HINDI pa rin ako makapaniwala na ilang araw na lang ikakasal na ako kay Zandy, ang lalaki—este baklang iyon na umagaw sa boyfriend ko. Parang kahapon lang ang tahimik pa ng buhay ko at sa isang iglap nagulo sa pagdating ni Zandy sa buhay ko. Panaginip ba ito? Ni sa hinagap ko hindi ko naisip na ikakasal ako sa taong umagaw sa boyfriend ko. Grabi! Ganito ba maglaro ang tadhana? Ito na ba ang sinasabi ni Andrea na laro ng lintik na tadhana na 'yan? Pwes! Kung ganoon, makikipaglaro ako. Nasimulan ko na rin naman kaya tatapusin ko na lang ang larong gusto ng tadhana.
"Wow! You look so gorgeous, hija," puri sa akin ni tita Mandy nang isukat ko ang gown na pinagawa niya sa isang kilalang bridal botique sa Manila. Kung ako nga lang ang masusunod, ok na sa akin na ikasal na lang kami sa mayor. Less gastos at isa pa hindi naman ito kasal ng dalawang taong totoong nagmamahalan. It's just a marriage in a paper.
Pilit akong ngumiti. Bumaling ako kay Zandy na nasa sofa habang hawak ang magazine na kanina pa niyang tinitingnan. Hindi man lang niya ako tinapunan ng tingin.
"Salamat po, tita," sabi ko na lang. Binalingan ko ang suot ko, saka tumingin sa malaking salamin na naroon. Kahit ako'y namangha sa sarili ko dahil sa magandang wedding gown na suot ko. Isa iyong A-Line wedding gown style na nagpalabas sa hugis ng katawan ko na masasabi kong hinubog din naman ng maayos. Labas din ang clevage ko na kahit siguro sinong lalaki ay mapapatingin sa akin, maliban lang si Zandy na walang pakialam sa akin.
"What do you think, Zandy?" narinig kong tanong ni tita Mandy sa anak.
Bumaling ako sa kanila. Binitawan ni Zandy ang magazine na hawak niya saka binalingan ako. Halos mahimatay ako sa tingin niya sa akin. Animo'y isa akong makasalanan sa paraan ng pagtingin niya. Hindi ko rin maiwasang tingnan ang gwapo niyang mukha na kung marupok na babae ako, baka sumigaw na ako sa kilig. Kung hindi ko lang sana siya kilala baka buong puso akong magpakasal sa kaniya.
"It's too revealing for her," sabi lang niya na walang emosyon ang mukha, ni wala man lang pagnanasa sa maganda kong katawan. Tiningnan uli niya ako mula ulo hanggang paa saka muling hinarap ang magazine habang naka-de kwatro.
Tumaas ang kilay ko at tumikwas ang nguso dahil sa sinabi ni Zandy. Seryoso ba siya sa sinabi niya? Iyon lang ang sasabihin niya sa suot ko at sa hitsura ko.
"Why? You don't want her to reveal her body? Ikaw na lang kaya ang pumili ng gown for Miles, since ikaw naman ang pakakasalan," ani tita Mandy.
"No. Just pick any wedding gown but not that one." Hindi man lang siya humarap kay tita Mandy.
"No. I like this one. Isa pa, hindi na issue sa panahon ngayon kung revealing ang suot o hindi. Ano gusto mo, balutin ko ang katawan ko at mag-jacket ako at pantalon?" dahilan ko. At bakit ba pati ang suot ko ay pakikialman niya? Sino ba siya? Hindi naman talaga namin mahal ang isa't isa kaya wala siyang pakialam sa gusto kong suotin. Gusto ko pa sana isatinig iyon pero dahil nandoon si tita Mandy, hindi ko na lang sinalita.
"Fine. Wear what you want," ani Zandy na hindi man lang nag-angat ng tingin.
Napaismid na lang ako at nakasimangot na humarap sa salamin. Bakit ba ayaw niya sa wedding gown na ito, eh, ang ganda-ganda nga. Saka, bagay na bagay sa akin. Baka insecure lang siya sa ganda ko at ng katawan ko. Napangiti na lang ako sa naisip ko.
—
ABALA ANG lahat sa bahay habang naghahanda para sa kasal na gaganapin kinaumagahan sa simbahan. Wala naman akong ambag sa pagpaplano nila, lahat sila ang nagplano mula sa kaliit-liitang bagay niyon hanggang sa mismong kasal namin. Ni hindi ko nga alam kung sino-sino ang dadalo sa kasal na iyon.
Lahat sila bakas ang saya at excitement sa mga mukha, habang tahimik lang ako sa silid at nag-iisip sa mga mangyayari pa pagkatapos ng kasal na ito. Hindi ko kayang isipin na makakasama ko si Zandy sa iisang bubong habang iniisip ko kung sino siya at kung ano'ng ginawa niya sa akin. Kaya ko kayang makisama sa kaniya?
Gusto ko magising sa panaginip sa mga oras na ito. Sana nananaginip lang lahat ng ito at pagmulat ng mga mata ko balik na ulit sa normal ang lahat. Papasok sa trabaho at uuwi ng walang kahit ano'ng iniisip bukod sa trabaho ko. Dahil nga sa kasal ko, napahaba ang leave ko sa trabaho.
"Anak."
Napalingon ako sa gawing pinto nang kumatok doon si mama. Mayamaya pa'y bumukas iyon at iniluha niyon si mama kasama si papa na kahit pa paano'y bumabalik na ang lakas ng katawan. Kahit pa paano'y napapasaya ko sila sa ginagawa ko at hindi na kailangang ma-stress ni papa para sa akin dahil sa sumpang iyon.
"May kailangan po ba kayo?" tanong ko sa kanila. Lumapit pa sila sa akin at ngumiti na may bahid ng lungkot.
"Nandito kami, 'nak para kumustahin ka. I know you're not happy right now, nakikita ko iyon sa mga mata mo. I just wanna say sorry again sa pagpipilit kong magpakasal ka kay Zandy. Alam kong labag sa kalooban mo ang gagawin mo pero gusto kong malaman mo na we're doing this for your own good. Alam kong sa huli maiintindihan mo rin ang lahat," simula ni papa. Nakikita ko sa mga mata niya ang konsensiya sa ginawa nila sa akin.
"Tama ang papa mo, Miles para sa iyo ang lahat ng ito. Alam naming mahirap para sa iyo, pero sa huli maiintindihan mo rin ito," segunda naman ni mama.
"And besides, kilala namin si Zandy, 'nak hindi naman namin ikaw ibibigay sa lalaking hindi namin kilala. Alam naming nasa tamang kamay ka with Zandy. He's kind and gentleman," sambit ni papa na muntik akong masamid.
Gusto kong tumawa dahil sa sinabi ni papa pero pinigilan ko. Kung alam lang nila ang ginawa ni Zandy sa akin, baka bawiin nila ang mga sinabi nila rito. Pero palagi ko namang pinipili na huwag sabihin sa kanila ang nangyari sa amin ni Zandy dahil baka mapahamak na naman si papa.
"Tama po kayo, I feel bad for this. Naiinis ako at nagagalit kasi pakiramdam ko inalisan niyo ako ng karapatang pumili ng lalaking mamahalin ko." Saglit akong yumuko at seryoso silang tiningnan. "Pero dahil sa inyo, kaya pinili kong magpakasal. Pwede naman siguro umatras kapag hindi nag-work, 'di po ba?" sambit ko pa.
"Napag-usapan na namin ni Mandy at Andrew ang tungkol diyan, Miles. Kung hindi talaga kayo magkakasundo pagkatapos ng isang taon at hilingin ninyong palayain ang isa't isa, papayag kami," sagot ni mama.
"Hindi rin namin ipipilit kung hindi naman kayo magkasundo. Hindi namin gustong makulong kayo sa relasyong magulo pero gusto naming subukan para na rin maputol ang sumpa ng iyong Lola," ani naman ni papa.
Napayuko ako. Gusto kong sarkastikong tumawa sa sinabi nila. Parang ang lumalabas, trial lang pala ang lahat at titingnan ang kalalabasan niyon. Ganoon na ba sila kadesperado dahil lang sa sumpang iyon na hindi naman totoo?
Kung gayon man ang gusto nila, I'll do everything para si Zandy na mismo ang humingi ng annulment. Kahit pa bigyan ko siya ng sampung lalaki para lang makipag-annul siya sa akin gagawin ko.
"Sige na, 'nak, magpahinga ka na at bukas na ang kasal mo. You need enough rest for tomorrow. Dapat ikaw ang pinakamagandang babae sa araw na iyon," nakangiting sabi ni mama. "Dapat mong e-enjoy iyon, 'nak."
Ngumiti na lang ako kahit hindi iyon umabot sa tainga ko. Paano kong ma-e-enjoy iyon kung hindi ko naman ginusto ang kasal na iyon? Ako bang nagpumilit niyon?
Tumango na lang ako at hindi na umimik pa sa kanila. Pinagmasdan ko na lang ang paglabas nila ng silid ko. Naiwan akong tulala at mayamaya'y ginulo ko ang sarili kong buhok dahil sa inis. Iniisip ko pa lang ang pwedeng mangyari, nababaliw na ako pero alam kong wala na akong magagawa. Kailangan ko na lang bumuo ng plano kung paano ko mapipilit si Zandy na makipag-annul. Sila rin naman ang nagsabi na kapag hindi nag-work, lumapit kami at sabihin sa kanila.
Iyon ang plano ko, ang hindi mag-work ang pagsasama namin ni Zandy at makita nilang hindi kami masaya sa isa't isa para sila na mismo ang makakita ng katotohanang hindi kami dapat ikinasal at nagkamali sila sa desisyon nila. Ipakikita kong hindi ako masaya sa kaniya at walang patutunguhan ang kasal na iyon.
PUNO ng lungkot at panghihinayang ang mukha ko nang balingan ko ang wedding gown na napili ni tita Mandy para sa akin na nakapatong sa kama ko. Kalalabas lang ng baklang pinapunta ni tita Mandy para ayusan ako. Hindi ko alam pero parang hindi ko kayang suotin ang gown na nasa harap ko. Kung pwede nga lang umatras ako sa kasal, gagawin ko pero naiiisip ko ang kalagayan ni papa. Sigurado akong magagalit siya kapag ginawa ko iyon. Dahan-dahan akong lumapit sa kama at umupo sa gilid niyon. Marahan kong hinawakan ang magandang kasuotang iyon na pangarap ng bawat babae na masuot habang naglalakad sa aisle papunta sa lalaking mahal nila. Pero ako, paano ko maa-appreciate at mae-enjoy ang kasal na ito kung hindi ko naman mahal ang lalaking pakakasalan ko? "Miles!" narinig kong tawag ni Andrea sa akin. Kumatok pa siya bago binuksan ang pinto ng silid ko at lumapit sa akin. "Ano ka ba, Miles? Titingnan mo na lang ba ang wedding gown na iyan? Ano,
LUMAPIT sa akin si papa at mama para sabay nila akong ihatid sa naghihintay na groom na nasa unahan at nag-aabang sa pagdating ko. Walang expression ang gwapong mukha ni Zandy, ni hindi ko alam kung masaya ba siya o isinusumpa rin niya ang araw na ito. Dapat ko na lang sigurong isipin na ang groom na naghihintay sa akin, ay ang taong mahal ko at hindi si Zandy na umagaw sa boyfriend ko. "I'm happy for you, 'nak. Finally, nandito na tayo sa pangarap kong eksena sa buhay ko. To lead you to your groom," pabulong na sabi ni papa pero sapat para marinig ko. "Sobrang masaya kami ng papa mo, 'nak dahil finally mapuputol na ang sumpa sa iyo at magkakaroon ka na ng pamilya," segunda naman ni mama na muntik nang magpasamid sa akin. Gusto ko ring maging masaya para sa kanila pero hindi ko alam kung paano. Hanggang ngayon ba sumpa pa rin ang iniisip ni mama? Hindi ko alam ang iisipin ko sa kanila sa tuwi
MABILIS akong napalingon sa nagsalita, maging si Zandy at ang lahat ng nandoon sa simbahan. Lahat ng atensyon ay nasa babaeng kararating lang at tumututol daw sa kasal. Sino ba siya? Ni hindi ko kilala ang babaeng iyon. Nagkaroon ako ng konting pag-asa na hindi matutuloy ang kasal."Sino ka, Miss at bakit tutol ka sa kasal ng dalawang ito?" tanong ng pari.Hindi agad nakaimik ang babae at napalinga sa paligid at bumagsak ang mga mata sa amin ni Zandy. Kita ko ang gulat at pagkadismaya sa mukha ng babae at ang pagkapahiya niya."Pa-p-pasensiya na, ho kayo m-mali po ata ako ng simabahang napasukan," sabi ng babae na nakagat pa ang pang-ibabang labi. Nawala ang pag-asa kong hindi matuloy ang kasal. Sayang! May tutol na sana sa kasal namin pero false alarm pala. "I-ituloy niyo na po ang kasal. S-sorry po uli. Pasensiya na po," paulit-ulit na ani ng babae, saka tumalikod at mabilis na lumabas ng simbahan.
DAHAN-DAHAN kong iminulat ang mga mata ko at agad na tumambad sa akin ang maliwanag na silid na kinaroroonan ko. Bahagya pa akong napangiwi nang maramdaman ang bahagyang kirot ng ulo ko. Napagtanto kong nasa sariling silid ako. Inalala ko pa ang huling nangyari pero agad kong nasapo ang aking uko dahil sa pagkirot niyon."Don't move, just be still."Napalingon ako sa pinanggalingan ng boses na iyon at nakita ko si Zandy na nakaupo sa upuang malapit sa kama kung saan ako nakahiga habang hawak na niya ang cellphone at abala sa pagtitig doon."B-bakit ka nandito?" nagtataka kong tanong."Don't you remember? I'm already your husband," seryoso sabi ni Zandy. Ibinaba niya ang cellphone na hawak at nag-angat sa akin ng tingin, wala emosyon ang mukha. "Asawa mo na ako, Miles simula kanina nang ikasal tayo kaya huwag ka ng magtaka kung bakit ako nandito," dagdag pa niya.Laglag ang pangan
MATAPOS ang kasal na iyon o tama ko sigurong sabihing kasal-kasalan, nagbago na ang lahat. Ang tahimik kong mundo, nagulo. Hindi ko alam pero pakiramdam ko ang bigat ng bawat galaw ng katawan ko. Pakiramdam ko nawawalan ako ng gana sa lahat ng bagay dahil sa frustration ko sa nangyayari at sa hindi mawala sa isip ko ang pwedeng mangyari sa amin ni Zandy. Iniisip ko pa lang na magsasama kami sa iisang bubong, nababaliw na ako.Nagkaroon lang ng konting salo-salo ang ilan sa mga bisita nila Mama at ng pamilya Saavedra na hindi ko nadaluhan dahil nga nawalan ako ng malay dahil sa pagod at puyat na pinagpasalamat ko na rin dahil hindi ko na kailangang humarap sa mga tao at magpanggap.Napabuntong-hininga ako matapos kong magbihis. Natapos na ang leave ko at simula na muli ng trabaho pero sa totoo lang wala akong ganang magtrabaho. Gusto ko sana munang magliwaliw at kahit pa paano mapanatag ang utak ko at mawala ang lahat lahat ng nasa isip ko na
"NAKAKAINIS talaga! Bakla!" mahina kong sabi na bakas ang inis doon habang mabilis akong naglalakad papasok sa hallway patungo sa opisina ng department na kinabibilangan ko. Patingin-tingin pa ako sa wristwatch ko dahil ilang minuto na lang at male-late na ako. Kung hindi talaga dahil sa baklang Zandy na iyon, kanina pa akong nasa opisina at hindi ko kailangang magmadali para habulin ang oras.Huminto ako sa tapat ng glass door ng opisina. Huminga muna ako ng malalim, saka inayos ang sarili ko. Hinawakan ko ang hawakan niyo at madiing tinulak papasok hanggang magbukas iyon. Naramdaman ko agad ang malamig na hanging kumawala mula sa aircon ng silid. Ipinasok ko ang sarili ko sa pinto."Congrats!"Napapitlag ako sa gulat ng bigla na lang naghiyawan ang mga tao sa silid, kasabay ang mahinang pagsabog ng hawak ni Chad, ang isa sa mga katrabaho ko. May pa-confetti pa silang nalalaman at pa-banner na may nakalagay na 'Best Wis
HINDI PA rin maalis sa isip ko ang planong sinabi ni Andrea sa akin para kay Zandy. Nakukuha ko ang ibig niyang sabihin pero hindi ko alam kung sinong lalaki ang ipakikilala ko kay Zandy. Kagabi pa lang, iniisip ko na kung sino ang pwedeng ipakilala ko rito. Wala naman akong kilalang pwedeng pumatol sa lalaki."Hindi mo ba natanong si Zandy kung ano'ng nangyari sa kanila ni Roven?" kapagkuwa'y tanong ni Andrea sa akin habang kumakain kami sa labas ng opisina. Katatapos lang ng article na ginagawa ko at oras na rin ng lunch.Pasalamat naman ako dahil paggising ko sa umaga, wala roon si Zandy para kulitin at asarin ako. Mag-asawa nga kami pero dahil sa set up namin, nararamdaman kong single pa rin ako at mas gusto ko iyong ganito.Kumunot ang noo ko at seryosong nag-angat ng tingin kay Andrea. Bakit nga ba hindi ko natanong si Zandy tungkol sa kanila ni Roven? Napaisip din ako. "Hindi," diretso kong sabi. "Hindi ko rin gus
KINAUMAGAHAN, mas maaga akong nagising sa usual na gising ko sa hindi ko malamang dahilan. Baka marahil dahil sa gusto na ng katawan kong bumangon para mas maagang makapag-prepare sa pagpasok sa trabaho.Humarap ako sa salamin. Napasimangot ako nang makita ko ang hitsura ko roon. Gulo-gulo ang buhok ko na parang sinabunutan. Kinuha ko ang suklay sa tapat ng salamin at sinimulang suklayin ang gulo-gulo kong buhok. Napapangiwi pa ako dahil sa bahagyang sakit niyon sa anit dahil sa nahihila ko iyon.Matapos kong mag-ayos ng sarili ko, lumabas na ako ng silid na naka-pajama pa habang nakapusod ang buhok ko sa mismong tuktok ng ulo ko. Nang makalabas ako, ganoon na lang ang gulat ko nang nadatnan ko si Zandy na nandoon habang kausap si Mama at Papa."Ano'ng ginagawa mo rito ng ganito kaaga?" seryosong tanong ko na pinipilit iyong maging malamig."Maupo ka muna rito, 'nak," alok naman sa akin ni Papa.