Chapter 17

"Ang tanga mo talaga Devee. Tanga. Tanga. Tanga." Paninermon ko sa sarili habang hindi pa rin mapakali sa loob ng kuwarto ko. Ilang oras na din akong nag kukulong rito.

Anong mukha pa ba ang ihaharap ko sa kanya matapos ang lahat ng kahihiyang nagawa ko kanina?

Jusko naman! Bakit ngayon pa?

"May payakap ka pang nalalaman. Tss." Muling asik ko sa sarili.

Pero mayamaya ay agad din akong natigilan sa pag lalakad at wala sa sariling napapikit ako ng mariin at muling binalikan ang mga pangyayari kanina sa pool.

Kung paano akong napayakap sa kanya ng mahigpit na tila ba kay sarap sa pakiramdam... ang damhin ang matipuno niyang katawan. Ang makulong sa mga bisig niya.

Kung paano niyang pisilin ang palad ko. Kung paano niya akong titigan.

Kita ko din ang pag aalala sa mga mata niya.

Pakiramdam ko mas lalong dumami ang paru-paro sa sikmura ko ngayon. Nakikiliti ako na parang iwan. Tuwing pumapasok sa utak ko ang imahe niya, mas tumitindi ang pag tibok ng puso ko.

Ngayon ko lang talaga naramda