Chapter 3

"Hoy! Mare... ikaw ha!" Anang Awra na nakabuntot din pala sa'kin habang nag lalakad ako papunta sa apartment ko.

Kunot noo ko naman itong nilingon.

"Ha? Anong ako?" Nag tatakang tanong ko dito.

"Sos! Kunwari ka pa. Kayo ba ni baby Keiedrian ko?" Napamaang akong bigla dahil sa naging tanong nito sa'kin.

"Don't deny it girl! Kitang kita ko kanina kung paano tumitig at ngumiti sa'yo ang baby ko." Dagdag pa ng malanding bakla na ito.

"Yang bibig mo bakla bawasbawasan mo ang pagiging chismosa ha. Baka mamaya nyan may makarinig sa'yo, isipin non totoo." Naiiritang saad ko dito t'saka nag tuloy na sa pag lalakad.

"Nako Devee.. dalaga din ako, kung kaya't alam ko 'yang deny feelings mo haha. Kaya pala kung makatanggol sa'yo ang baby Keiedrian ko sa mama nya, wagas." Anang bakla na humalukipkip pa sa gilid ng maliit na gate sa apartment ko.

"Ewan ko sa'yo bakla. T'saka FYI lang, binata ka, hindi ka dalaga. Mahiya ka naman." Natatawang saad ko dito.

Bigla naman nasira ang itsura nito dahil sa pag tawag ko sa kanya ng binata.

"Lokaret ka.. kung di ka lang mas maganda kesa sa'kin sasabunutan kita d'yan." Aniya. "Good night mare." Ani nito t'saka nag lakad papalayo sa tapat ng apartment ko.

Napapailing na lamang ako na pumasok na sa bahay na inuupahan ko.

Agad naman akong nag diretso sa banyo para mag linis ng katawan at inaantok na din ako... maaga din kasi akong aalis bukas para mag hanap ng trabaho.

Total at busog naman na ako dahil sa dami ng order ni Kelly kanina sa fast food, agad akong sumampa sa higaan ko para mag pahinga.

Dala na rin siguro ng pagod buong mag hapon, ay agad akong hinila ng antok.

Kinabukasan ay nagising ako dahil sa tunog ng alarm clock ko.

Bandang alas sinco y medya palang ay naligo na ako.. nag tungo ako sa kanto para bumili ng pandesal at kape para sa umagahan ko.

Pag tapos kong kumain ay inayos ko na din ang mga gamit na dadalhin ko sa pag gayak.. maging ang damit na susuotin ko.

Mag a alas syete ay umalis na din ako sa bahay panigurado kasi akong traffic na naman ngayon. Mahirap mag hanap din ng masasakyan.

Kung saan saan pa ako nag punta para mag bigay ng Bio Data/Resume ko.

Nananakit na din ang mga paa ko kakalakad, pero keri lang.

Kakayanin para lang kumita ng pera.

Kung 'di ko pa naramdaman ang pag kulo ng t'yan ko ay hindi ko pa maiisipang sipatin ang oras sa pambisig kong orasan.

Mag a alas onse na din pala.. kaya pala nag rereklamo na din ang mga babies ko sa t'yan.

Nag palinga linga ako sa paligid para mag hanap ng p'wede kong mabilhan ng pag kain.

Sakto naman at nasa bandang kaliwa ko ay may karenderya doon, kung kaya't nag pasya akong mag lakad papunta doon.

"Kakain po ka'yo ate?" Tanong sa'kin nong isang babae na naka simangot pa.

Sarap tuloy sabihan ng 'hindi tatambay lang ako' malamang kakain.. Pag kain naman paninda nila 'di ba? Tss.

T'yaka banas ako sa mga nakabusangot na tindera.

Tumango na lang ako sa kanya bilang sagot.

"Pili po kayo kung ano ang ulam nyo." Ang isang babae naman na nag babantay sa mga pag kain. Buti pa ito naka ngiti..

"Ahh.. 'yong tortang talong ms magkano?" Tanong ko dito.

"Kinse po isa.. Ilan po ba?"

"Isa lang. T'saka isang kanin. P'wede pahingi na rin ng sabaw kung okay lang." Naka ngiting ani ko dito.

"Sige po. Maupo na po ka'yo don at ihahatid na lang po." Ani nito sa'kin.

Agad naman akong tumalima at nag hanap ng bakanteng lamesa. Medyo matao kasi sa kainan na 'to.

Agad naman akong nag lakad papalapit sa isang lamesa na nasa bandang dulo ng karenderya.

Inilapag ko sa isang upuan ang bag at envelope na dala ko t'saka prenteng umupo sa isa pang upuan. Agad kong tinanggal ang doll shoes na suot ko para makapag relax ang paa ko.

Don't worry, wala naman amoy ang paa ko. Hek hek.

"Ito na po order nyo ma'am." 

"Salamat." Saad ko sa isang binatilyo na nag hatid ng pagkain ko.

Pagkainom ko ng tubig ay agad kung nilantakan ang pagkain ko, gutom eh.

"Ate, isang kanin pa nga po dito." Sigaw ng mamang Pulis na nasa kaharap kong lamesa.

"Padalian lang po at nagugutom pa talaga ako." Aniya.

Mayamaya ay agad na nag salubong ang mga kilay ko ng bumaling ito sa'kin at kinindatan pa ako.

Eww?

Naka unipormi pa man din sya.

Nako, pag pulis talaga mga babaero eh. 

I mean, hindi naman lahat.. may iba lang.

Inirapan ko naman ito at muling itinuon ang atensyon sa pag kain ko.

"Chick bro.. tignan mo." Dinig kong saad nito sa isa pang pulis na kasama nito, na naka talikod sa gawi ko.

Tingin ko mga baguhang pulis lang ito, kasi ang bata pa naman tignan.

"Babaero ka talaga. Lahat na lang pinapansin mo." Anang baritinong boses.

"Just look at her haha I know papasa din sya sa taste mo." Dagdag pa na turan nito.

Saktong pag angat ko ulit ng mukha ay sya namang pag lingon ng isang pulis.

Hindi ko nga lang maaninag ng maayos ang mukha nya dahil side view lang at medyo natatakpan ng balikat nya ang mukha nya.

"Tss. Not my type. Masyadong ordinaryo lang." Sagot ng lalaki.

Aba!

Makapanglait ang gag*...

Kala mo naman hindi ko na didinig ang pinag uusapan nila.

Akala mo, gwapo. Tss.

"Haha.. Ordinary girl, unlike your ex-- move on bro." Natatawa pang ani nito.

Nag mamadali naman akong inubos ang pag kain ko, at hindi na nakinig sa usapan nila. Nagiging chismosa tuloy ang dating ko.

"Ate mag babayad ako." Saad muli nong pulis. Agad namang lumapit sa kanila ang isang babae.

Nag antay ako saglit para mag bayad na din.

"Ate mag kano po sa'kin?" Tanong ko sa babae ng mapadaan na ito sa gawi ko.

"Ay! Bayad na po ka'yo ma'am." 

Awtomatiko namang napakunot ang noo ko sa sinabi ni ate.

"Binayaran na po ni Cheap ang kinain nyo." Aniya na itinuro pa ang puwesto ng dalawang pulis.

Napalingon ako roon.

At 'yon nga at nakatingin din sa direksyon ko ang mamang Pulis.

Kumindat na naman ito at pag kuwa'y agad na tumayo sa inuupuan nya.

Nag lakad ito palapit sa'kin.

"Hi ms--? Kevin pala. P'wede ko bang malaman ang pangalan mo?" Tanong nito sa'kin t'saka inilahad nito ang kamay.

Mas lalo pang nag salubong ang mga kilay ko.

Imbes na sagutin at tanggapin ang pakikipag kamay nito, tinarayan ko itong bigla at tumalikod na para kunin ang bag ko.

Dinukot ko roon ang wallet ko at kumuha ng singkwenta pesos.

"Bayad ko sa kinain ko na binayaran mo. Salamat, pero hindi kasi ako nag papalibre sa hindi ko kakilala." Pag tataray ko sa lalaki t'saka iniabot sa kanya ang pera.

"Okay. I got it. I'm Kevin Dela Serna. So, now kilala mo na ako. Mag papalibre ka na ba?" Mas lalo lang akong nabanas ng ngumiti ito sa'kin ng malapad.

Ang gwapo!

I mean.. ang yabang.

"Keep the change." Imbes ay saad ko dito t'saka inilapag sa lamesa ang singkwenta pesos at nag mamadali na akong tumalikod.

Sayang 'yong 25 na sukli. Kinse lang naman ang tortang talong plus sampong kanin.

"Taray haha. Nice meeting you ms Sungit." Dinig kong saad ng lalaki.

"May naiwan ka.." Dagdag pa nito pero hindi ko na sya pinansin at nag tuloy ng lumabas sa karenderyang 'yon.