Chapter 158: Trending Video

MASAYANG-MASAYA si Lucas habang nakahawak sa kamay ni Joseph. Nakabungisngis ito na para bang nakakatawa si Joseph sa kanyang paningin. Tinitigan tuloy siya ni Joseph ng matagal. Pinagtitripan ba siya ng anak niya? Alam niya na may pagkapilyo ito at naalala niya ba parang naawa pa siya sa tatay nito dahil masyado itong madahilan. Ngunit siya pala ang tatay ni Lucas.

“Daddy, alam mo ba ang saya ko po,” Nakangiting sabi ni Lucas. Hinawakan niya ng mahigpit si Joseph sa kamay na para bang takot siya na umalis ito.

“Dahil ba gwapo si daddy kaya ka masaya?” pang-uuto ni Joseph.

Napanguso si Lucas dahil sa tanong kanyang daddy. Okay, iisipin na lang niya na daddy niya pa rin ito. Magkamukha naman sila ni Joseph kaya kung sasabihin niya na panget ang daddy niya ay ibig sabihin ay panget din siya. At hindi siya makakapayag sa bagay na 'yon!

“Daddy, magkamukha tayong dalawa kaya hindi ako kokontra sa sinasabi mo ngayon. Kapag po sinabi ko na panget ka ay panget din ako. Be thankful na nagmana