CHAPTER 10

Agad na nahinto sa pagpirma ng ilang mahahalagang dokumento si Trace nang biglang bumukas ang pinto ng kanyang opisina. Mula sa labas ay pumasok si Lemuel na rinig niya pang nagpaalam sa kanyang sekretarya. Todo-todo pa ang ngiti nito nang magsimula nang maglakad palapit sa kanya.

Sa tuwing pupunta ito sa DLS Corporation ay talagang sumasadya ito sa kanyang opisina. At sa tuwina, hindi na itinatawag ng kanyang sekretarya sa intercom ang pagdating nito. Agad na lang pumapasok ang kanyang kapatid, kahit pa nga minsan ay wala naman itong appointment sa kanya.

Mahigpit sa kanilang kompanya. Kung wala rin namang appointment sa kanya ay hindi basta-bastang nakakatuloy para harapin niya. But of course, Lemuel was different. Kapatid niya ito at mula nang kilalanin itong anak ng kanyang ama at magsimulang tumulong sa pamamahala ng DLS Corporation ay malaya na itong nakapapasok sa opisina niya

“Good afternoon, Trace,” bati nito matapos maupo sa visitor’s chair na nasa harapan ng mesa niya.

Trac