Chapter Twenty Three

Hindi makapaniwala si Alice sa sinabi ni Jacob, pero kalaunan ay bumuntong hininga ito. Tama ang sinabi nito, tama siyang hindi na siya ang dating Aaliyah Eunice. Siya na ngayon Si Alice Mendez. Trabaho niya 'to, dapat hindi niya tinatanggihan. Hindi siya pwedeng magtago nang magtago, parehas silang nasa industriyang ito kaya hindi malabo na magtagpo talaga ang landas nila. Hindi naman siya kilala ng mga ito, talagang kailangan lang siya para sa event at kailangan din niya para sa business niya. 

 "Tama ka Ja, kaso ang iniisip ko kapag si Trish ang nakakita sakin. Imposibleng hindi niya ako makilala, o sabihin na natin na baka makaramdam 'yun. Malakas radar ng kaibigan ko na 'yun pagdating sakin. At isa pa... paano ko siya haharapin sa ginawa ko? Umalis ako ng walang paalam, umalis ako na hindi man lang nagsabi sa kanya kung saan ako pupunta, natatakot ako na sobrang sama na pala ng loob niya sakin. Hindi ko man lang pinahalagahan ang ginawa niyang p