chapter 39

“Ano’ng nangyari?” tanong niya sa mga bodyguard nila, nang lumapit ang mga ito sa ka'niya.

“Mayor, nawalan po tayo ng power ng kuryente,” sagot ng isa niyang bodyguard

Magsasalita pa sana siya nang bigla na lang sila nakarinig nang malalakas na mga putokan ng baril, na siyang lalong kinagulo ng mga bisita nila.

Biglang kumuyom ang mga kamao niya sa mga taong nagpapaputok ng baril.at pangahas na pumasok sa loob ng mansion.

“Sige, kayong lahat siguraduhin ninyo na ligtas ang mga tao--- kayo na muna ang bahala rito, pupuntahan ko lang ang asawa ko sa loob ng mansiyon.” Sabay kuha ng baril sa likuran niya.

“Eric!” tawag ng pinsan niya nang lumapit ang mga ito kasama ang ibang kaibigan niya.

“Ikaw na muna ang bahala rito, siguraduhin na ligtas ang mga bisita, pupuntahan ko lang sa loob ang asawa ko,” saad niya sa pinsan.

“Sige, mag-iingat ka at kami na ang bahala rito, puntahan mo na ang mag ina mo at may hinala ako na ang asawa mo ang target ng mga taong pumasok dito sa mansiyon.”