Chapter 159: Gullible Joseph

Napanganga ang mga nanonood kina Carmela at Matthew ng kumuha ng tubig si Matthew at halos subuan na si Carmela. Ang daming babae na naiinggit kay Carmela ngunit marami ring lalaki ang naiinggit kay Matthew.

Nakangiti lamang si Carmela sa ginagawa ng kanyang kapatid. Alam niya na maasikaso si Matthew sa kanya dahil solong anak ito. Hindi nito naranasan na magkaroon ng kapatid kaya kahit galit ito kay Alexander ay mahal na mahal nito sila Carmela at Bernadette.

“Wow! Nakakainggit si Carmela!”

“Sana bigyan din ako ng tulad ni Matthew! Ahh!”

“Matthew, please, anakan mo ako!”

“Bakit parang normal lang sa kanila ang ganitong set-up? Parang matagal na silang sweet sa isat isa!”

Mas lalong nagkagulo ang comment section nagulat na lamang ang mga tao na kusang nabura ang live video ng babaeng iyon. Halos naging usap-usapan si Carmela at Matthew ng hindi nila nalalaman.

SI JOSEPH naman ay galit na tumingin sa kanyang cellphone. Hindi niya akalain na maba-badtrip siya ng wala sa oras. Nagngingit