Chapter 27

Nang makarating kami ng hospital agad-agad akong bumaba ng kotse. Tatakbo na sana ako papasok ng tawagin ako ni Sir Giovanni.

“W-wait, Natasha. Hintayin mo ako sabay tayong papasok sa loob."

Sambit niya tapos naglakad palapit sa akin. Akala ko ay lalagpasan niya ako pero gano'n na lang ang gulat ko ng hawakan niya muli ang aking kamay sabay hila sa akin papasok sa loob.

Napa-angat ako ng tingin sa lalaki ng maramdaman ang pag-higpit ng hawak niya sa kamay ko. Seryoso lang naman itong nakatingin sa unahan.

Kapansin-pansin na talaga ang mga pagbabago ng boss ko. Malayong malayo na sa lalaking nakasagutan ko ng mga nagdaang araw.

Hindi na kami nag-abala na magtanong pa sa nurse station dahil pag-aari naman nila Sir Giovanni ang hospital na ito. Siguradong kabisado ng lalaki ang pasikot sikot ng hospital.

Pagliko namin sa kabilang pasilyo malayo pa lang nakita ko na si mama at Don Juanito na naka-upo. Mukhang inaalo ng matanda ang aking ina. Bumitaw ako sa hawak