Epilogue

Luci's POV

NAKAUPO ako sa pinong buhangin habang pinanonood si Luna Marie na magtatakbo sa paligid. Kanina pa ito naglalaro sa front beach ng resort namin, parang hindi napapagod sa kakatakbo.

"Baby, dahan-dahan lang. Baka madapa ka na naman."

Malakas na pagtawa ang itinugon nito sa akin. Dali-dali siyang lumapit sa tubig at nag-umpisang magtampisaw.

"Mama, ang lamig ng dagat! Ang sarap maligo!" Umahon ito at patakbong lumapit sa akin. Kinuha niya ang kamay ko at pilit akong hinihila papunta sa tubig. "Mama, ligo tayo! Sige na!"

"Baby, hindi puwedeng mabasa si Mama. Ikaw na lang. Tapos mamaya, papaliguan kita."

"E, wala akong kasama! Nasaan na kasi sina Tita Linda at Lolo Ernesto at Lola Guada?"

"Busy sa resort si Tita Linda mo, baby. Ang dami natin guest ngayong buwan."

"Sina Lolo at Lola, busy rin?"

Napangiti ako nang makitang sumimangot na ito. "Hindi sila busy, pero di ba, dinalaw nila si Tita Laura?"

"Ah, iyong kakambal mo?"

"Yes, baby ko!"

Sumimangot ito lalo. "Paano iyan? Wala