Chapter 8

Chapter Eight

MASAKIT talaga kapag walang nagturo sa 'yong ina. Tatlong taon pa lamang siya nang pumanaw ang kanyang Mama Celine sa sakit na acute pneumonia. Hindi na niya halos maalala ang hhitsura ng ina maliban sa mga larawang itinatago pa rin ng papa niya.

Masakit din na wala man lang encouragement habang inaaral niya ang ginagawa. At mas masakit na habang nagbabate siya ng itlog ay nakataas pa ang mga paa ni River sa kanilang sala habang nanonood ng TV. Humingi pa nga ito ng softdrink na ibinigay naman niya.

Ibinuhos ni Maris ang binateng itlog sa kawaling may kumukulong mantika. Nagtalsikan sa lahat ng parte ng kusina pati na sa suot niya. Nabitiwan tuloy niya ang siyansi at dumiretso sa lababo upang buksan ang gripo. Itinapat niya sa dutsa ng malamig na tubig ang brasong natilamsikan ng mantika. Napakagat-labi pa siya sa hapdi.

Kasama ba talaga ito sa dapat niyang matutunan? Bakit wala siyang natatandaan na kailangang matutong magprito ng itlog para makapasa