"Maaaaa!!" sigaw niya habang itinatayo ang ina na ibinalibag ng kanyang step dad.
"At bumalik ka pa talagang peste ka dito ha?" sigaw nito sa kanya."Pa-papa tama na po.. maawa po kayo kay mama," hawak niya ang kanyang ina sa braso."Bitawan mo yang mama mo, kung ayaw mong ikaw ang samain saking peste ka!" bulyaw pa nito ,"lumayas ka sa pamamahay ko!""Hindi ako aalis dito, hanggang hindi ko kasama ang mama ko!" sagot niya sa lalaki."Aba't mayabang ka na nga palang talaga?" ngumisi pa ito, "Kung barilin kaya kita ngayon?" kinuha nito ang baril nito saka itinutok sa kanilang mag ina."Umalis ka na, Jillian!" utos ng mama niya sa kanya."Pa-paano po kayo?" nag aalala niyang tanong sa ina."Ako na ang bahala sa sarili ko! wag mo na akong alalahanin!""Pe--pero...""At anong pinagbubulungan niyong dalawa dyan ha? hindi ka aalis Jillian ha?" nanlalaki na ang mata nito at sinisipat na siya ng baril."Anak! umalis ka na, sige naaaa!!" pakiusap ng kanyang ina sa kanya na itinutulak siya palabas."Ano ha? chupi!! ilang beses na kitang iniligaw, nakakabalik ka pa rin? shoooo!" para siyang manok na binubugaw ng amain."Mama!!" hindi niya maiangat ang paa. Natatakot siyang pagtalikod niya, bigla na pang itong mapatay ng amain niya.Pulis ito, kaya malakas ang loob na kung ano ano ang gawin. Noong maging 18 na siya, pinalayas siya nito sa bahay, dahil matagal na daw siyang naging palamunin. Ayaw nito ng anak. Nakukulele daw ito kapag maingay. Kaya sa tuwing malalaman nitong nabubuntis ang mama niya, ipinapalaglag yun ng lalaki, hanggang matanggalan na ng matres ang mama niya, kakapalaglag ng baby sa sinapupunan.Dalawampung taon ang age gap nito at ng mama niya. Sadyang mainitin ang ulo ng step dad niya. Naalala pa niya noong bagong dating sila doon sa bahay nito, madaming ayaw ang lalaki.Bawal ang malikotBawal ang maingayBawal ang tamadBawal ang maarte sa pagkainBawal lumabasLahat na lang ay ipinagbawal nito. Hindi na lang sila nagrereklamo.Maganda ang mama niya, marami pang lalaki ang nagkakagusto dito. Ang step dad naman niya ay parang si Max Alvarado ang datingan, kaya minsan, niloloko ng iba na sila ay beauty and the beast.Nagtangka na silang tumakas noon, subalit sadyang maraming galamay ang step dad niya. Natutunton sila, saan man sila magpunta. Kaya ng paalisin siya nito nung mag 18 na siya, mas pabor sa kanya iyon. Nag aral siya habang nagtatrabaho. Average lang ang kanyang talino, pero magaling siya sa computer, kaya information Technology ang kanyang course.Grumaduate siya mag isa lang. Hindi siya pinuntahan ng mama niya dahil hindi ito pinapayagan ng asawa nito. Binigyan siya ng konsiderasyon ng step dad niya na dalawin ang mama niya, subalit ngayong araw, wrong timing siya, mukhang lasing ito.Pinapahid niya ang kanyang luha habang lumalabas ng gate ng mamataan niya ang kotseng naghatid sa kanya kanina.Bumaba si Mac mula sa loob, sinalubong siya nito at inalalayang makasakay ulit ng kotse."Bakit nandito ka pa?" tanong niya dito. Kinuha niya ang laylayan ng kanyang palda at pinunasan ang luha niya."Nakalimutan mo ang bag mo," sagot nito sa kanya, sabay abot sa kanya ng bag."Pasensiya ka na, hindi ko na din naalala.""Mabuti pala at binalikan kita, anong nangyari sayo?""Pinalayas ako ng step dad ko.""Napakamalas mo naman. Una, sa boyfriend, ngayon, sa step dad? saan ka kaya swerte?" tanong nito na nakatitig lang sa kanya.***************************"Jillian!!!!! coffee!" utos kay Jillian ng mga kasamahan, "ito ang pera.""Coming!" sagot ng babae. Saka ito tuluyang nawala sa paningin niya.Ngayon lang niya sinubukang pumunta sa department na yun, at panoorin ang mga empleyado niya. Nabasa niya sa ID ni Jillian na sa Sandoval Corporation ito nagtatrabaho. Hindi niya alam kung bakit ganoon ang personality ng babaeng iyon, kaya minabuti niyang pumunta doon. Sa elevator na diretso sa loob noon siya dumaan upang hindi siya makita ng babaeAng nakalagay sa ID nito, isa itong typist at admin, subalit sa nakikita niya, isa itong utusan ng lahat. Napansin niya ang pagbalik nito. Agad na sinalubong ito ng mga nagpabili."Sakin na lang to," inagaw ng isang lalaki ang kape na hawak nito. Walang ginawa ang babae kundi sumang ayon na lang."Jillian, paki print!""Jillian, pakilakasan ng aircon.""Jillian, pakitype.""Jillian.""Jillian.""Jillian."Wala ng bukambibig ang mga tao doon, kundi pangalan ni Jillian."Wala bang mga kamay at paa itong mga ito at si Jillian ang masyado nilang pinapagod?" sabi niya sa sarili."Ano po yun sir?" tanong ng kanyang secretary."Wala yun.." sagot niya "Ah,Elmer, may itatanong ako sayo.""Ano po yun?" lumapit ito sa kanya."Ilang taon na dito yun?""Yung maganda? si Arceli? type niyo?""Hindi, iyong nakasalamin?""Si Eunice? yung sexy na chubby? type ko rin yan sir.""Hindi yun, yung katabi niya sa kanan!""Yung morenang matangkad? maganda din---""Shut up!" putol niya sa sasabihin nito, "yung si- si Jillian?""Jillian?" nangunot ang noo nito, "aaah, si Jillian Purisima?""Oo, siya nga!""Two years pa lang sir.""Aaah!!""Type niyo?""Hindi no! may taste ako!""Akala ko type niyo eh, may kilala kasi akong albularyo.""Baliw! magtrabaho ka na nga!" napaka intrimitido mo talaga!" pagtataboy niya kay Elmer. "so ,kahit pala dito sa opisina, binubully ka. Ano bang problema ng babaeng ito at nagpapaapak na lang basta basta."Nakatambak ang paper works na ibinigay dito ng mga katrabaho.Bandang tanghali, wala man lang nag ayang kumain dito. Nakita niya nang nilapitan ito nung isa at parang ipinaparush ang ipi apagawa nito."Nakakaawa pala talaga ang babaeng ito. Parang robot na lang na wala ng ginawa kundi ang sumunod na lamang sa mga utos." Tinawag niya si Elmer, "Ibigay mo sa kanya ang lunch mo. Hindi pa siya kumakain, tanghali na.""Pe-pero sir.." ayaw sana nitong sumunod."Dadagdagan ko ang sahod mo next month.""Ta-talaga ba sir?" napamulagat ito."Oo, basta wag mo lang akong kontrahin!""Sige sir ,dadalhin ko lang ito kay Jillian," nagmamadaling umalis si Elmer.Kita niya kung paano ito iniabot ng lalaki. Itinaas pa ni Jillian ang pagkain na waring inaalok siya. Para siyang tangang kumakaway na akala mo makikita siya sa labas."Siguro, nagiguilty ako, kaya ako ganito sa kanya. Wala ng makakaunawa sa kanyang iba, maliban sakin. Sana maka move forward na agad siya." wika niya sa sarili."Ano ka ba naman Jillian!" bulyaw ng kanyang supervisor habang hawak ang isang folder, "bakit halu-halo itong ginawa mo dito? sana, isinegregate mo muna bago mo ifinolder! wala ka talagang silbi!""Sorry po sir.. Madami po kasing nagpapagawa ng files sakin," nakayuko niyang sabi."At bakit ikaw ang gagawa ng mga files? may ipinapatapos ako sayo hindi ba? kayo, kaninong files ang ginagawa nito?!" Mataas ang tono nito at inilibot ang paningin, "wala bang sasagot sa inyo ha? hindi niyo ba kayang gawin ang mga trabaho nyo?"Wala ni isa man ang nagsalita. Waring ayaw madamay sa galit ng kanilang bisor."Sir, akin po yan.." maarteng sabi ni Arcelli, "kasi naman po, kahapon pa yan, hindi niya natapos.""Sayo ba to?" malambing na tanong ng bisor, oh, sige na, "saka bumulong sa babae, "kita ulit tayo mamaya.""Ano pong gagawin ko ngayon sir?" tanong niya."Malamang, uulitin mo to! alangang ako ang gumawa niyan! All of you, back to work!" ibinagsak nito ang folders sa harapan niya, "tapusin mo
Nagpatawag si Mckenzie ng biglaang meeting. Iyon ay pagkaalis ni Jillian. Nagulat ang mga naroroon sa angking kagwapuhan ni Mr. Sandoval, ang apo ni Madam Lishou na pinakamayamng babae sa mundo. Nasa kanyang tabi ang kanyang secretary at personal assistant na si Elmer. Hindi siya madalas magpakita sa mga empleyado niya, dahil iniingatan niya ang kanyang privacy. Madalas lang siyang naattend pag may big event like anniversary o may bisita. Nais na niyang putulin ang pang aapi ng mga taong ito kay Jillian na wala namang ibang ginawa, kundi ang sumunod. "Kumpleto na ba ang lahat?" tanong niya habang nakatayo sa kanilang mini stage na ginawa para lamang sa mga ganoong anunsiyo. "Opo, kumpleto na," sagot ni Ben. "May pabonus ata." Nagpalakpakan at nagbulungan ang mga taong iyon. Napangisi lamang siya. 'Ganito pala kakakapal ang mukha ng mga tauhan niya. Ang tatamad magtrabaho, pero gusto ng bonus. Itong supervisor nila, ang laki ng tiyan, wala atang masyadong ginagawa.' "Gusto ko lang
Dumating si Jillian sa opisina, pagkalipas ng isang linggong bakasyon. Naipagawa na niya ang kanyang salamin. Masaya siyang pumasok sa building at binati ang mga naroroon. Nakapagpahinga talaga siya ng maayos. Pagpasok niya sa opisina, napansin niya ang kanyang lamesa. Malinis iyon, may bagong computer, bago ang upuan, at lumaki ang kanyang table. Nakasalansan ng maganda ang kanyang mga office works."Hi Jillian, bati ng ilan niyang kasamahan sa kanya. Iyong mga yun ay ang kanyang mga nakakausap sa opisina."Hi.. kumusta kayo? saan nanggaling ang table ko?" tanong niya."Naku, ipinaalis ni sir yung dati mong table, kasi ang pangit na daw, marami na daw tali, delikado daw kasi yun during working hours.""Sir Ben?" tanong niya."Wala na si sir, terminated na.""Oo, dahil sayo," si Arcelli iyon."Anong dahil sakin, kakapasok ko lang?" nagtataka niyang itinuro ang sarili niya."Basta, dahil sayo yun. Saka bilisan mo nga dyan, ang dami pang gagawin o? magpiprint ka pa." sabat naman ni Euni
"Miss Purisima, hindi ka ba tinuruan ng proper attire na pang opisina? ano yang suot mo? Mix and march ka ba kay mcdo? ang buhok mo, kelan ka ba huling nagsuklay, ha?" sita sa kanya ni Miss Coleen, ang bago niyang bisor. Isang linggo pa lang simula noong makaencounter niya ito, maraami agad itong puna sa kanya. Kesyo hindi daw ata siya naliligo, hindi niya ata nilalabhan ang kanyang mga isinusuot.Dahil ipinanganak siyang mahaba ang pasensiya, hindi niya na lang ito pinapansin, lahat ng masasakit na salita nito ay labas lang ng labas sa kabilang tainga niya."Hoy, kinakausap ka ni Miss Coleen, nakakahiya ka talaga" sulsol dito nina Arcelli, "Wala ka bang bibig?""Para talagang abnormal tong si Jillian," sabi pa ni Eunice, "hoy, kinakausap ka.""Nagti--tipid po kasi ako ma'am. Gusto ko pong magmasteral.""Wala akong paki sa kung ano ang gusto mo! yung gusto ko ang gawin mo!""Yaaaan.. sabi na sayo, wag kang masyadong mapapel. Buti nga sayo," magkasabay siyang iniwan nina Arcelli at Eun
Hindi siya makapaniwala sa ipinagtapat ng babae sa harapan niya. Hindi maaari. Hindi siya papayag ng ganoon na lang."Si--sigurado ka ba?" nauutal siya magsalita dahil sa labis na shock."Oo, galing na ko sa doctor kanina. Hindi ko rin akalaing mangyayari sa akin ito. Paano ako?" nangingilid ang luha nito.."Baka naman hindi sakin yan. Baka may iba pa, bukod sakin?" hindi niya alam kung patanong iyon o para saan ang sinabi niyang iyon, basta ang alam niya, hindi pa siya handa. Paano na ang mahal niyang si Danica? baka magalit sa kanya yun."Hindi ako kaladkaring babae, Mac, o kung Mac nga yang pangalan mo!" wika nito sa kanya. "Hindi naman ako mag isang gumawa nito, magkasama tayo hindi ba?" "hindi nga ako sigurado kung sa akin yan. Saka, may mahal na akong iba, ano ang sasabihin ko kay Danica kapag nalaman niyang magkakaanak ako sayo?" hindi na rfin niya malaman kung ano ang gagawin niya. "Kasalanan naman niya yun hindi ba? hindi ka niya sinipot. Kung dumating siya, hindi sana ako
Dahan dahan niyang iminulat ang kanyang mga mata. Iba ang kwartong iyon, hindi siya doon nakatira. Masakit ang kanyang ulo at kanyang katawan. Noon niya lang naisip na naaksidente pala siya. Agad niyang hinawakan ang kanyang tiyan. Umiyak siya sa pag aakalang nawala ang kanyang baby. "Hija," boses ng isang matandang babae ang nagpagulat sa kanya lalo pa ng hawakan siya nito. "Sus maryosep! Lord!! Lord may multo!!" napapikit siya habang nananalangin. "Hija, totoong tao ako," sagot nito sa kanya. "Paa--paano po ako napapunta dito?" tanong niya sa matanda. "Muntik na kitang mabangga, buti na lang, magaling magpreno ang driver ko kaya hindi ka nasapul. Bakit ka kasi humahangos? bigla kang tumawid." wika ng matanda. "May tina--" "Good afternoon po," bati ng doctor.'Doc, kumusta na po siya?" tanong ng matanda sa doctor."Okay naman po siya madam. Pati po ang baby niya ay safe," nakangiting sagot nito."Buntis ka hija?" nanlaki ang mga mata ng matanda, "naku, mag iingat ka, mabuti na
"Anong ginagawa mo dito!?" singhal niya kay Mac."Ikaw, ano ang ginagawa mo dito? bakit mo ako tinakbuhan?" paangil na tanong nito sa kanya."Teka, magkakilala kayo?" naguguluhang tanong ni lola Liz."Opo!" sagot niya."Hindi no!" tugon ni Mac."Ano ba talaga? ang gulo niyo!" sagot ni lola Liz sa kanila."Lola. naalala niyo po yung ikinukwento kong lalaki sa inyo?" tanong niya sa matanda."Yung tatay ng dinadala mo?" nakakunot ang noo ng matanda, saka nanlaki ang mga mata, "apo ko ang batang yan?" binalingan nito si Mac, "walanghiya ka Mckenzie! anong kalokohan ang ginagawa mo ha? hindi kita pinalaking ganyan!""Lola.. lola--- magpapaliwanag ako," habang sinasalag nito ang mga palo ni lola Liz."Napakawalang hiya mo talagang bata ka! anong kalokohan ang naisip mo at basta ka mambubuntis tapos ipapalaglag mo ha!?" tinamaan sa ilong si Mac bago napaupo, "anong ginagawa mo ha? bakit gusto mong ipalaglag ang anak niyo ha?""Lo--lola.. baka- baka hindi--aray!! araaay!!" piningot itong itin
"Lola Liz, hindi niyo na po kailangang pilitin si Harvy na pakasalan ako. Okay lang naman po ako," sabi niya sa matanda."No, walang Sandoval na magiging anak sa labas. Sigurado akong sa apo ko yan. Kaya kailangang pakasalan ka niya." giit ng matanda."Pero totoo naman po ang sinasabi niya na- aksidente lang po ang lahat." napayuko pa siya habang nagsasalita."Kahit aksidente yan, sinundot ka pa rin niya. Ayaw niya pala ng responsibilidad, gumagalaw siya ng babae tapos pag nagbunga hindi niya pananagutan? Hindi ako papayag. Kailangan panagutan ka niya, hindi pwedeng agrabyado ka.""Hi--hindi pp papayag yun lola," napakagat siya sa kanyang pang ibabang labi."Maniwala ka sakin, babalik yan dito para makiusap at pumayag sa gusto ko. Kilala ako ni Mckenzie, tinutupad ko kung ano ang sinasabi ko.""Papasukin niyo ko!!!" narinig nilang oarang may kumosyon sa labas. "Lolaaaa!!! mag usap tayo!! you can't do this to me!!""Si Mckenzie po ata yun lola," napabalikwas siya ng bangon."Hayaan mo