Part 6

“Ang aga mo yata, Naila.”

Tanong ni Alexa kay Naila na ngayon ay nakaupo na habang naglalabas ng laptop. May date siya ngayon, obviously, kaya siya nandoon. Mamaya pa naman ang date niya at nakiusap siya kay Alexa na mag-stay na muna doon para kahit papaano ay makapagtrabaho siya habang naghihintay. Wala namang gaanong kadaming tao kaya okey lang na nandoon siya. Isa pa, kaclose na din niya ang manager nito kaya nagagawa siyang pagbigyan ng mga ito.

Speaking of the manager ay ilang araw na niyang hindi nakikita ito. “Alexa, nasaan si Melvin? Ilang araw ko na siyang hindi nakikita.” Inilibot niya ang paningin para hanapin si Melvin. Si Melvin ba talaga?

“Binigyan siya ng vacation leave with pay ng may-ari for two months.”

“Talaga?” Napakaswerte naman ng lalaking iyon. Nagbakasayon na nga, may bayad pa.

“Kaya ikaw muna ang nagma-manage pansamantala?”

“Medyo na oo at medyo na hindi.”

May itatanong pa sana siya kaso ay tumunog ang cellphone nito at sinagot iyon. Lumayo ito ng konti at ng bumalik ay parang biglang bumigat ang balikat nito. “Anong nangyari?”

“Ayun, tumawag si boss. Tinatanong ang anak niya kung kumusta na daw?”

“E ba’t sayo niya itatanong?” Hindi siya interesado sa kung sinong anak iyon. Meron siyang ibang gustong itanong pero hindi niya alam paano isisingit kay Alexa.

“Ang anak kasi niya ang tumatayong manager namin ngayon. Si Ashton Cuyegkeg. Iyong gwapong palaging nandito.” Kinikilig na sambit pa nito. “Hindi ko lang alam kung napansin mo na siya.”

Soooooooooo, anak pala ito ng may-ari. Di kata-takang pasulpot-sulpot lang ito sa restaurant. Kaya pala ang lakas ng loob nitong lagyan ng asin ang leche flan ng ka-date niya dahil kahit magreklamo ang customer ay hindi patatalsikin ito. Pero hindi na nagreklamo si Alvin. Iyon nga lang ay nawala sa mood ito. “Kung siya ang manager ninyo ngayon. Hindi ba dapat ay nandito siya?” That was baam! Hinahanap nga ng mga mata niya ang presensiya ng binata.

Tumango ito. “Kaya lang,” lumungkot ang itsura nito. “…ay nakakasakit siya ng ulo.”

“Bakit naman?” Bakit ba curious na curious siya sa lalaki ng ganoon katindi?

“Gusto kasi ni boss na huwag namin siyang tratuhin na siya ang may-ari kaso ay paano namin siya pagagalitan e anak pa rin siya ng boss. O tapos ngayon, tumawag si boss… sinabi ko sa kanya lahat ng kalokohan na ginagawa niya kasi iyon iyong gusto niya. Kaya hayun, parang na-highblood pa. Wala na daw ginawang matino ang anak niya.”

“Ano bang nangyari?” sa totoo lang ay hindi siya matanong na tao o pakialamera sa buhay ng iba. But with Ashton involve in the conversation, she just couldn’t avoid it.

“Noong first day niya, late siya. Ipinaghintay pa niya si Sir dito. Idinahilan niya na muntik na daw ma-snatch ang cellphone niya bago siya nakapasok dito. Na hindi pinaniwalaan ni Sir dahil palagi daw siyang maraming alibi na halatang hindi naman totoo. Pagkatapos noong susunod na araw ay pumasok lang ito noong gabi na. Tapos ay bigla na lang umalis. Hindi naman namin alam kung bakit. Basta!”

Totoo naman na na-snatchan ito. Alam din niya ang dahilan kung bakit gabi na ito pumasok noong isang araw at kung bakit bigla ding umalis ito. Dahil iyon kay Alvin na ka-date niya. Yata!

Or nagiging assuming na siya?

Speaking of Alvin, katulad ng mga nauna niyang naka-date ay wala din pala siyang mapapala dito. Dahil base sa pag-uusap nila ay mukhang ito pa ang gagamit sa kanya. Tinanong kasi siya nito kung pwede itong patulong sa kanya sa internet connection ng mga ito dahil nagkakaproblema daw ito. Sila nga ay walang internet connection pagkatapos ay papatulong pa ito. Pero mabuti na lang at ito na ang nagbayad sa kinain nila.

Parang gusto nga niyang i*****k ang tinidor dito. Kung makapagyabang kasi ito sa trabaho nito ay akala mo ang yaman-yaman nito. Hindi naman pala ito ganoon kayaman. Katulad pala niya ay nagsisinungaling lang din ito. Sinabi na lang niya na may malaki silang problemang dumating kaya wala muna siyang panahon sa ibang bagay. Hindi na siya pwedeng makipag-date dito dahil katulad ng mga nauna ay wala siyang mapapala sa Alvin na iyon.

“O tapos ilang araw na nandito nga siya. Wala naman siyang ibang ginawa kundi ang matulog. Nagagalit si Sir sa akin dahil hindi ko daw pinapagalitan ang anak niya. E paano ko gagawin iyon? At saka, makikinig ba si Sir Ashton sa akin?”

“Mahirap nga iyan.” Lalo na at doon ito nagtatrabaho baka magka-gap pa ang dalawa. “Kung ganoon pala ang anak niya ay bakit ipinapa-manage pa ang restaurant sa kanya? Risky iyon sa tatakbuhin ng restaurant.”

“E kasi naman itong si Sir Ashton. Matanda na pero hanggang ngayon daw ay hindi nagma-mature. Ni hindi pa nga daw nito naranasan ang makapagtrabaho kahit sa sariling kumpanya nila. Puro pasarap lang daw ang alam niya. E si Sir naman, gusto daw niyang matuto si Sir Ashton sa buhay. Na pahalagahan ang pinagpaguran. Ki-nut nga niya ang allowance ni Sir at ang kikitain niya dito ang magiging allowance niya. Kapag hindi siya tumino ay tuluyan na niyang aalisin ang allowance ni Sir Ashton at kailangang maghanap siya ng trabaho sa labas para matuto siyang tumayo sa sarili niyang paa. Nag-aalala kasi sina Sir na kapag nawala na sila at hindi pa rin marunong sa buhay si Sir Ash ay baka hindi nito kayanin. Alam mo na. Problema ng mga mayayaman.”

Ashton was lucky enough to be in a wealthy family. Pero iyon iyong disadvantage dahil hindi natuto ito sa buhay, ang magpahalaga sa lahat ng bagay. Pero bakit nga ba ganoon? Iyong mga taong nagsisikap ay walang napapala at kailangan pang gumawa ng kung ano-anong bagay samantalang ang mga walang pakialam ay sila iyong napakaswerte.

Pero naiintindihan niya ang pinupunto ng ama nito.

“O siya, Naila… doon na ako. Nandiyan na si Sir Ashton. Tinawagan siguro ng daddy niya.” Agad na lumayo sa kanya si Alexa.

Agad namang nagsalubong ang mga mata nila ni Ashton. Nandoon na naman ang dagundong sa puso niya. Agad na nginitian at kinawayan siya nito. And that kind of heartbeat? She has never felt that with those she dated or had a crush with.

Siguro ay ilang beses na siyang nakikipag-date o nakikipagchat para makahanap ng mayaman na boyfriend pero sa totoo lang ay hindi pa siya nagkakaroon ng boyfriend. Wala nga din siyang clue kung paano ang ma-in love. Kaya nga hanggang ngayon ay nalilito siya sa itinitibok ng puso niya dahil sa lalaki.

Pero no way… no way na ma-in love siya agad. Imposible! Isa pa ay kaya niyang pigilan ang feelings niya.

Pero speaking of Ashton. Hindi kaya nagtataka ito kung bakit iba-iba ang mga ka-date niya? Isn’t he curious? Isn’t he criticizing her for doing that? Wala naman kasing matinong babae ang gagawin ang ginagawa niya.

And why the heck she cares about what he thinks about her? E never na siyang nagpaapekto sa mga sinasabi ng ibang tao.

Pero may parte sa puso niya na sinasabing mas magandang isipin na lang nito na masama siyang babae. Na malandi siya. Para hindi na lumalim pa ang kung anuman ang nararamdaman nito para sa kanya at para tumigil na ito sa pangungulit sa kanya.

“Are you here for another date?” seryosong tanong ni Ashton na nakatayo na sa gilid niya ngayon.

“Y-Yes,” bakit ba siya nauutal?

“Watch out for those you date. Not all guys are good and have good intentions.”

“Iniinsulto mo ba ako? Hindi mo alam kung bakit ko ginagawa ito.”

“Then, tell me why because I hate seeing you with those guys. Sabihin mo din sa akin kung bakit ayaw mo akong i-date?”

Bakit ba parang boyfriend niya ito kung makaasta?

“Hindi tayo close para sabihin ko sa iyo ang mga bagay na tungkol sa akin.” Matigas na sambit niya. Isa pa, ayaw niyang mapalapit dito. Nandoon siya ulit at ipagpapatuloy iyon para ipakita dito na hindi siya matinong babae.

“Okay, I respect your decision.” Paalis na sana ito ng may maalala ito kaya bumalik ulit. “And I am not judging nor insulting you, Naila. I just don’t want you ending up with a wrong guy because I know that I’m the right guy for you.”

Natawa siya dahil sa huling sinabi nito. Sa totoo lang ay nadadala siya sa ipinapakitang concern nito at kaseryosohan nito. Medyo bumebenta lang sa kanya ang mga corny na pickup lines nito.

Yumuko siya ng mataman na naman siyang tignan nito at ngumiti dahil sa tawa niya. “You look more stunning when you laugh.”

“Thank you.” Marami ng tao na nakapagsabi na maganda siya pero never niyang pinaniwalaan ang mga ito. Pero sa mga sandaling iyon. She believes Ashton and it made her heart upside down again.

Tumango naman ito. “But I won’t let you be happy with your date today, Naila. Tandaan mo. I’m calling dibs on your heart.”

Kinabahan at kinilig siya. Kinilig siya dahil sa mga pinagsasasabi nito. It felt like he was owning her already that no one could have her but him. Medyo masarap sa pakiramdam.

Umiling siya ng paulit-ulit. Hindi siya pwedeng magpadala dito. He has sweet tongue at parang sincere ito sa mga sinasabi nito pero hindi pa niya kilala ng lubusan ito. But if he is being true to her? Her heart will be happy.

But her mind wasn’t. Hindi siya pwedeng tuluyang ma-fall dito.

Hindi siya papayag na masira nito ang date niya ngayong gabi dahil nawawalan na siya ng panahon.