Chapter 16

Hindi rin sila nagtagal sa facility dahil baka masundan sila ng sumusunod sa kanila. Nagpaalam si Leon kay aling Bella, halatang nalulungkot itong mawalay sa matanda. Dumiretso sila sa rest house na pag-aari ni nanay Bella sa Sta. Josefa, ang sabi pa ni Leon, mas mainam na doon muna sila tumuloy. Nagpaalam na rin si Lara sa nanay niya na may out of town work ito at kailangang asikasuhin muna dahil para sa kaniyang bayarin sa tuition fee niya.

Sakay sila ngayon ng kotse ni Leon, mabilis nilang kinuha ito sa hotel at dumiretso na sa address.

"Sigurado ka ba rito, Leon?"

"Oo, dito ako madalas isama noon ni nanay Bella kapag lumuluwas kami dito sa probinsya nila."

Masayang ngumiti si Lara, ramdam nitong umaaliwalas ang mukha ni Leon kapag inaalala ang kabataan niya.

"Malapit na tayo..." ani ni Leon.

"Ang presko ng hangin dito no?"

"Oo, ibang-iba sa Maynila."

"Sinabi mo pa."

"Kaya nga gusto kong pumarito muna, I am exhausted there." Iling ni Leon.

Tumingin si Lara sa mukha ni Leon