Chapter 14: Lila Rosas

Chapter 14

Lila Rosas

Kasalukuyang nasa gitna ng stage ang host hawak ang mic. Lahat kami rito ay sa kaniya lamang nakatingin at naghihintay sa sasabihin. Halos maramdaman ko na ang lakas ng pintig ng puso ko dahil sa sobrang pagka-excited. Hindi na ako makapaghintay ipakilala siya.

"Maari bang tumayo lahat ng mga single?" panimula ng host.

Marami naman ang nagtaka sa naging tanong ng host pero sa huli marami rin ang tumayo.

"Oh, mga single raw tumayo na kayo," baling ni Bianca sa amin. Palibhasa may boyfriend siya.

Akala ko ba ipapakilala na ngayon ang special guest? Ano naman ba ito? Pinapatagal pa nila!

"Oh, Mia? Bakit hindi ka pa tumatayo diyan? Hindi ba, NBSB ka?" si Bianca nang mapansing nakaupo pa rin ako. Sa table namin ay may apat na kaklase ko ang nakatayo. Halos maraming mga estudyante nga rito ang mga nakatayo.

Ang daming single, ha? Maganda iyan. The more the merrier.

"E, tinatamad ako," usal ko. Binigyan pansin ko na lamang ang natirang pagkain ko kahit na busog naman ako