Chapter 24

Alas nuebe na ng umaga na ng ako'y magising. Kasalukuyan akong naghahanda ng aking almusal sa mesa, hindi ko nakita si Mommy Carmela at 'nay Lilet at kanina ko pa sila hinahanap, baka nag grocery na naman iyon.

"Magandang umaga Ms. Dahlia," bati sa akin ng isang dalaga. Hindi pamilyar ang mukha baka ay baguhan palang ito. Kulot ang mahaba niyang mga buhok at kulay kayumanggi ang kaniyang balat. Sa palagay ko ay nasa bente na ang edad nito. 

"Magandang umaga rin. Maari ba akong magtanong?" Napangiti naman ito at agarang tumango sa akin. 

"Nakita mo ba aking ina at si Mommy Carmela?" patuloy na tanong ko sa kaniya. 

"Nakita ko po silang umalis kaninang mga alas otso namalengke po siguro. Bilin ni Mrs. Monte Cristo na asikasuhin ko po kayo kapag kagising niyo. Pasensiya na po at hindi ko kayo agad naasikaso lalo na't ang almusal niyo. Katatapos ko lang po kasing magdilig ng pananim." Mahabang paliwanag nito sa akin. Napangiti naman ako sa kani