyon hshshshs.

Muka tuloy bigla niya akong pinabayaan.

“Bakit naman kasi bigla mong iniwan, pre @Clout Valeheart,” tanong ni Matthew.

Isa pa itong Matthew, bigla nalang din nawawala tapos lilitaw. Sa pagkakaalam ko, itong boyfriend ni Cider eh.

“Hindi ko naman ‘yan iniwan, umuwi lang ako.” Biglang litaw ni Clout.

Ang lakas talaga ng taong ito. Nakakainis din itong bibig ko, bigla nalang ngumingiti parang ewan.

“Crazy,” sagot ko. 

Normal lang naman itong ngumingiti ng walang dahilan diba? Kasi kung hindi, wag nalang talaga. 

Lagot na talaga.

“Crazy for you~” reply ni Clout.

Ayan, ayan ang dahilan bakit kami inaasar. Itong taong ito kasi, talaga naman nakakagigil.

Sinuntok ko ng mahina ang unan na hawak ko. Kainis, pag ako talaga napagalitan ni kuys kie.

“Ahem,” sagot ni Hukom.

“Ano nanaman?” tanong ko.

“Private message nga, Abo,” chat niya. I rubbed my eyes and read the message again.

Ano nanaman kaya kailangan ng taong ito.

“Bakit?” Curious kong tanong.

“Basta,” sagot naman niya. I sighed and rolled my eyes, here we go again. 

Sige na nga baka umiyak.

“Fine.” 

Agad kong hinanap ang convo naming dalawa. Hindi ko mahanap, may convo ba kami ng private? Hindi ko maalala.

“Unahan mo magchat,” wika ko sa gc. Tutal siya naman ang may kailangan, siya nalang din mag first move.

Ain’t doin’ first move ng walang reason….charot.

“Abo.” Hukom

“Yup?” tanong ko.

“Pwede ba kita maging kambal?” Napatulala naman ako sa nabasa ko. 

Ako? Kambal niya? Bakit?

“Ha?” naguguluhang tanong ko. Nakita ko namang ‘typing’ na siya.

Hinayaan ko muna at nagscroll muna ako sa newsfeed ko. 

Sa tagal ng lockdown na ito, parang gusto ko nalang mag hibernate tulad ng mga bear. Baka after ko mag hibernate, tapos na rin lockdown.

Grabe naman ang tagal naman magreply ni Hukom, ano na teh. Long sweet message naman na yata ang tinatype ng taong ito.

“Kasi yung ibang member sa Galvestio may para silang kambal. Not biologically pero kambal by heart.” Napatango nalang ako sa chat niya.

May gano’n pala silang ganap, kaya pala may nicknames na halos magkatunog minsan antonyms. 

“Pwede naman,” sagot ko.

“Nice! Thank you, Abo. Sana maging kayo ni Clout ng matagal.” Napaawang nalang ang aking labi.

Bakit ba lagi nilang shiniship sa akin si Clout, ano bang meron?