Chapter 15

TULAD nga ng sinabi ni Rizel ay maaga itong umuwi para kay Kade. Pero pagbukas niya ng pintuan ay agad siyang napaatras at wala na sanang balak pumasok dahil sa nakita pero huli na ang lahat dahil napansin na siya ng dalawang taong naglalandian.

"Love." Nanlalaki ang mga mata ni Kade at agad na tinulak paalis ang kalandian nitong si Katrina Vidal saka tumayo at lumapit sa kanya pero agad siyang umatras.

"Wag mo akong lapitan." Matigas niyang sabi at tinignan ito ng masama.

"Look, let me explain first." Mahinahong anito. "Hindi mo kailangang mag-explain. Aalis na ako." Ngumiti siya ng tipid.

Kanina lang ay hirap siyang mag-isip ng dahilan kung paano niya ito iiwan. At ngayon eto na nga, may dumating ng rason pero bakit ang bigat ng pakiramdam niya? Para siyang sinasakal sa sakit lalo pa't napagtanto niyang kaya siya nito sinabihan ng 'I love you' kanina dahil narito pala ang babaeng ito. Kahit hindi na ito mag-explain, alam naman niyang wala talagang nangyari dahil halata namang ayaw