Chapter 161

“LUCAS!” Malakas na tawag ni Carmela sa anak. Patakbo siyang lumapit kay Lucas na kasama ni Joseph ngunit natigilan siya ng nakita niya si Wendy na kasama ng dalawa. Hindi alam ni Carmela ang kanyang mararamdaman ng oras na iyon. Hindi niya inasahan na magkasama pala si Wendy at Joseph ng igala si Lucas.

Hindi alam ni Carmela kung ano man ang emosyon na pumasok sa kanya. Pakiramdam niya ay naging isang buong pamilya si Wendy at Joseph kasama si Lucas. Pakiramdam niya ay may bumabarang bagay sa kanyang lalamunan na agad niyang nilunok.

Nakangiti lamang si Wensy sa kanila ngunit naging ngiwi ang labi nito ng nakita si Matthew na kasama si Carmela. Nakatingin lamang din ang lalaki sa kanya na parang pinagmamasdan siya.

“Mommy!" Masayang tawag ni Lucas kay Carmela. Ngumiti ng pilit si Carmela saka mabilis na niyakap si Lucas. Kinarga niya ito.

“Ms. Carmela, totoo pala na anak niyo ni Joseph si Lucas,” Nakangiting sabi ni Wendy. Napasulyap pa ito kay Joseph dahil pinanglalakihan siya ng ma