HTGT 46.1

-ELLE-

Nagluluto ako ng almusal namin ni Mina sa kusina namin dito sa apartment. Sopas ang napagdesisyunan naming kainin, samantalang ang tatlong baby ko naman ay lugaw. Matapos kong ihain sa hapag ang almusal namin ni Mina, naka received naman ako ng text galing kay Stella. Pupunta raw siya dito. Pumayag din naman ako kaagad. Kaso nakakapag taka lang dahil pupunta siya dito ng ganito kaagad.

...

Matapos naming mag-almusal ni Mina, nag-volunteer siya na maghugas ng mga pinagkainan namin. Sumang-ayon naman ako dahil papakainin ko pa ang tatlong bata sa kuwarto naming. Inuna ko muna si Elisha na pakainin, sumunod naman ay si Elijah.

Nginingitian ako nito habang sinusubuan ko ng isang kutsaritang lugaw.

"Nagustuhan mo ba ang luto ni Mama, anak?" Nakangiti kong tanong.

Nginitian naman niya ako ng pagkatamistamis. Ang cute ng dimple niya, parang ang tatay niya. SI Harris Kasi ay may dimple din, at isa rin 'yon sa dahilan para mas maging guwapo siya.

Napailing ako dahil sa iniisip ko. Bakit ba pumapasok sa isip ko ang manlolokong lalaking 'yon?

Matapos kong pakainin ang mga anak ko, inumpisahan ko naman silang paliguan ng warm water. Habang binibihisan ko sila, big;ang bumukas ang pintuan. Bumungad naman sa akin ang pinagpapawisang mukha ni Mina. Mahina akong natawa dahil para siyang nakakita ng multo.

"Bakit ganyan ang itsura mo?" tanong ko.

Lumapit siya sa 'kin at naupo sa gilid ko.

"Nandyan na si Stella, Ate Elle. May kasama siya, nasa sala sila ngayon." Saad ni Mina at binaliwala lamang ang tanong ko.

Biglang bumilis ang tibok ng puso ko. Sino ang kasama ni Stella? Huwag naman sana si Harris.

"Dito ka muna ha? Ikaw muna ang bahala sa inaantok mo," bilin ko kay Mina. " Huwag mo munang ilalabas ang mga bata ha? Hangga't Hindi ako bumabalik Dito." dugtong ko pa.

Mabilis namang tumango si Mina, kaya naman tumayo na ako at naglakad palabas ng pinto. Bawat paghakbang ko patungong sala, ay mas bumibilis din ang tibok ng puso ko. Hanggang sa... napahinto ako sa paghakbang ng tuluyan kong makita ang mukha ng lalaking iniiwasan ko. Nang makita ako ni Stella ay kaagad niya akong nilapitan, napaatras naman ako ng akma niya Kong hawakan. Napahinto siya sa harap ko at [ara bang nakikiusap ang mata niya na pakinggan komuna ang paliwanag niya.

Pero hindi ko lang maintindihan kung bakit niya binali ang promise niya sa 'kin na hindi niya sasabihin kay Harris ang tinitirhan namin.

"Nagtiwala ako sa 'yo, Stella." bulalas ko.

"Ate, please pakinggan mo muna ako." Pakiusap niya. Hindi naman ako nagsalita. "Sinama ko si Kuya dito dahil may kailangan kang malaman. Please, pakinggan mo muna siya. Baka sakaling magbago ang pananaw mo kay Kuya." Dugtong pa niya.

Nilingon ko si Harris na nakatingin sa akin ng diretso. "Baka sakaling magbago ang pananaw ko, Stella? tanong ko, habang diretso ang tingin ko sa mata ni Harris. Sobrang lakas ng kabog ng dibdib ko pero sinawalang bahala ko lamang iyon. " Kaylan man ay hindi na magbabago ang pananaw ko sa Kuya mo, Stella. Di ba napaliwanag ko na sa 'yo kung bakit ko mas piniling lumayo?" Sambit ko ng lingunin ko si Stella. "Akala ko ba naintindihan mo na? Pero bakit dinala mo pa ang kapatid mo dito?" tanong ko kay Stella.

"A-ate, Wala naman sana akong balak sabihin kay Kuya eh. Pero ng sabihin niya sa 'min na bumalik na ang alaala niya, pinaliwanag sa 'min ni Kuya ang lahat. Kaso ng malaman namin na kagagawan ni Ate Cindy ang lahat, naisipan kong asabihin kay Kuya na nakakausap at alam ko ang tinutuluyan mo." Sagot ni Stella sa 'kin.

Napailing ako. "Anong pinagsasabi mo? Kagagawan ni Cindy ang pangyayari noong gabing 'yon? HIndi naman ako Bulaga eh. Kitang kita ng dalawang mata ko ang ginagawa nila noong gabing 'yon. " Saad ko. "At nakakaalala ka na pala, Harris. " Baling ko kay Harris. " Siguro naman naalala mo na ang ginawa niyo ni Cindy noong gabing hinihintay kita sa bahay natin dahil isusurprise ka sana namin. Kaso Imbis na ikaw nag masurpresa ako pa 'yung na surprise." Mapait kong sabi.

"Mali ka ng iniisip, Elle. Plano lahat iyon ni Cindy. Tinawagan niya ko at sinabi niyang may mahalaga kang sasabihin sa 'kin, at gusto mo raw akong papuntahin sa condo niya. At ako naman itong gago, naniwala ako sa baliw na babaeng 'yon."

-THIRD PERSON-

NANGHIHINANG napaupo sa upuan si Elle. Matapos ipaliwanag ni Harris ang lahat. Hindi siya makapaniwala. Ngunit ng isa-isahin niya ang lahat ng kaganapan noon. Unti-unting lumambot ang puso niya. Ang galit sa puso niya ay biglang naglaho. Saka niya napagtanto na hindi imposible na pinlano ng kaibigan niya iyon.

"Talaga bang hindi niyo iyon sinadya?" tanong ni Elle kay Harris. Nakaluhod si Harris sa harapan ni Elle, habang hawak-hawak nito ang palad ni Elle. Buong pusong dinadampian ni Harris ng halik ang likod ng palad niya. Puno ng pagmamahal at pangungulila si Harris, ganoon din si Elle.

Silang dalawa na lamang ang nasa sala, dahil iniwan na sila ni Stella para makapag-usap silang dalawa ng maayos.

"Trust me. Pinangako ko noon sa sarili ko na magsisimula tayo, at pag-aaralan ko kung paano mahalin. At ngayong mahal na kita, hindi ko iniisip na lokohin ka. Saksi ang diyos, kung gaano kita kamahal." Madamdaming saad ni Harris sa kaniya.

"Kung totoo man ang sinabi mo, maniniwala na ko. Pero sana nagpaliwanag ka kaagad sa 'kin noong gabing 'yon." Ngitngit ni Elle.

Naupo si Harris sa tabi niya at hinawakan niya si Elle sa pisngi upang magkaharap sila.

"Paano ako magpapaliwanag sa 'yo, kung hindi mo ako binigyan ng pagkakataon na makapagpaliwanag. But, I understand you. Ngayong, nai-explain ko na sa 'yo ang totoo, sana mawala na ang galit sa puso mo." Saad ni Harris ng may pakikiusap ang tono ng pananalita niya.

"Sorry. Nadala lang ako ng matinding emosyon. Lalo na ng maabutan ko kayo na nasa ganoong pumwesto," saad ni Elle. "Wife, let's forget about what happened that night. Ayaw ko ng isipin 'yon. You're friend is crazy. Cindy is obsessed of me." Napapailing na sabi ni Harris.

Napatango naman si Elle. "Harris, hindi porket napatawad na kita ay magsasama na ulit tayo sa iisang bubong. Maraming nagbago, at isa na rin sa mga nagbago ay ang nararamdaman ko sa 'yo."