Chapter 26

“Oo, simula ng mamatay ang papa ko. Ako na ang naging padre de pamilya sa amin halos lahat ng klaseng trabaho pinasok ko para lang mabuhay ko sila mama at ang bunso kong kapatid.”

“Napakabait mo pala talaga, Natasha. Ang swerte sa ‘yo ng mama at kapatid mo.”

Ngumiti lang ako sa sinabi ni Sean.

“Sobrang hirap siguro ng mga pinag-daanan mo, no? Ikaw halos lahat sumalo.”

Komento naman ni Kiel.

“Mahirap dahil hindi ako nakapag tapos ng pag aaral dahil sa hirap ng buhay. Hindi ako makahanap ng magandang trabaho para sana mapag-sabay ang pag-aaral ko at trabaho. Pero okay lang ang importante nakakaraos kami sa araw-araw. Isa pa nagpapasalamat ako na nakilala ko si Don Juanito at binigyan ako ng trabaho. Saka pinatuloy ang pamilya ko sa mansyon."

“Talaga? Nandoon din pala ang mama at kapatid mo sa mansyon?"

Tumango ako kay Kiel.

“Sa tabi ng maid quarters ‘yung maliit na bahay don kami pinatuloy ni Don Juanito. Napaka laking tulong para sa akin ang makasama ko sila ha