Chapter 1

"Baby, I want you now," a deep husky voice whispered on Oprah's ear while dancing slowly. Nangiti ang dalaga sa nakakaakit na boses na 'yon ng kaniyang boyfriend na si Lloyd. Mula sa pagkakayakap ng binata mula sa kaniyang likuran ay hinarap niya ito at pinatong ang mga kamay sa balikat nito.

"Tell me you want me more than anything else. Tell me that you can't live without me... Without my body."

Napangiti si Lloyd sa sinabi ng kaniyang girlfriend. Alam niya mula sa mga mata nito kung gaano nila nais ang isa't isa ngayong gabing anibersaryo nila.

"I want you, Oprah Rizario. I want to get you and your d*mn f*cking hot curved body, and I can't live without you. Please, baby, pagbigyan mo na ako," pakiusap pa ni Lloyd na siyang mas nakakuha sa loob ng dalaga. They were about to kiss when suddenly, Lloyd's phone rang. Agad nawala ang konsentrasyon nila sa isa't isa upang tignan ng binata kung sino ang tumatawag.

"Baby, who's that?" pagtatakang tanong ni Oprah. Sandaling hindi nakasagot si Lloyd kaya gustong tignan ng dalaga ang binabasa nito, ngunit mas mabilis pa sa alas kwatro nang iiwas ni Lloyd ang phone niya.

"N-Nothing. Saglit lang. Emergency," tipid nitong sagot. Ni hindi man lang niya hinintay ang sasabihin ni Oprah dahil agad din siyang umalis. Nang dahil sa tumatawag na 'yon ay tila nawala na sa isipan ni Lloyd ang espesyal na araw nila ngayon.

Hindi naman t*nga si Oprah para sa gano'ng sistema. Alam niyang playboy ang kaniyang boyfriend at may mga babae itong dine-date. Bukod dito ay alam niya na sinasama rin ni Lloyd ang mga babae niya sa hotel. Alam niya ang lahat ng kalokohan nito dahil pinasusundan niya ito sa isang taong binayaran niya.

Huminga nang malalim si Oprah. Hindi rin niya maipaliwanag sa sarili na kahit gano'n ang ginawa niya ay para siyang nagbubulag-bulagan sa pag-ibig. Kung iisipin niya ang panloloko nito ay gusto niya itong hiwalayan na, pero sa tuwing pumapasok sa isipan nito na si Lloyd ang lalaking una niyang naging boyfriend, pinakamatagal na naging boyfriend, at dito lang niya sinuko ang sarili ay ayaw niya itong iwan.

"Enjoy our anniversary, you f*ckers," inis nitong sabi sa sarili at napasuntok sa mesa.

ABALA SA pagsha-shopping ang dalaga upang mawala ang stress niya sa naudlot na anniversary celebration nila ni Lloyd. Binili niya ang lahat ng gusto niya. Wala siyang pakialam sa bawat presyong naroroon dahil ang gusto lang niya ay makalimot.

"How much is this bag?" tanong niya habang iniikot niya ang bag at abalang tinitignan ito.

"28,000 pesos po, ma'am. Actually, last stock na lang po 'yan. This coming month pa lang po ang restocking dahil may mga new arrival po kaming bags," paliwanag ng sales lady. Marahan naman itong tinanguan ni Oprah.

"Sige, I want to see those new arrival bags," pag-uutos nito kaya walang ano-ano namang nag-excuse ang sales lady at umalis.

Naupo si Oprah at tinanggal ang shades upang punasan ito. Napukaw sa pansin niya ang isang babaeng pumasok sa shop at abala sa pamimili ng mga bags. For her, she's annoying. Napapataas na lang ang isang kilay ni Oprah dahil sa suot nito na hindi alam kung anong kulay ang gusto nito. Masyadong kikay at walang ka-class-class.

"Ma'am, here are--"

"Wow! I like those bags. Can I have one of this?" tanong kaagad ng babae dahil nakita niya ang mga bag na nilabas ng sales lady.

"Sorry, but those are mine," singit ni Oprah at tumayo ito mula sa kinauupuan. Walang emosyon niyang hinarap ang babaeng 'yon na ngayon ay nakatingin sa kaniya. Dahil naaalibadbaran si Oprah sa buong ayos ng babae ay sinuot niya ulit ang shades niya.

"Tss! I was the one who said it first, miss," pagtataray pa nito sa kaniya. Hindi sumagot si Oprah, sa halip ay tinignan niya ang sales lady kaya ito na ang nagsalita.

"A-Ahh... S-Sorry po, ma'am, pero siya po ang nauna," turo ng sales lady kay Oprah. Tila hindi iyon matanggap ng babae dahil nakaawang ang bibig niya rito.

"Now, excuse me, miss. You're just wasting my precious time." Akmang maglalakad si Oprah nang mabilis na humarang ang babae.

"I will get all of those! Excuse me, miss, baka hindi mo 'ko kilala? I am Abigail Sattro; the daughter of a congressman here in this city, and a rising supermodel of this country," pagmamayabang ng babae ngunit natawa lamang nang bahagya si Oprah at tinanggal ang suot na shades.

"Hindi kita kilala? Tama ka. Hindi nga kita kilala, Abigail Sattro. Hindi kita kilala as a rising supermodel and a daughter of congressman. Hindi ako nakikipagkilala sa mga taong hindi ko kapantay ng estado sa buhay," pagmamaldita pa ni Oprah. Nanlaki ang mga mata ng sales lady at napagdesisyunan nitong tumabi muna.

"W-What the--Anong sinabi mo?! How dare you to say that in front of me?! Talagang mayabang kang babae ka, 'no?" bakas na ang galit sa boses ni Abigail at hindi ito nagpatinag kay Oprah.

"Kukunin ko na ang lahat ng 'yan," sabi lang ni Oprah sa sales lady kaya agad naman itong kumilos. Hindi na ito nagawa pang pigilan ni Abigail at nagpipigil lamang ito sa sarili na makasakit ng ibang tao.

Hindi na ito hinarap pa ni Oprah. Iniwan niya si Abigail at tinuon ang atensyon sa mga bag na kaniyang bibilhin.

SA PAG-UWI ni Oprah ay napagdesisyunan niyang mag-swimming sa pool upang pakalmahin ang sarili. Narinig niya ang biglang pag-ring ng phone niya kaya nilapitan niya ito. Nakita niya ang pangalan ng kaniyang kaibigang si Torrie sa screen kaya sinagot niya ito.

"Yes, Torrie?" walang gana nitong sabi sa kaibigan.

"Luh? Ang energetic, ha? Anyways, pauwi na kami ng Pinas ng asawa ko. Pupuntahan kita sa bahay mo, ah? Alam mo, binilhan ko kayo ng gifts ni Lloyd para sa anniversary ninyo. Belated happy anniversary sa inyo, ah? Kahit na gan'yan ang boyfriend mo, nagagawa mo pang pagtiisan," pang-aasar ni Torrie.

Hindi sumagot si Oprah dahil naalala na naman niya ang nangyari kagabi. Nagbuga na lamang siya ng isang malalim na paghinga para gumaan ang pakiramdam niya.

"Ano 'yang gan'yang paghinga? Don't tell me, may ginawa na naman 'yang boyfriend mo, Oprah?" tanong kaagad ni Torrie dahil sa narinig na malakas na paghinga mula sa kabilang linya.

"Someone called him and I don't know kung sino. He just left me last night while celebrating our anniversary. Ang sabi niya, emergency raw," walang ganang paghahatid balita ni Oprah.

"Ano?! Oprah naman, naniwala ka sa sinabi niya? E alam mo namang playboy 'yang boyfriend mo e. Bakit hindi mo man lang siya tinanong? Kinompronta? Gano'n," tanong ni Torrie. Halata sa boses nito ang inis dahil sa nasagap na balita.

"Alam ko naman na babae ang emergency na sinasabi niya, so I let him."

Napatampal sa noo si Torrie sa sinabi niyang 'yon.

"Hey, girl, wake up. Matagal na nating alam na gan'yan ang boyfriend mo. Matagal ko na rin'g sinasabi sa 'yo na hiwalayan mo na 'yan pero hindi mo naman ginagawa. Alam mo, ito ang huli kong payo sa 'yo, kung hindi mo pa hihiwalayan 'yang si Lloyd, tadhana na mismo ang gagawa nang paraan para paghiwalayin kayo," paliwanag ni Torrie. Narinig 'yon ni Oprah habang nakatulala sa isang direksyon dahil sa pag-iisip.

"Alam mo rin naman kung bakit hindi ko siya kayang hiwalayan, 'di ba? I told you he was my first, and I also want him to be my last," pagdadahilan pa ni Oprah.

"Hello? So, ang ibig mo bang sabihin, gusto mo siyang mapangasawa? Girl, kung ngayon pa lang ginagawa na niya 'yan, what more pa kung magkasama na kayo sa iisang bubong? Baka maging palamunin mo pa 'yan, no?! Alam mo, sana h'wag kang ma-offend, ha? Ikaw ang kilala kong confident, dominant and fearless woman here on this planet pero marupok pagdating sa lalaki. Like, sayang naman ang lahat ng pinag-aralan at pinaghirapan mo kung mapupunta ka lang sa g*go," payo pa ni Torrie.

"E anong gusto mong gawin ko?" tanong pa ni Oprah upang makumbinsi niya ang sarili sa sinasabi ng kaibigan.

"Break up with him. Tell him everything you wanted to say noon-noon pa. Ilabas mo ang galit mo. Kapag nagawa mo 'yon, tutulungan kita na makahanap ng lalaking para sa 'yo."

Hindi nakasagot si Oprah sa sinabi ng kaibigan. Iniisip niya na kung sakaling makikipag-break siya sa kaniyang nobyo, ano ba ang unang sasabihin niya?

"Oprah!" tawag ni Torrie sa pangalan nito kaya nagising ang diwa ni Oprah.

"O-Okay! Fine! Don't shout at me, Torrie!" inis nitong sabi sa kaibigan at huminga nang malalim. "If that's what I have to do, then tulungan mo 'ko kung paano ko sasabihin ang lahat. Alam mo naman na hindi ko siya magawang sagutin. Ako ang unang umiiyak," pakisuyo pa nito.

"Okay, fine. Hayaan mo, tutulungan kita once na makauwi na ako ng Pinas. Talagang pupuntahan kita para hasain ang utak at puso mong naging marupok sa lalaki, okay? Sige na," pahayag pa ni Torrie kaya't napairap sa ere si Oprah.

"Okay. Bye," walang ganang sagot ni Oprah bago niya binaba ang tawag.