Chapter 26

“Ang natatandaan ko ay anim na buwan pa lang na kasintahan ni Sir Damon si Ma’am Elaine nang mabuntis niya ito,nagkakilala sila dahil kay Ma’am Lyka. Mag-bestfriend kasi ang dalawang babae, ngunit si Ma’am Elaine ang pinili ligawan ni sir,” panimula ni Nana Tinay at muli naupo sa gilid ng kama.

“Pihikan sa babae si sir, ngunit ‘di nakakapagtaka mahulog ang loob nito kay Ma’am Elaine dahil napakabait niya at sobrang understanding. Ang problema nga lang ay sakitin ito at gusto siya maalagaan ni sir kaya nagsama sila kahit hindi pa ikinakasal,” pagpapatuloy ni Nana Tinay.

Napaisip si Farrah na marahil hindi mapakasalan ni Damon si Elaine dahil kasal ito sa kaniya at pareho nilang dati ‘di alam ‘yon. Sa kabilang banda naman ay ‘di siya kumbinsido pihikan sa babae si Damon dahil ang dami naging girlfriend nito at linigawan sa university noon.

“Nangako si sir kay ma’am na magpapakasal