Kabanata 5.3: Cuesta La Palacio

“At ngayon na bumalik ka na ay gusto mo agad na maging CEO? You must be kidding me, Aeverie!”

Parang may mabigat na bagay na nakadagan sa dibdib ni Aeverie.

Naiintindihan niya ang galit ng kaniyang ama. Naiintindihan niya kung hindi ito sasang-ayon sa kagustuhan ni Rafael na gawin siyang CEO ng AMC group.

Tatlong taon siyang nawala. And guilt is already creeping inside her.

Itinago niya ang tungkol sa kaniyang pagpapakasal kay Silvestre. Tanging ang kaniyang mga kapatid lamang ang nakakaalam tungkol sa bagay na iyon.

At isa pa, hindi niya kayang sabihin iyon kay David at sa kaniyang ina. Dahil masalimuot ang kanilang pamilya, ayaw niyang madamay pa si Silvestre sa kanila.

For once, she dreamed for a perfect and peaceful family. Akala niya'y maibibigay iyon ni Silver.

Malaki ang galit niya kay David, malaki ang kasalanan nito sa kaniyang Mommy. Ayaw niya sanang magaya sila ni Silver sa kanila, pero sa huli, bigo na naman siya.

“Dad, Aeve knows as much as I do. She also has the potential to be the CEO of AMC.” Mahinahon na saad ni Rafael.

“Naalala mo nang minsang muntik nang malugi ang kompanya dahil sa nangyaring trahedya noon? Nang manakaw ang prototype ng bagong product natin? Naunang mag-launch ang kabilang kompanya ng parehong produkto dahilan para maantala ng ilang buwan ang paglaunch natin? But Aeverie proposed several effective control measures in order to get back to our track.”

Bumaling si Rafael sa kaniya at masuyong ngumiti.

“She was able to make a great innovation, kaya mabilis na nakilala ang produkto natin at hindi naikumpara sa unang nag-launch no’n.”

Matagal na simula nang huli silang magkasama ni Rafael at Uriel, pero hanggang ngayon ay ramdam niya pa rin ang pagsuporta ng kaniyang mga kuya.

Kaya hindi tuluyang nasira ang kaniyang pag-iisip sa magulo nilang pamilya dahil nariyan ang kaniyang mga kapatid.

Malaki man ang pagkukulang ni David, napupunuan naman iyon ni Rafael at Uriel.

“And in fact, you always misunderstood our Aeverie. She's the most patient and resourceful person in our family.”

Kumunot ang noo ni David.

Hindi niya nais na magpadala sa mga sinasabi ni Rafael pero kahit paano ay may epekto iyon sa kaniya.

“And Dad, napakagaling mong kumilatis ng tao pagdating sa negosyo. But why don't you see Aeve's potential? She can lead and manage the company so much better, give her chance.”

Natahimik ang silid nang ilang minuto pagkatapos nang sinabi ni Rafael.

Malalim ang pagkunot ng noo ni David at tinitimbang ang sinabi ni Rafael.

Sa huli ay huminga siya ng malalim at pagod na sumandal sa swivel chair.

“Fine. I will give her a chance. But just for once. But first,” tumitig ng diretso si David kay Aeverie.

Seryoso ang kaniyang mga mata.

“I will test you. You have to prove yourself to me, not as your father, but as the chairman of AMC Group. You have to pursue me and make your Kuya Rafael proud.”

Umangat bahagya ang sulok ng labi ni Aeverie.

Kailan pa siya natakot sa hamon ng kaniyang ama? Buong buhay niya ay palagi niyang pinapatunayan kay David na hindi lamang siya simpleng anak ng chairman ng AMC Group.

She's as good as her brothers.

“For now, let's have a simple celebration of your birthday.”

Naging malambot ang ekspresyon ng mukha ni David.

Dumaan sa mga mata nito ang pangungulila ng ilang segundo pero agad din iyong naglaho.

“I will also give you a few days to relax and enjoy, and next week you can already report to Arc Hotel and meet all the employees. Simula sa susunod na linggo ay magtatrabaho ka na rin, titingnan ko ng mabuti kung ano ang magagawa po para sa pinaka-matandang hotel ng ating pamilya.”

Narinig ni Aeverie ang pagbuntong-hininga ni Rafael sa kaniyang tabi.

“We cannot lose the Arc. Kung tuluyang babagsak ang hotel, ay babagsak din ang kumpyansa kong magagawa mong maging CEO ng AMC Group.”

“Aeverie can still save the hotel, Dad.” Positibong saad ni Uriel.

Naningkit ang mga mata ni David at bumaling sa anak.

“You two, you will stay out of this. Sa oras na malaman kong sinasabotahe niyo ako para sa kapatid niyo ay hindi niyo magugustuhan ang gagawin ko sa inyong dalawa.”

Humalakhak si Uriel, napangisi naman si Rafael.

“We wouldn't do that, Dad. Malaki ang tiwala namin kay Aeverie. She can even do it without our help.”

Umismid lamang si David sa kaniyang mga anak.

Pagkatapos no’n ay nagpaalam na si Rafael, tumayo silang tatlo at lumabas ng silid.

“The maids will prepare a simple dinner at the garden, Dad.” Bilin ni Rafael sa ama bago lumabas.

Nang nasa pasilyo na sila ay hindi maiwasan ni Aeverie na magbuntong-hininga.

“Tell me, how's the Arc Hotel doing? Is it already at its critical state? Sigurado akong pahihirapan muna ako ni Daddy.”

Walang madali sa kanilang pamilya. Maging si Rafael ay nahirapan ito bago maging CEO. Masyadong metikuluso ang kanilang ama pagdating sa negosyo.

Ayaw nitong pumalpak.

Natahimik ang kaniyang mga kapatid.

Hindi agad nakasagot si Rafael kaya tumikhim si Uriel at natawa ng mahina para pagaanin ang sitwasyon.

“Our business is already expanding Aeverie. Magkatulong si Kuya Rafael at si Dad sa pamamahala ng mga negosyo, pero hindi pa rin maiwasan na may mga nahuhuli sa priority.”

Uriel wrinkled his nose.

“And, sadly, ang hotel ang pinaka-least sa priority natin ngayon. Pero ayaw ni Dad na pakawalan ang Arc, alam mong doon tayo nagsimula. Malaki ang sentimental value ng hotel na iyon.”

Marahan siyang tumango.

“But don't worry, I will assist you.” Si Rafael.

“Habang nasa hotel ka pa ay ihahanda ko na rin ang ibang mga negosyo para sa iyo. Para kung sakali na maging maayos ang pagsusulit mo ay madali nalang ipasa ang posisyon sa iyo.”

Ngumuso si Aeverie.

“Are you really that excited to leave all the work to me? Kapag ba pastor ka na ay hindi ka na maaaring maging parte ng negosyo ng pamilya?”

Kumunot ang noo ni Rafael, pagkaraan ay napailing.

“It's a different field Aeverie. I will still try to help, but maybe my time wouldn't always that free for worldly things.”

Napatitig ng maigi si Aeverie kay Rafael. Seryoso ito sa pagpapastor.

Masyadong seryoso ang lalaki na akala niya'y habang-buhay na itong magiging tagapamahala ng mga negosyo.

Iyon pala, iba ang nais ng puso nito.

Ngayon niya lamang nakita na ganito kapursigido si Rafael sa isang bagay.

At dahil nagi-guilty pa rin siya sa pag-iwan sa kaniyang pamilya, naiisip niyang ito lamang ang tanging paraan para makabawi sa kanila.

“I will do my best, tingnan natin kung magiging successful ako.” Ngumiti siya.

Umakbay sa kaniya si Uriel.

“You would do better at managing business, Aeverie. We believe in you.” Nangingiting saad ni Uriel.