Part 5

Papasok na si Naila sa restaurant ng maramdaman ulit niya ang presensiya ni Ashton sa likod niya. “Ashton, please… huwag mo na akong sundan.” It took her a lot of courage to utter those words. Dahil baka bawiin niya ang mga sinabi kung palagi itong nandiyan at nangungulit.

“Baka nasa likod mo lang ang lalaking babagay sa iyo.” Nakangiting wika nito at saka siya nilagpasan at binuksan ang pinto ng restaurant. “Welcome to our restaurant, Naila. Please, enjoy your stay and hoping that you will like our foods.” dagdag pa nito.

Doon pala nagtatrabaho ito? Hindi pwede! Hindi siya pwedeng makita nito palagi sa ganoong sitwasyon.

“Naila?”

Napatingin siya sa bandang likuran niya dahil sa tumawag. “Alvin?” kahit na ayaw niyang ngumiti ng mga oras na iyon ay ngumiti siya. Si Alvin ang bagong prospect niya kaya kailangan niyang magpa-impress. For Pete’s sake, she’s going to date another guy today. Makikita na naman ni Ashton iyon at lalong nanliliit siya sa sarili dahil doon. Baka isipin nito na playgirl siya.

Hindi mo naman siya gusto kaya bakit nag-aalala ka na ganoon ang iniisip niya?

Napahinto siya dahil sa naisip. Oo nga, bakit nga ba siya nagpapaapekto sa kung anuman ang iisipin nito? Hindi niya gusto ito at hindi din ito dapat magkagusto sa kanya! Period! At marami pang period!

“May I?”

Umakto si Alvin na parang isang prinsipe sa mga fairytale. Inakay siya nito papasok ng restaurant. “Of course,” Napakagentleman pala nito.

Pagpasok niya ay huminto siya sa tapat ni Ashton na winelcome lang naman siya at hinihintay siyang makapasok. Kung totoong gusto siya nito ay madidisappoint ito sa nakikita. Hindi niya alam kung anong mararamdaman ng mga sandaling iyon. Dapat ay masaya siya na nakikita nito na hindi siya dapat magustuhan nito pero may parte ng puso niya na hinihiling na huwag. Na huwag itong tumigil. Pero… Pero… iyon iyong tama! Kung tutuusin ay dapat niyang panindigan na hindi talaga niya type ito at ipakita dito na maling babae ang nagugustuhan nito. She needs to push him away.

And how is it possible for him to fall for her like that? They just met. Dalawang araw palang silang nagkakakilala nito. Kung umakto ito na gusto siya nito ay akala mo na ang tagal na nilang magkakilala at ang lalim na ng feelings nito para sa kanya.

Imposible iyon!

Baka naman pinagtitripan siya ng kulugong ito?

But as she was staring at him, he doesn’t seem like he was making fun of her. He looks incredibly genuine. Parang malungkot ang itsura nito.

She shook her head and removed all those thoughts on her mind. Paninindigan niya ang sinabing hindi niya gusto ito. “Ahm, mukhang tama ka. Nasa likod ko nga ang lalaking babagay sa akin.” Seryosong sabi niya dito. Kailangan din niyang pigilan ang sarili niya na huwag tuluyang mahulog dito.

“I still meant what I said a while ago.” Ngumiti ito bago naglakad papuntang counter habang palihim na sumusulyap sa kanilang dalawa ni Alvin.

Bakit parang lalo lang nitong pinakaba ng todo-todo ang dibdib niya?

“Let’s go?” yaya niya kay Alvin na halatang naguguluhan sa mga nangyari.

Kasalukuyan silang kumakain ni Alvin ng magpaalam ito na mag-C-CR lang. Kaya naiwan si Naila sa table ng biglang i-serve ni Ashton ang desert.

          Inilapag nito ang sosyal na version ng leche flan sa tapat niya at ganoon din ang kay Alvin.

          “If you think I will take back everything that I’ve said. No! Hindi ako madaling sumuko. And I can play dirty sometimes.” Ngumiti ito at biglang sumeryoso. “I won’t give you up, Naila. Gagawin ko ang lahat makuha lang ang puso mo.” Natawa ito sa sinabi nito.

          Siya din ay muntik ng mabulunan dahil sa sinabi nito. Pero pinigilan niya pati ang pagngiti. She kept a poker face.

          “Sounds corny but I meant it.” Tumingin ito sa dalawang leche flan. “There are some foods who looked really sweet but sometimes they’re really not.”

          “Anong—” bago pa man siya makapagtanong ay agad ng umalis ito. Ano naman kayang pinagsasasabi nito?

          Sa wakas ay bumalik na si Alvin. Tinikman nito agad ang desert. Nagulat siya ng biglang lumukot ang istura nito.

          “What’s wrong?”

          “This food’s taste so salty. Ang sabi mo masarap dito.” Paninisi pa ni Alvin sa kanya.

          Agad niyang tinapunan ng nanlilisik na tingin si Ashton na palabas na ngayon ng restaurant. Ngingiti-ngiti pa ito ng nakakaloko ng tumingin sa kanya.