CHAPTER 40

Nakatiim ang mukha ni Masha habang naglalakad. Kasalukuyan siyang nasa isang hotel at tinatahak ang pasilyong patungo sa isang silid. Nang makita na ang numero ng hotel room na kanyang sadya ay napabuga pa muna siya ng isang malalim na buntong-hininga. Then, she reached for the doorknob. Agad na niya iyong binuksan at hindi na kumatok pa.

Nang makapasok ay agad na niyang nakita ang lalaking katagpo niya sa lugar na iyon--- si Ryle. Naabutan niya pa itong abala sa cell phone nito. Nahinto lang ang binata sa kung ano mang ginagawa nang nakita ang kanyang pagdating. Mula sa pagkakaupo sa gilid ng kama ay mabilis na itong napatayo at nilapitan siya. Basta na lang nitong inilapag ang cell phone sa ibabaw ng bedside table.

"You're on time," anito saka may pilyong idinagdag. "Did you miss me, Masha, kaya ikaw na ang humiling na magkita tayo? Sa tuwing ako ang tumatawag o text sa iyo ay halos ipagtabuyan mo ako, ah. Ano ang nangyari at malaking himala yatang ikaw ang may gustong magkita tayo