Chapter 9

"Why don't we take a walk? Para bumaba 'yung kinain natin." aya nito sa akin.

Tumango naman ako. "Sige po." pagsang-ayon ko sa kanya.

Tumayo kami mula sa kinauupuan namin at sinundan ko siya. Natatandaan ko itong dinaanan namin, ito 'yung daan papunta sa race course kung saan kami nangabayo ni Lucian.

Maya-maya lang ay natanaw na namin ang race course. Saglit na huminto si Mr. Agoncillo at sinabayan ako sa paglalakad.

"Marunong ka bang mangabayo?" tanong nito.

Umiling ako. "Isang beses pa lang po akong nakakasubok ng ganiyan."

Sinulyapan ako nito.. "Seryoso ka ba?" tanong ulit nito.

Tumango naman ako. Hindi naman kasi mahilig na umalis ang pamilya namin noon at simula naman noong kinuha sa amin si mama, sa iba na nag-focus si papa.

"Gusto mo bang subukan ulit?" tanong nito.

I was speechless. Katulad ni Lucian, mabait rin ito. Pero masyado nang nakakahiya sa kaniya. Sa kanila ng kapatid niya.

"Nako, huwag na po.. Hindi rin naman po ako marunong mangabayo." I said, declining his offer.