CHAPTER 4

"What do you think?" tanong ni Heath nang manatiling tahimik si Jasper nang ilang saglit.

Pero ang pag-aalinlangan sa mga mata ni Jasper ay nagpahayag na ng struggle nito sa pagpapasya.

Paano niya ito matatanggihan?

Ilang taon na siyang nagtatrabaho nang walang pahinga, sinusubukang pahangain ang kanyang boss, binibola ito sa tuwing may pagkakataon ngunit kailanman ay hindi siya nakatanggap ng promotion.

At ngayon...

Ang kailangan lang niyang gawin ay payagan si Olivia na magtrabaho.

"I... itatanong ko muna kay Olivia, sir," sa wakas ay wika ni Jasper.

"Kung papayag siya, pumunta kayo sa opisina ko bukas," sagot ni Heath na may tipid na ngiti.

"Sige po, sir."

Samantala, nakatayo si Olivia sa kusina, malalim ang iniisip.

Dapat ba niyang tanggapin ang alok? Ang maging personal assistant ni Heath?

Ito na ang pagkakataong matagal na niyang hinihintay.

Pero... tila may mali sa pakiramdam niya.

Hindi nagtagal, nagpaalam na si Heath.

Inihatid nina Olivia at Jasper ang panauhin hanggang sa pinto.

“Give me your answer tomorrow,” ani Heath kay Jasper, bagaman ang kanyang tingin ay panandaliang sumulyap kay Olivia.

"Opo, sir."

—

Sa loob ng kwarto...

Nakahiga si Jasper, malagkit ang katawan sa pawis, at malalim ang paghinga.

Sa tabi niya, nanatiling tahimik at hindi gumagalaw si Olivia.

Katatapos lang niyang angkinin sa kama ang asawa para bigyang kasiyahan ang sarili. Hindi niya napansin, o marahil ay wala siyang pakialam, na hindi man lang nasiyahan si Olivia.

Para sa kanya, hindi iyon mahalaga.

Basta't satisfied siya, sapat na iyon.

"Inaalok ka ng trabaho ng boss ko," ani Jasper nang kumalma na ang kanyang paghinga.

Hinatak ni Olivia ang kumot para takpan ang kanyang hubad na katawan.

"Anong trabaho?" tanong niya, nagpapanggap na walang alam.

Narinig na niya ang usapan kanina.

"Ang maging personal assistant niya," sagot ni Jasper.

"Ibig mong sabihin... secretary niya?" paglilinaw ni Olivia.

"Oo. Nag-resign ang dati niyang secretary. Temporary lang yung pumalit, kaya gusto niya ng isang tao na tatayo ring assistant niya," paliwanag ni Jasper.

"Ganoon ba..." mahinang sagot ni Olivia.

Nag-aalinlangan pa rin siya.

Ang mga titig ni Heath... ang haplos nito kanina...

Napapatanong siya kung ang offer ba ay tungkol talaga sa trabaho, o may iba pang dahilan.

"Gusto mo ba?" tanong ni Jasper.

"Hindi mo naman ako papayagan. Kahit gusto ko pa," mahinang saad ni Olivia.

Natahimik si Jasper, nakatitig sa kisame.

Ang posisyon bilang Division Manager...

Masyado iyong nakakaakit.

Ang pagkakataong tulad nito ay hindi dumarating nang basta-basta.

"Sa tingin ko ay dapat mo yun tanggapin," sabi ni Jasper.

Napalingon si Olivia sa kanya sa gulat. "Ano?"

Pinapayagan siya ni Jasper na magtrabaho?

Iyon pa lang ay kakaiba na.

Hindi niya alam ang kondisyong itinakda ni Heath, para ang pagtatrabaho niya ay siyang pagkakaroon din ng promotion ni Jasper.

"Habang mabait pa ako, huwag mo nang baguhin ang isip ko," dagdag ni Jasper sa malamig na tono.

"Talaga bang ayos lang sa iyo?" tanong ni Olivia, sinusuri ang mukha ng asawa.

"Puntahan mo na lang si Mr. Madrigal bukas," utos ni Jasper, hindi pinansin ang kanyang tanong at tumalikod na kay Olivia.

Hindi nagtagal, napuno ang kwarto ng mahihinang hilik.

Nakatulog na ito.

—

Kinabukasan...

"Babe... papayagan mo ba talaga akong magtrabaho?" tanong ni Olivia habang tinitingnan ang sarili sa salamin.

Suot niya ang isang malinis na puting blouse na ipinares sa itim na culottes, ang kanyang buhok ay nakatali ng isang simpleng ribbon headband.

Mukha siyang fresh, elegante... at may tahimik na confidence.

"Huwag ka nang maraming tanong. Kung gusto mong magtrabaho, 'di magtrabaho ka! Pagod na akong marinig ang mga reklamo mo araw-araw," walang ganang sagot ni Jasper.

"Thank you, babe."

"Hmm."

Sumulyap nang bahagya si Jasper sa kanya.

Kahit walang makapal na makeup, natural na maganda ang asawa niya.

Sa isang saglit, nakaramdam siya ng kaunting pag-aalinlangan.

Pero muli...

Para rin ito sa ikabubuti niya.

Hindi magtatagal, magiging manager na siya.

Pagdating nila sa opisina, binigyan lang ni Jasper si Olivia ng maikling direksyon.

"Huwag mong ipapaalam sa mga tao na mag-asawa tayo," aniya.

Napakunot ang noo ni Olivia. "Bakit naman, babe?"

"Kailangan mo bang tanungin ang lahat? Ang dami mong tanong!" bulyaw ni Jasper bago ito naglakad palayo, iniwan siyang nakatayo roon.

Nilunok ni Olivia ang kanyang kalituhan at nagpatuloy nang mag-isa.

Sinundan niya ang direksyon hanggang sa wakas ay nakatayo na siya sa harap ng pinto na may nakasulat na: Heath Madrigal – CEO.

Nagsimulang bumilis ang tibok ng kanyang puso.

*Knock. Knock. Knock.*

"Come in," tawag ng isang boses mula sa loob.

Pinihit ni Olivia ang doorknob at pumasok.

Isang malamlam na amoy ng mga rosas ang bumalot sa silid, na ikinagulat niya.

"Olivia?" sabi ni Heath, tila natutuwa sa pagdating niya.

"Opo, sir. Sinabi po ni Jasper na kailangan niyo ng assistant, kaya pinapunta niya po ako rito," sagot ni Olivia, bahagyang nakatungo bilang paggalang.

“Please, have a seat.”

Naupo si Olivia sa tapat nito.

Ngunit ang titig nito...

Para siyang hinuhubaran nito. Matalim ang mga mata, nanunuri, at imposibleng hindi mapansin.

“Do you know your responsibilities?” tanong ni Heath.

Umiling si Olivia. "Ang sabi lang po ni Jasper ay magiging assistant niyo po ako."

Tumayo si Heath at umikot sa kanyang desk, iniharap ang screen ng computer sa kanya.

Huminto ito sa mismong likuran niya.

Masyadong malapit.

Nanigas nang bahagya ang katawan ni Olivia.

Ramdam niya ang presensya nito... maging ang hininga nito malapit sa kanyang tainga.

“This will be part of your job. Ang pag-aayos ng schedule ko at paghawak sa aking mga daily tasks," paliwanag ni Heath.

Habang nagsasalita ito, ang kamay nito ay dahan-dahang pumatong sa balikat ni Olivia.

Napatigil si Olivia, nakaramdam ng pagkailang.

Hindi siya gumalaw.

Bahagyang dumiin ang mga daliri ni Heath, na para bang sinusubukan ang reaksyon ng babae.

"Magkanong sweldo ang inaasahan mo?" mahina niyang tanong, mababa ang boses at malapit sa tainga nito.

"Hindi ko po... hindi ko po alam, sir," sagot ni Olivia, na hindi sigurado sa kanyang boses.

"Huwag kang kabahan," bulong ni Heath. “Just tell me. Papayag ako."