Chapter 28

HINDI naging madali kay Vesper ang pakisamahan si Dominic lalo na ang kanyang fiance na si Bradford gayong may ideya na siya sa mga plano ng dalawang ito. Ang magtanga-tangahan at magpanggap na uto-uto ay nakakababa ng kanyang loob pero handa niyang tiisin 'yon hanggang sa makakuha siya ng tamang tiyempo.

It's been sixty days since her plan had started. Fortunately for her, she was able to convince them with her acting. Hindi gaya noon na daig niya pa ang nakakulong sa rehas, malaya na siyang nakakalabas-masok ng mansyon at pinapayagan na rin siya ni Dominic na tumanggap ng bisita kung sakali—well, 'yan ay kung may mangangahas na puntahan siya rito at kamustahin.

'Yon nga lang, ang isa sa nakikitang problema ni Vesper ay ang mga tauhan ng daddy niya. Hindi siya puwedeng lumabas o pumunta kung saan nang walang kasamang escort o bodyguard, at bawat kibot niya ay nire-report din nito kay Dominic. Samakatuwid, ang paggamit ng telepono na sana'y susi niya para ma-contact si Michael ay napak