KABANATA 31.1 — PROMOTION

Labis na nag-aalala sina tatay Alberto, nanay Rosa, at Eilana sa kanilang bunsong anak at kapatid na si Spencer. Isang araw na kasi itong nakahiga sa kwarto at hindi lumalabas. Napapansin ng mga magulang na may tinatagong problema sa kanila ang anak. Kahit hindi nito sabihin sa kanila ay nararamdaman nilang may mabigat na pinagdaraanan ito.

Kanilang napansin na simula no'ng bumalik ito sa kanilang bahay ay may nabago sa anak, ang dating masigla at masayahin nitong mukha at napalitan ng pagkamatamlay at halos 'di masyadong nagpapakita ng ngiti. Kilalang kilala nila ang anak at alam nilang kapag ganito si Spencer ay meron itong dinaramdam, ngunit noon ay kusa itong magsasabi sa kanila, pero ngayon ay tila hindi nito kayang sabihin ang problema.  Kaya ganoon na lamang sila kung mag-alala sa binata.

"Eilana anak, wala bang na kwento ang kapatid mo kung anong pinobroblema niya ngayon? Hanggang ngayon ay hind